Kryeministri i Shqipërisë, Edi Rama, ka njoftuar se është hapur rruga që lidh Kosovën me Shqipërinë, në rajonin e Hasit.

Rama ka publikuar fotografitë e rrugës së re që ka thënë se kjo është si rezultat i angazhimit të marrë nga mbledhja e përbashkët mes dy qeverive.

Rruga lidh gjashtë fshatra të Hasit, Kukësit, Prizrenit dhe Dragashit.

“Një angazhim i marrë gjatë mbledhjes së përbashkët mes Qeverisë Shqiptare dhe Qeverisë së Kosovës, që tashmë afron edhe më shumë dy vendet tona jo vetëm fizikisht por edhe ekonomikisht duke lehtësuar lëvizjen e qytetarëve në të dyja anët e kufirit, sidomos për gjashtë fshatrat e thellë Zapod, Kerstec, Pogaj, Gorozhup, Dobrune, Blinishte, të bashkive Has, Kukës si dhe Komunat e Prizrenit dhe Dragashit në Kosovë”, ka shkruar Rama në Facebook./Media Ndërtimi

Ministri i Infrastrukturës, Liburn Aliu më 21.05.2024 ka folur për autostradën që lidh Prishtinën më Merdarën duke theksuar se po punohet në rrugën aktuale në katër shirita gjerësi.

Kjo pasi sipas tij, pala serbe ka filluar ndërtimin e autostradës në vetëm pesë kilometra.

“Pala tjetër, pra shteti fqinj ka filluar ndërtimin e autostradës vetëm për 5 kilometra, në ndërkohë që distanca jonë deri te autostrada në Nish është 75 kilometra. Pra 75 kilometra është në anën tjetër që do jenë vetëm 5 kilometra autostradë, ndërsa pjesa tjetër me dy dhe tre shirita.

Prandaj edhe Kosova e ka shqyrtuar këtë mundësi që të shohim zhvillimet e tej, do të kishte kuptim të ishte autostradë krejt. Por meqë pala andej ka vetëm 5 kilometra autostradë ne po e bëjmë rrugën më katër shirita të gjerë”- ka thënë ai.

Sipas tij, nga ana e Kosovës mbeten edhe 24 kilometra që të arrihet rruga në kufi, raporton Kallxo.com

Ndërsa ka thënë se lidhur me korridorin e 10 -të po punojnë që të bëhet kyçja përmes autostradës së Gjilanit.

Në lidhje me korridorin 10-të dhe kyçje në korridorin 10-të, i cili kalon nga Selaniku në Shkup, Luginë të Preshevës në Nish e Beograd, i cili më pas vazhdon në Vjenë e Budapest jemi duke punu në kyçje përmes autostradës për Gjilan dhe projektin e radhës dhe shumë shpejt të hapim tenderin për punim të autostradës deri të Dheu i Bardhë”- ka thënë Aliu pas mbledhjes së Qeverisë.

Sipas Aliut, i gjithë regjioni do të ketë mundësi të mira të kyçjeve nëpër korridore, duke pas urKosovën si vend tranzit./Media Ndërtimi

Komuna e Prishtinës në qershor të vitit 2023 ka lidhur kontratë trevjeçare në vlerë prej 12 milionë euro me një kompani të quajtur “Shërbimi i Arkitektit të Kryeqytetit” – SHAK, për konsulta dhe shërbime arkitektonike të kryeqytetit. Bartëse e konzorciumit është kompania e arkitektit Astrit Nixha, “ANARCH” SH.P.K. Ndërsa, anëtare e konzorciumit është edhe kompania Ardi CC L.L.C. Demokracia.com ka gjetur fakte të reja që çojnë në dyshime për manipulime të tenderit vetëm që këto dy kompani, që më pas figurojnë si aksionarë të “SHAK”, ta fitojnë tenderin e Komunës së Prishtinës.

Tenderi ishte vlerësuar në dy faza, në aspektin teknik dhe atë financiar. Meqë “SHAK” kishte ofruar çmime jashtëzakonisht të larta në krahasim me ofertat e tjera, Komuna e Prishtinës kishte bërë vlerësim maksimal në vlerësimin e dokumentacioneve, kontratave dhe stafit. Ofertimi për stafin profesional ishte vlerësuar më 30 pikë ose më së shumti. Sipas dëshmive të siguruara nga Demokracia.com, ekziston dyshimi se pjesa më e madhe e stafit prej rreth 30 punëtorëve ka qenë fiktive vetëm që kompania ta plotësojë këtë kriter. Të paktën kështu dëshmojnë të dhënat e Administratës Tatimore të Kosovës – ATK, të cilat vërtetojnë se Nixha nuk i ka paguar punëtorët më të cilët figuron që ka lidhur kontratë në emër të SHAK me ta.

“Kontratë mbi bashkëpunimin afarist për punët e përbashkëta në punën e konsulencës dhe inxhinierisë”. Kështu quhet titulli i kontratës që Astrit Nixha e ka lidhur me arkitektë të ndryshëm në gusht të vitit 2022, të cilët më pas i ka paraqitur në ofertën tenderuese. “Kontrata lidhet në mes të Grupit të Operatorëve Ekonomik, në përbërje: Shoqëri me përgjegjësi të kufizuara “Anarch”, me selinë afariste në adresën në Prishtinë, rr. UÇK 46/10, si lider i Grupit dhe Shoqërisë me përgjegjësi të kufizuara “Ardi CC”, me selinë afariste në adresën në Prishtinë, rr. UÇK 15, si anëtar i Grupit që do të veprojë si Konzorcium me emrin Shërbimi i Arkitektit të Kryeqytetit, tash e tutje me akronimin Sh.A.K. si punëdhënës, këtu e tutje përfaqësuar nga Projektmenaxheri i Sh.A.K. Astrit Nixha”, thuhet në kontratat që Nixha kishte lidhur me punëtorët si punëdhënës.

https://demokracia.com/dyshime-se-astrit-nixha-manipuloi-me-stafin-te-arkitekti-kryeqytetit-ne-oferte-i-deklaroje-si-punetor-por-ne-atk-nuk-figurojne/?fbclid=IwZXh0bgNhZW0CMTEAAR3F50P113P2I2dwBiUYvQarzLP504iP0QuTurSxRlpJzXoKNlrNpC0xSlI_aem_ASHLtqIhdYU7oE05ZLu3YhQ0P2R4wC26q6sz0ocmIV7HK9tHRCbdLHzRKy52eqUUFFS94xYkpULP0YnaIKAWXcqp

Demokracia.com ka raportuar se kompania e tij “SHAK”, në vitin e kaluar në një periudhë vetëm prej rreth 2 muajve ishte paguar nga Komuna e Prishtinës në një vlerë prej rreth 1.5 milionë euro.

Ndryshe nga punëtorët e tij që nuk figurojnë në listat e ATK-së në asnjë muaj si të paguar, vetë Nixha figuron aty se po merr pagë në baza mujore.

Astrit Nixha ka pozitën në këtë kontratë si menaxher i projektit. Sipas të dhënave të ATK-së që ka siguruar Demokracia.com, ai nga SHAK merr pagë që nga muaji gusht i vitit 2023. Ndonëse kompania e tij vetëm në vitin e kaluar ka marrë mbi 2 milionë euro nga Komuna e Prishtinës, Nixha në “Shërbimi i Arkitektit të Kryeqytetit” merr pagë sekondare, ndërsa te kompania “Anarch” SHPK merr pagë primare. Pra, ai me pagë sekondare po i “vjelë” milionat nga Komuna e Prishtinës.