Featured
Monumentet e trashëgimisë, në rrezik nga reshjet
Monumentet e trashëgimisë kulturore në qytete të ndryshme të Shqipërisë janë në rrezik nga përmbytjet për shkak të reshjeve të shumta atmosferike. Monumente në Durrës, Vlorë, Fier e Korçë, siç është raportuar në mediet shqiptare, janë mbushur me ujë dhe uji prej tyre të dielën është nxjerrë me pompë, transmeton “Koha Ditore”.
Ekipe të shumta kanë dalë nëpër vende të ngjarjes duke u munduar që të shpëtojnë këto monumente nga vërshimet. Një prej objekteve ku janë ndërmarrë masa është Kisha e Kryeengjëjve Mihal e Gabriel në Voskopojë.
Ministria e Kulturës në Shqipëri, përmes një materiali të detajuar, ka raportuar për monumentet që janë të rrezikuara nga jugu në veri. Deri të dielën pasdite nga raportimet periodike nuk ka pasur emergjenca në objektet e trashëgimisë, por situata të kontrollueshme në disa pika ku janë paraqitur probleme për shkak të përmbytjeve dhe reshjeve masive.
Në një njoftim të lëshuar nga Ministria është thënë se është duke u monitoruar me kujdes “Ura e Golikut”, e cila është nga më të rrezikuarat. Një grup pune po inspekton dhe monitoron objektin. Në qarkun e Durrësit paraqiten problematika për dy monumente: Kisha e Gjon Pagëzorit në Derven të Krujës dhe “Forumi Bizantin” (Macellum Forum). Ndërsa në Durrës për shkak të reshjeve ka pasur rrëshqitje të dherave dhe disa gurëve të mbushjes së trotuarit.
Sipas MK-së, janë marrë masat e menjëhershme për sistemimin dhe përforcimin e skarpatës nga punonjësit.
“Gazeta shqiptare” të dielën ka raportuar për gjendjen e monumenteve në disa qytete të Shqipërisë.
“Në qarkun e Fierit, sipas Ministrisë së Kulturës, paraqiten problematika. Kisha e Shën Kollit në Vanaj paraqet probleme në çatinë e saj, pasi nga shirat e tepërt rrezikon. Të njëjtin problem me çatinë ka edhe Kisha e Shën Gjergjit në Libofshë, sikundër edhe Kisha e Shën Marisë në Bishtqethëm. Ndërkaq Kisha e Shën Gjergjit në Suk Strum rrezikon pasi ndodhet në fushë. Drejtoria Rajonale e Korçës po monitoron urën e Golikut, e cila është nga më të rrezikuarat, ndërsa në Kishën e Shën Gjergjit në Shipskë ka pasur lëvizje të rasave”, ka shkruar “Gazeta shqiptare”.
Sipas kësaj të përditshmeje, inspektimet janë bërë edhe në qytetin e Vlorës. Përveç dëmtimeve të vogla në Muzeun e Pavarësisë në Vlorë dhe përmbytjes së oborrit, aty thuhet se falë intervenimeve rreziku është mënjanuar. E njëjta vlen edhe për Shkodrën.
“Në Shkodër nuk shfaqen problematika në objektet e trashëgimisë për shkak të motit të keq. Pas inspektimit të bërë në objektet me risk më të madh situata paraqitet normale. Në Xhaminë e Plumbit ka pak ujëra, por ato vijnë si rezultat i ujërave nëntokësore pasi xhamia është nën nivelin e lumenjve Kir dhe Drin. Në kishën ‘Shirgjit’ situata paraqitet normale po ashtu edhe tek ura e Mesit prurjet e lumit Kir nuk janë intensive”, ka shkruar “Gazeta shqiptare”.
Featured
Kompanitë kosovare ftohen të respektojnë Ligjin gjerman të furnizimit
Ligji Gjerman i Zinxhirit të Furnizimit (Lieferkettensorgfaltspflichtengesetz – LkSG) ka hyrë në fazën e dytë të zbatimit më 1 janar 2024, duke zgjeruar fushëveprimin e tij për të mbuluar të gjitha kompanitë në Gjermani me mbi 1000 punonjës.
