Aktuale
Reshitaj thotë se janë ndarë 1.5 milion euro për projektin për lumin Drin
Ministrja e Mjedisit dhe Planifikimit Hapësinor, Albena Reshitaj, ka pritur në një takim një delegacion nga bashkia e Kukësit kryesuar nga ambasadori i Shqipërisë në Kosovë, Qemal Minxhozi.
Në këtë takim është diskutuar për projektet e bashkëpunimit ndërmjet dy shteteve lidhur me menaxhimin e mbeturinave dhe pastrimin e lumit Drin.
Ministrja Reshitaj e informoi delegacionin me projektet konkrete që janë paraparë për mjedisin e që në mënyrë indirekte do të ndikojnë edhe në territorin e Kukësit.
“Sa i përket lumit Drin kemi një donacion prej 1.5 milion euro që përfshinë, pastrimin dhe rregullimin e shtratit. Kjo dëshmon se ne e kemi marrë me seriozitet çështjen e lumit Drin duke u angazhuar për një zgjidhje të qëndrueshme”, është shprehur ministrja Reshitaj.
Ministrja e informoi delegacionin nga Shqipëria për nënshkrimin e vendimit për vënien nën mbrojtje paraprake të një pjese të Malit Pashtrik dhe Liqenit të Vërmicës si zonë potenciale për tu shpallur si vlerë e mbrojtur e natyrës – zonë e mbrojtur ndërkufitare.
Kryetari i bashkisë së Kukësit, Bashkim Shehu, përgëzoi ministren Reshitaj, për vullnetin për bashkëpunim si dhe angazhimin dhe punën e saj konkrete sa i përket mbrojtjes së mjedisit.
Ministrja Reshitaj konfirmoi se pas një takimi që pritet ta ketë me homologun e saj nga Shqipëria, Blendi Klosi, do t’i shqyrtojnë mundësitë se si do të zhvillohen projektet e përbashkëta ndërmjet institucioneve qendrore e lokale në të mirë të mjedisit.
-
Infrastrukturë3 days ago
A mundet robotika në arkitekturë të përmirësojë dizajnin dhe ndërtimin e objekteve?
-
Infrastrukturë3 days ago
Nënshkruhet marrëveshje për energji më të pastër me MCA-Kosova
-
Infrastrukturë3 days ago
Gjysmë milioni euro për infrastrukturën e Artanës
-
Aktuale3 days ago
BE do të jap 1 miliard euro ndihmë financiare për mbrojtjen sociale në Liban
-
Infrastrukturë3 days ago
Italianët zgjedhin Shqipërinë si destinacionin ideal për t’u çlodhur buzë detit
-
Aktuale3 days ago
Eurostat: Shqiptarët më punëtorët në Evropë, por me paga me të ulëta
-
Ambienti3 days ago
Në mbrojtje të Parkut Kombëtar të Sharrit nga efektet e hidrocentraleve!
-
Infrastrukturë4 hours ago
Në Drenas vihet gurë themeli për energji të ripërtëritshme me vlerë mbi 43 milionë euro