Aktuale
MZHE-në e pret padia nëse nuk publikon kontratën për “Kosovën e Re”
Pas më shumë se pesë vjetësh qëkur është shitur kompania për distribucion dhe furnizim të energjisë elektrike, për qytetarët kurrë nuk janë bërë të ditura detajet e marrëveshjes.
Qeveria vazhdon t’i fshehë këto dokumente ku tregohet se çfarë u shit e çfarë do të ndërtohet nga kontrata me investitorin Limak – Çalik.
Megjithatë, Gjykata Themelore përmes një aktvendimi, e obligon Ministrinë e Zhvillimit Ekonomik që brenda afatit prej 30 ditësh t’i bëjë publike këto marrëveshje.
Ky vendim i gjykatës u mor pas padisë së Institutit GAP.
Detyrohet i padituri, Ministria e Zhvillimit Ekonomik në Prishtinë, që brenda 30 ditëve nga dita e pranimit të këtij aktgjykimi, t’i lejohet paditësit Institutit për Studime të Avancuara GAP me seli në Prishtinë, të ketë qasje në dokumentet publike që lidhen me procesin e privatizimit të KED-it dhe Ofertimit të Projektit “Kosova e Re”
Instituti GAP kishte bërë 22 kërkesa në ministri dhe KEK për t’i parë këto dokumente. Meqë vazhdimisht janë refuzuar, kishin dorëzuar në qershor të 2013-s padi në gjykatë.
Për padinë në fjalë, Ministri i zhvillimit ekonomik, Valdrin Lluka thotë se nuk ka pasur njohuri.
Publike nuk është bërë as kontrata e arritur më 20 dhjetor 2017 për Kosovën e Re.
Për mospublikimin e marrëveshjes së re, ministri Lluka fajin ia hedh bordit të kompanisë amerikane “Contour Global”.
E nëse ministria nuk ua mundëson qasjen edhe në këtë marrëveshje për termocentralin e ri, GAP-i thotë se padi nuk do të ushtrojë më ndaj institucionit, por ndaj ministrit.
Qasja në dokumentet zyrtare është e rregulluar me ligj, por këtë ligj vazhdimisht e shkelin institucionet publike, posaçërisht kur janë në pyetje kontratat e mëdha.
-
Infrastrukturë3 days ago
Komuna e Prishtinës tejkalon vlerën e parashikuar, jep tenderin për ndërtimin e një rrugë kompanisë me ofertën 100 mijë euro me të shtrenjtë
-
Infrastrukturë3 days ago
“Aksident i rëndë pune” në kantierin e ndërtimit të tunelit Fehmarnbelt në Gjermani
-
Infrastrukturë3 days ago
Marriott nënshkruan mega marrëveshje me NEOM për të ndërtuar në Trojena
-
Aktuale2 days ago
Zyra e Kryeministrit Kurti furnizohet me mobile luksoze në vlerë prej 54 mijë euro
-
Infrastrukturë3 days ago
Këto janë dhjetë qytetet më të mira për këmbësorët
-
Aktuale3 days ago
Ligji i Punës të rikthehet në agjendën legjislative
-
Auto3 days ago
Renault prezanton SUV-in e ri Symbioz
-
Infrastrukturë2 days ago
Përparim Rama: Spitali i Kryeqytetit po bëhet!