Projekti “Smart City” ka qëllim rritjen e sigurisë në komunitet, mbrojtjen e jetës, pronës private si dhe monitorimin e trafikut rrugor.

Pas firmosjes së marrëveshjes nga Ministri i Brendshëm Taulant Balla në Abu Dhabi, për zhvillimin e projektit “Smart City” në disa qytete të Shqipërisë, në Tiranë ishin sot inxhinierë, drejtues të projektit, për të parë nga afër detajet dhe vijuar me procesin e zbatimit.

Kjo realizohet nëpërmjet një sistemi gjithëpërfshirës zgjidhjes teknologjike.

“Unë shkova dhe vizitova qendrën tuaj në Abu Dhabi dhe kjo është një ndër arsyet se iu kërkova të vini këtu. Kemi 90 kamera sigurie në total, kështu që plani për të pasur kamera dhe ideja e projektit është që të kemi të paktën mbi 1000 kamera sigurie.

Kamerat nuk do të monitorohen vetëm me njerëzit, por edhe me inteligjencë artificiale. Pra është vetë kamera e cila të tregon se ku është ky incident që lidhet me përdorimin e rripit, ose lëvizje të pakontrolluara,

që mund të shkaktojnë aksidente rrugore, pra i kap vetë kamera dhe nuk do të kemi nevojë t’i shikojmë, pasi 1000 kamera nuk do të kenë 1000 veta që do t’i kontrollojnë.

Edhe radarët do të jenë të gjithë të ndërlidhur në këtë sistem, pra të gjitha do të jenë bashkë, përfshirë edhe kamerat e trupit”, tha Ministri gjatë bisedës me inxhinierët, teksa vizituan sallën operative të Tiranës.

“Kamerat e qytetit, të policisë, të trafikut dhe radarët do të jenë të ndërlidhura në një sistem online”, shpjegoi specialisti i fushës.

“Kamerat e supermarketeve, stadiumeve gjithashtu  do të jenë të ndërlidhura. Pjesa e Paketës së Sigurisë në Shkolla, ku rrugët pranë shkollave do të jenë të monitoruara me kamera të cilat matin shpejtësinë e mjeteve që kalojnë edhe të çdo autobusi apo mikrobusi që shkojnë në shkollë.

Kështu që kemi diçka dhe mund të gjurmohet targa, pra nëse dikush po ecën dhe makina ecën me shpejtësi, sistemi e kap menjëherë dhe ne ia çojmë gjobën direkt makinës”, informoi Balla./Media Ndërtimi

Ndriçimi i vendosur në brigjet e lumit dhe në unazën e qytetit nuk po mirëmbahet në mënyrë të duhur. Këto projekte janë realizuar rishtazi, por nga vëzhgimi në terren mund të vërehet se një numër i caktuar i këtyre dritave nuk funksionojnë, ndërkohë që një pjesë e tyre edhe janë të dëmtuara.

Madje telat e ekspozuara mund të paraqesin rrezik për kalimtarët, ndërkohë që kjo pamje sjellë edhe një imazh vizual negativ për qendrën e qytetit.

EC Ma Ndryshe i bën thirrje autoriteteve kompetente që të marrin masa të menjëhershme për mirëmbajtjen e ndriçimit në këto pjesë.

Gjithashtu rekomandon organet komunale që projektet e kësaj natyre të zbatohen me cilësi të duhur për të pasur qëndrueshmëri dhe për të shmangur rrezikun për qytetarët, gjithnjë duke pasur parasysh kujdesin për shpenzimin e parasë publike, por edhe konsultimin e duhur me organet e trashëgimisë kulturore, të cilat kanë një rol të rëndësishëm në garantimin e integritetit të kësaj zone./Media Ndërtimi

Kryetari i Komunës së Prishtinës, Përparim Rama, ka njoftuar se me rastin e Ditës së Evropës, shkallët e Arbërisë janë veshur me ngjyrat e flamurit të Bashkimit Evropian.

Rama ka thënë se rrugëtimi i Kosovës drejt BE’së është i natyrshëm dhe i pashmangshëm dhe se kjo është simbolika e këtij veprimi.

“Rrugëtimi jonë drejt Bashkimit Evropian është i natyrshëm dhe i pashmangshëm.  Në Ditën e Evropës, i veshëm shkallët ikonike të Arbërisë me ngjyrat e flamurit të Bashkimit Evropian si simbol i këtij rrugëtimi”, ka shkruar Rama./Media Ndërtimi