Tenderi për rregullimin dhe hapjen e rrugëve të rendit të tretë, pastrimi i lumenjëve dhe largimi i deponimeve të egra në Komunën e Gjilanit do të zvarritet edhe për një kohë.

Krejt kjo shkak i shkeljeve të Ligjit të Prokurimit Publik që ka bërë Komuna e Gjilanit.

Organi Shqyrtues i Prokurimit (OSHP), pas marrjes së një ankese për këtë tender, i kishte anuluar dhënien e kontratës ku kishte obliguar Komunën e Gjilanit që lënda të kthehet në ri-vlerësim, shkruan Ndërtimi.info

Por, komuna nuk përfilli vendimin e OSHP-së për të kërkuar informacione shtesë për inxhinierët. Meqë i njëjti inxhinier ishte prezentuar nga dy operatorët ekonimik.

Edhe pas rivlerësimit Komuna e Gjilanit rekomandoi për dhënie të tenderit po të njëjtin operator, “Zuka”, e cila sipas OSHP-së kishte prezantuar si inxhiner të tyre inxhinierin e “El-Bau”Sh.P.K-Gjilan.

“Autoritetit Kontraktues, Komuna e Gjilanit gjatë fazës së ri-vlerësimit nuk ka respektuar vendimin e OSHP-së nr. 277/17 të datës 14.09.2017, duke rekomanduar për kontratë të njëjtin OE sikur herën e parë edhe pse i nëjëjti nuk është në përputhje me këresat në dosjen e tenderit dhe me njoftimin për kontratë dhe duke mos respektuar në mënyrë të drejtë nenin 72 të LPP-së”, thuhet në urdhëresën e OSHP-së.

Veç kësaj, Komuna e Gjilanit gjatë rivlerësimit kishte kërkuar edhe sqarime për inxhinierët por vetëm për disa prej tyre por jo edhe për inxhinierin Fahredin Halili. E që kjo siç tregon OSHP, është bërë për të ardhur sërish te dhënia e kontratës për të njëjtin operator ekonomik.

“AK gjatë fazës së rivlerësimit nuk ka këkërkuar sqarime për inxhinierin Fahredin Halilin por vetëm për disa inxhinierë tjerë. Me këtë rast AK nuk ka vepruar drejt duke anashkaluar informata për një inxhinier dhe duke kërkuar sqarime vetëm për disa inxhinier në mënyrëqë të vij deri të dhënia e kontratës për të njëjtin operator ekonomi. Edhe gjatë kërkesave për sqarime sipas nenit 72 AK ka pranuar dokumente që dëshmojnë se nuk kanë qenë para datës së fundit për dorëzim të tenderëve në këtë rast AK me dashje apo pa dashje ka bërë shkelje të LPP”, sqaron OSHP.

Ndryshe thotë përfaqësuesi i kompanisë “Zuka”, të cilës Komuna e Gjilanit ia dha tenderin.
Përfaqësuesi i saj, Muhadin Zuka, për Ndërtimi.info tha se pas kërkesës së OSHP-së që të merren informacione shtesë për inxhinierët komuna ka këkruar nga ai dokumente për inxhinierin Fahredin Halili.

“Kur ka kërkaur OSHP sqarim shtesë për inxhinierin në fjalë, mua Kuvendi Komunal i Gjilanit më ka kërkuar dokumentin pre Administratës Tatimore se a është ky punëtori i yti me të vërtetë kohë të gjatë apo jo. Dhe unë kam shku e kam marrë vërtetetimin dhe në të njëjtin kohë i kam bërë pyetje zyrtarit të Adminsitratës Tatimore se a ka mundësi që i njëjti inxhinier në të dy kompanitë me qenë duke punuar. Përgjigjia e tyre ka qenë se ka të drejtë vetëm se në njërën kompani duhet me qenë primar ndërsa në tjetrën sekonadar. Dhe normal se te unë ka qenë primarë”, tha Zuka.

Inxhinieri Halili sipas Zukës ka qenë punëtorë i tij për dy-tre vite, por që ai në muajin mars kishte shkuar edhe te kompania “El-Bau” e për të cilin vendim siç tha ai nuk ishte i informuar.

“Fahredin Halili ka qenë punëtorë te unë për një kohë të gjatë. Dy apo tri vite, mundet me u vërtetu edhe në Administratën Tatimore. Ndërkohë ka shkuar për të punuar edhe te “El-Bau”, por mua nuk më ka lajmëruar që ka marrë një vendim të tillë dhe ka shkuar diku tjetër. E kam thirr në telefon, ai nuk ma ka hap telefonin dhe kam menduar se ka dalë diku jashtë. Në momentin kur kemi konkuruar kemi pa se në të dyja kompanitë është i njëjti inxhinierë. Por në fakt ai është inxhinier tek unë”, tha Zuka.

Por sipas gjetjeve të panelit shqyrtues të OSHP-së, bazuar në dokumentet në dispozicioni, inxhinieri Halili është punëtorë i kompanisë “El-Bau”. Inxhinierin Fahredin Halili kemi tentuar ta kontaktojmë si media, por nuk kemi rënë në kontakt për të kuptuar se ku ka punuar.

“Në lidhje me pretendimin ankimor për inixhinierin Fahredin Halili të cilin kompania e ka rekomanduar për kontratë e prezanton si punëtorë të kompanisë së tyre. Ndërsa sipas dokumenteve në dispozicion ky inxhinier është punëtor i kompanisë “El-Bau”. Autoritetit Kontraktues nuk ka kërkuar informata sqaruese në lidhje me këtë, ky prtendim ankimor qëndor. Nësa sa i përket pretendimeve për falsifikim apo keqpërdorim të diplomës duhet të merren organet kompetente për verifikim të këtyre pretendimeve”, bëhet e ditur nga OSHP.

Por përfaqësues të Komunës së Gjilanit, në seancë kishin insistuar se ata nuk kanë bërë shkelje të Ligjit të Prokurimit Publik. Madje thonë se kompania “Zuka” ka ofruar çmim më të përgjegjshëm

Kurse sa i përket çështjes së inxhinierit, përfaqësuesi i komunës kishte thënë se ekziston mundësia se inxhinieri është i kompanisë “El-bau” por që sipas tij në deri në hapjen e ofertave ai kishte qenë inxhinier i kompanisë “Zuka”.

Ndërtimi.info ka provuar të kontaktoj me Drejtoin e Prokurimit Publik në Gjilan, Salih Kqiku, por kontakti me të qe i pa arritshëm.

Megjithatë, paneli shqytues pas shqyrtimit të shkresave të lëndës, obligon Komunën e Gjilanit që të rivlerësoj tenderin për këtë aktivitet të prokurimit duke vepruar konform nenit 72 për informata shtesë në lidhje me referencat, dëshmitë për inxhinierët dhe stafin teknik.

Gjithë kjo erdh pas ankesës së operaotrit ekonomik “EL-Bau”-Gjilan si palë e pakënaqur, kishe deponuar ankesë në OSHP. Kjo kompani pretendonte se Komuna e Gjilanit për dhënien e kontratës së tenderit kishte vepruar në kundërshtim me Nenin 1 paragrafi 1,2,3, neni 6 paragrafi 1, nenin 7 paragrafi 1, 2 , 4 si dhe nenin 52 paragrafi 7.