Zgjerimi do të shtojë rreth 2,000 kompani gjermane në kuadrin rregullator. Këto kompani do të aplikojnë kriteret që parashihen me ligj përgjatë gjithë zinxhirit të tyre të furnizimit dhe tek furnitorët jashtë Gjermanisë. Përfshirë këtu kompanitë nga Kosova që janë furnitorë të kompanive gjermane, apo që synojnë të bëhen furnitorë për kompani gjermane.
Ligji për Zinxhirin e Furnizimit u miratua në vitin 2021 dhe zyrtarisht hyri në fuqi më 1 janar 2023, duke iu kërkuar kompanive gjermane të plotësojnë kritere për të siguruar dhe mbrojtur të drejtat e njeriut dhe çështjet mjedisore në zinxhirët e tyre të furnizimit global.
Ligji implementohet në tri faza: Në fazën e parë, ligji gjerman u aplikua për kompanitë me mbi 3000 punonjës në Gjermani. Përafërsisht 900 kompani të mëdha gjermane u detyruan ta zbatojnë ligjin.
Në vitin e parë të zbatimit, Zyra Federale për Çështjet Ekonomike dhe Kontrollin e Eksportit (BAFA) ishte përgjegjëse për monitorimin dhe zbatimin e ligjit. BAFA kreu 486 inspektime të kompanive të mëdha për të vlerësuar pajtueshmërinë. Vlerësimi i përgjithshëm i BAFA ishte pozitiv, duke gjetur se kompanitë ishin përgjithësisht të suksesshme në krijimin e sistemeve dhe proceseve të nevojshme për të përmbushur kërkesat e Ligjit në fazën e parë.
Megjithatë, zgjerimi i zbatueshmërisë së Ligjit Gjerman të Zinxhirit të Furnizimit në ndërmarrjet e mesme pritet të paraqesë më shumë sfida.
Kompanitë kosovare që nuk i zbatojnë kushtet e parapara me këtë ligj, nuk do të mund të vazhdojnë apo fillojnë eksportin në Gjermani.
Aktuale
‘Autostrada Hangar’ do të hapë dyert për publikun më 5 Mars 2022
Autostrada Hangar synon të gjenerojë bashkëjetesë mes komuniteteve duke punuar dhe prodhuar së bashku si një ekip dhe do të përdoret veçanërisht për të plotësuar nevojën urgjente të një edukimi joformal dhe programeve të ndërtimit të aftësive në mënyrë që të fuqizojë të rinjtë në Kosovë dhe rajon.
“Edhe pse hapësira jonë u përdor si një nga ambientet kryesore të edicionit të tretë në 2021, ku patëm një vit mjaft të suksesshëm me ekspozitën tonë ndërkombëtare, programin e zhvillimit të aftësive dhe edukimit, më 5 mars ajo do të jetë gati të hapë dyert e saj me një dizajn i ri dhe një program vjetor.
Deri më tani, ne kemi qenë të përkushtuar për të institucionalizuar “Autostrada Hangar” si institucioni i vetëm i artit bashkëkohor në Prizren përmes krijimit të një programi publik vjetor bazuar në nevojat e komuniteteve dhe partnerëve duke ndjekur parimin e gjithëpërfshirjes, duke e bërë programin të hapur për komunitete të ndryshme dhe më shumë. ekologjikisht të qëndrueshme”, shkruan në njoftim./Media Ndërtimi.
Aktuale
Asociacioni i Arkitektëve shpallë zgjedhjet për kryetar
Asociacionit të Arkitektëve të Kosovës, njofton se duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 27, të Statutit të Asociacionit të Arkitektëve të Kosovës, të vitit 2020, shpallë Zgjedhjet e rregullta për Kryetarin e AAK-së
Kuvendi zgjedhor i Asociacioni i Arkitektëve kosovar, do të mbahet të mërkurën, më 30.03.2022 nga ora 17:00, në Modelariumin e Fakultetit të Arkitekturës – Prishtinë.
Ftohen, të gjithë anëtarët e Asociacionit të Arkitektëve të Kosovës që të marrin pjesë në kuvendin zgjedhor, dhe në frymën e konkurrencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 33, të statutit./Media Ndërtimi.
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
