Ndërtimi i hekurudhës me Shqipërinë, do të jetë një hap që do t’i sjell zhvillim të dyja vendeve. Kështu vlerësojnë ekonomistët, duke theksuar se dy të shtetet duhet të intensifikojnë bashkëpunimin edhe më shumë.

Hekurudha Durrës-Prishtinë, do t’u sjellë benefite të dyja vendeve për t’u zhvilluar edhe më shumë, duke u bërë një vend transit për shërbimet e mallrave. Duke folur për Radio Kosovën, ekonomisti Erton Bega, vlerëson se ndërtimi i atij rëndësi jashtëzakonisht të madhe strategjike- gjeopolitike.

“Ka një rëndësi të madhe strategjike ekonomike dhe synohet të vije deri kah Peja dhe rajoni i Dukagjini e të lidhet me Prishtinë. Njëkohësisht edhe transporti i mallrave është më i lirë, ndotja e ambientit është më e vogël, pra ka disa benefite të cilat vinë, por projekti më Shqipërinë ka rëndësi jashtëzakonisht të madhe strategjike-gjeopolitike, sepse e faktorizon Shqipërinë por edhe Kosovën me marrëveshjet e tjera”, tha Bega.

Ekonomisti Safet Gërxhaliu duke folur për Radio Kosovën, thotë se bashkëpunimi në mes të dy shteteve duhet të ngritet edhe më shumë, edhe pse janë bërë shumë investime në infrastrukturë.

“Rruga e Kombit e ka lehtësuar komunikimin, qarkullimin dhe rritjen e aspektit të bashkëpunimit ekonomik, dhe besoj që hekurudha do ta përmbush një mozaik të ëndërruar dhe të pritur  me gjenerata për tu ofruar me Shqipërinë. Ky projekt ka një rëndësi multidimensionale, në aspektin politik, strategjik, ekonomik, integrues”, tha Gërxhaliu.

Ekonomistët vlerësojnë se hekurudha Durrës-Prishtinë, do të ndikojë edhe në Ballkanin Perëndimor, në ekonomi, partneritet dhe zhvillim. Për këtë projekt kanë filluar studimet e fizibilitetit dhe pritet të hapet konkursi për kompanitë që do të realizojnë projektin./Media Ndërtimi

Falë iniciativës së Milaim Rushitit, në Kosovë për herë të parë u ndërtua Observatori dhe Planetariumi Kombëtar, “dhoma virtuale” tek e cila shfaqen pamje të galaktikave. Për ndërtimin e kësaj qendre shkencore, Rushiti dhuroi 5 ari nga trualli që e trashëgoi nga babai i tij.

Observatori dhe Planetariumi Kombëtar i Kosovës është hapur zyrtarisht më 20.06.2024 për publikun, në fshatin Rashincë të komunës së Shtimes.

Ndërtimi i tij është mbështetur nga Mnistria e Arsimit dhe Komuna e Shtimes, në vlerë prej 310 mijë euro, shkruan Kallxo.com

Kush është profesori nga Shtimja që fali tokën për Planetariumin e parë të Kosovës?

Profesori nga fshati Rashincë i Komunës së Shtimes, Milaim Rushiti tash e dymbëdhjetë vite është mësimdhënës i shkencave të natyrës. Ai që nga viti 2012 ligjëron astronomi dhe fizikë në Gjimnazin Shkencor “Kuvendi i Arbrit” në Ferizaj.

Rushiti është drejtor i klubit të Astronomisë së Kosovës “Astronomy Outreach of Kosovo” (AOK).

Ai është bashkëideator për ndërtimin dhe hapjen e Planetariumit të parë të Kosovës, ide e cila siç tregon ai, filloi në vitin 2017, por që për shkak të problemeve me buxhetin, kjo ide nuk u realizua për një kohë./Media Ndërtimi

Numri i banorëve u tkurr me rreth 400 mijë ndërmjet viteve 2011-2023, duke zbritur në 2.4 milion banorë, sipas rezultateve të Censit, por stoku i banesave është rritur me gati 75 mijë që nga regjistrimi i vitit 2011. Sipas të dhënave zyrtare të Censit, në vitin 2023 rezultuan 1,082,529 banesa në të gjithë vendin.

Këtu është numri i banesave të prezantuara në Cens duke mos u përfshirë banesat jo të zakonshme, d.m.th ato që përdoren për biznes, – sqaroi INSTAT-i për Monitor.

Sipas informacionit nga INSTAT-i, në raport me Censin e mëparshëm, ka një rritje me 7.4% të numrit të banesave ose rreth 74.2 mijë më shumë se në vitin 2011 kur kishte 1,008,243.

Shtëpitë individuale përfaqësonin 47,0% të këtyre banesave, ndërsa 39,9% e tyre janë pallate. Një kategori e vogël e banesave janë banesa pjesërisht të veçuara (8,1 për qind) dhe shtëpi në rend tarracor (5,0 për qind).

356 mijë banesa janë bosh, gjysmat në pallate

Nga numri gjithsej i banesave të zakonshme, në momentin e Censit rezultuan 726.325 (67,1%) banesa të banuara, duke vlerësuar 32,9% banesat e zakonshme të pabanuara. Nga anketimi në terren, INSTAT-i gjeti se shkalla e banesave të zakonshme të pabanuara varionte nga 24,3% për banesat pjesërisht të veçuara në 39,4% për banesat në pallate, shtëpitë individuale dhe ato në rend tarracor ishin përkatësisht secila 29,2 dhe 29,8%, njoftoi INSTAT-i.

Sipas të dhënave të përpunuara nga “Monitor”, në numër, rezulton se në vend ka gjithsej 356 mijë banesa që janë bosh (32.9% e totalit), nga të cilat 170 mijë ose gati gjysma janë në pallate. Pallatet kanë dhe përqindjen më të lartë të banesave bosh, me gati 40%. Emigracioni vlerësohet një nga arsyet kryesore që ka zbrazur banesat në vend, ndërsa në kahun tjetër, cikli i ndërtimit, pas një maturimi në periudhën 2008-2016 u gjallërua sërish vitet e fundit.

Sektori i ndërtimi është përfshirë në zhvillime të vrullshme vitet e fundit, që u përshpejtua sërish nga viti 2016, duke bërë që për çdo 2.2 banorë të ketë një banesë. Vetëm në kryeqytet, që nga viti 2000 është dhënë leje ndërtimi për një sipërfaqe prej gati 13 milion metrash katror. Vitet e fundit, në Tiranë është dhënë mesatarisht 70% e totalit sipërfaqes për leje ndërtimi në vend.

Të dhëna për banesat

INSTAT-i raportoi se përafërsisht në përqindje të barabarta, banesat e zakonshme ishin ndërtuar në periudhën që nga viti 2001 (36,4%) dhe në periudhën 20 vjeçare 1981-2000 (37,5%), ndërkaq rreth një e katërta (26,1%) ishin ndërtuar  para vitit 1981./Media Ndërtimi