SHBA kanë rritur tarifat për automjetet elektrike nga Kina nga 25 për qind në 100 për qind, njoftoi sot Shtëpia e Bardhë, pas një sërë masash të ashpra me të cilat administrata e presidentit, Joe Biden kërkon të kufizojë importet nga ai vend.

Tarifat e reja do të zbatohen jo vetëm për automjetet elektrike, por edhe për bateritë dhe panelet diellore, gjysmëpërçuesit, vinçat portualë dhe disa produkte mjekësore si maskat mbrojtëse.

“Njoftimi i sotëm është një reflektim i angazhimit të presidentit Joe Biden për t’u kujdesur për punëtorët amerikanë. Kur përballemi me mosrespektimin e rregullave të konkurrencës dhe praktikave të padrejta nga jashtë, presidenti do të përdorë gjithçka që ka në dispozicion për të mbrojtur punëtorët dhe industrinë amerikane”, shtoi Shtëpia e Bardhë.

Kjo e fundit pretendon se masat janë të nevojshme sepse Kina po vërshon tregjet botërore me eksporte të lira të krijuara artificialisht dhe Biden reagoi pavarësisht përpjekjeve për të stabilizuar marrëdhëniet me Pekinin, tha Lael Brainard, drejtor i Këshillit Ekonomik Kombëtar.

Elon Musk, CEO i prodhuesit të veturave elektrike Tesla, gjithashtu ka paralajmëruar vazhdimisht se prodhuesit kinezë kanë një avantazh të padrejtë.

Sipas qeverisë amerikane, këto masa do të ndikojnë në eksportet nga Kina, të cilat arrijnë në 18 miliardë dollarë./Media Ndërtimi

Teknologjia më e fundit hibride e VW, e përdorur në modele të tilla si Passat dhe Tiguan, tashmë ofron një distancë elektrike prej më shumë se 100 kilometrash.

Marka Volkswagen planifikon të rrisë gamën e saj të veturave hibride plug-in në përgjigje të kërkesës së ngadalësuar për automjete elektrike. Zgjerimi i portofolit PHEV është një nga prioritetet kryesore të VW, tha të mërkurën CEO Thomas Schafer. Lëvizja është një ndryshim drejtimi në krahasim me strategjinë e mëparshme të fokusimit kryesisht te automjetet elektrike përmes linjës ID.

“Klientët tani duan hibride plug-in, përfshirë në Kinë dhe SHBA”, tha ai në një intervistë në margjinat e një konference mbi industrinë e automobilave në Londër.

Shitjet e hibrideve plug-in në Evropë u rritën më shpejt se shitjet e automjeteve elektrike në fillim të këtij viti. Volkswagen ka ndryshuar strategjinë e tij elektrike pasi ka vonuar disa modele dhe ka mbetur prapa në Kinë, ku dominojnë markat vendase. Vitin e kaluar, prodhuesi braktisi planet për të ndërtuar një fabrikë automjetesh elektrike në Gjermani me vlerë dy miliardë euro.

Shitjet e hibrideve plug-in në Evropë u rritën më shpejt se shitjet e automjeteve elektrike në fillim të këtij viti. Volkswagen ka ndryshuar strategjinë e tij elektrike pasi ka vonuar disa modele dhe ka mbetur prapa në Kinë, ku dominojnë markat vendase. Vitin e kaluar, prodhuesi braktisi planet për të ndërtuar një fabrikë automjetesh elektrike në Gjermani me vlerë dy miliardë euro./Media Ndërtimi

Versioni i fundit i Citron Relay është mjaft i pazakontë.

I quajtur Back to Back, furgoni duket si Photoshop, por në fakt është real dhe ka kuptim.

Ideja Back to Back është për të ulur kostot e prodhimit dhe transportit.

Furgonët janë bashkuar dhe janë përshtatur për shërbime emergjence, përcjell Telegrafi.

Kostot e prodhimit janë ulur sepse Citroen i ndërton furgonët pa pasur nevojë ta shtojë pjesën e pasme të kabinës së zakonshme.

Gjithashtu, edhe shpenzimet e transportit zvogëlohen sepse Back to Back zë më pak hapësirë se dy automjete të veçanta.

Bëhet e ditur se ky model jo vetëm që ul kostot, por redukton edhe mbeturinat.

Ndryshe, raportohet se Relay Back to Back ka një çmim fillestar prej 45 mijë dollarëve./Media Ndërtimi