Connect with us

Turizëm

Turistët “humbin” nëpër Shqipëri; Pse është kaq e vështirë të bëhen platformat e hartave të transportit publik?!

Published

10 months ago

on

Të zbulosh Shqipërinë, e cilësuar si perla më e fundit në aspektin turistik, nuk është aq e thjeshtë. Vendit i mungon një platformë e rifreskuar dhe interaktive mbi mënyrat e transportit publik, duke e kthyer eksplorimin në sfidë. “Monitor” mblodhi përshtypje nga turistë që kanë vizituar vendin këtë vit dhe në krye të ankesave qëndron orientimi për transportin dhe mbetjet. Mungesa e stacioneve të dukshëm të autobusëve, orareve dhe çmimeve në kohë reale, si dhe copëzimi i shumtë i informacionit sjell që shumica të kalojnë orë të tëra nëpër blogje, duke kërkuar alternativat se si të shkojnë në një destinacion. Dhe, në shumicën e rasteve, përfundojnë duke pyetur vendasit pas çdo hapi që hedhin. E gjitha kjo ndodh në një kohë kur platforma si Google, ofrojnë shërbimin falas, mjaft që të dhënat të hidhen të sakta.

Dian dhe shoqja e saj qëndruan të përhumbura në rrugë për më shumë se dy orë, teksa prisnin autobusin nga Gjirokastra në Berat.

Supozohet se duhet të prisnin në një stacion ku do të hipnin, por në rrugë nuk kishte asnjë tabelë që tregonte një të tillë. Informacioni që kishin marrë në internet nuk jepte shumë detaje dhe stacioni mund të ishte kudo.

Kur kuptuan se nuk kishin shumë mundësi për të marrë autobusin, që me shumë gjasa kishte kaluar, u detyruan të bënin autostop. Të ardhura nga Holanda për të vizituar disa ditë vendet më tërheqëse të Shqipërisë, ato vlerësojnë se të orientohesh është një sfidë e vërtetë.

Për të gjetur një destinacion, të duhet shumë kërkim në internet, por mbi të gjitha, të zbatosh atë shprehjen e famshme “Me të pyetur gjen Stambollin”, përshtatur në kontekstin turistik, “Me të pyetur zbulon Shqipërinë”.

Një nga tiparet që ato vlerësojnë si më pozitivin në gjithë këtë amulli orientimi, është dashamirësia e shqiptarëve për të ndihmuar dhe gjindja nëse kërkon ndihmë.

“Përgjithësisht ne përdorëm autobusët për të shkuar nga njëri qytet në tjetrin dhe ndonjëherë ishte kaq çorientuese se ku duhet të shkoje apo qëndroje për të marrë tjetrin. Humbëm dy herë autobusin, që ishte pasdite vonë dhe mesa duket autobusët nuk qarkullojnë gjithë kohën.

Si një udhëtar, ti do që të marrësh një autobus në mëngjes apo vonë në darkë (të paktën unë kështu preferoj). Kishim kohën të kufizuar dhe donim që ta kalonim sa më mirë.

Rruga për në Berat nga Gjirokastra ishte sfiduese, pasi duhet të ndërrosh mjet dhe të marrësh një autobus tjetër, por aty në fakt nuk ka një stacion të posaçëm.

Ne nuk jemi mësuar me këtë dhe nuk dinim se ku të qëndronim në rrugë. Në fund fare na u desh të bënim autostop, për shkak se nuk kishim asnjë mundësi tjetër. Fatmirësisht shqiptarët janë shumë miqësorë dhe të gatshëm për të të ndihmuar”, – pohon ajo për “Monitor”.

Të udhëtosh me autobusë është sfiduese, s’ka platformë që tregon kohën reale

Pjesa më e thjeshtë e udhëtimit që përmendet nga turistët është transporti nga aeroporti drejt kryeqytetit. Alternativa e preferuar, që është taksia, i çon në hotele rreth qendrës, në zona me popullaritet të mirë, por edhe AirBNB, të cilat janë gjithashtu në zona mjaft të mira, ku gjithçka mund ta arrish duke ecur.

Përveç taksive është edhe linja e autobusëve, për të cilën informacioni në internet gjendet lehtë.

“Ne mbërritëm në aeroport dhe shkuam drejt autobusëve (lexuam online se ku të shkonim). Morrëm autobusin e parë për në Tiranë dhe kjo të jem e sinqertë shkoi shumë mirë. Nuk na u desh të përdornim asnjë aplikacion.

Shumicën e informacionit që përdorëm për vendet që do të vizitonim apo ku do të hanim e kemi gjetur në blogje”, pohon Dian. Sipas saj, të gjesh restorante apo vende ku do të shkosh të kalosh kohën është e thjeshtë, nëpërmjet internetit, por transporti në vetvete është një sfidë.

“Transporti në vendin tuaj është sfidë, sidomos prej mungesës së orareve online, si dhe stacioneve ku ndalojnë autobusët gjatë udhëtimit jashtë qyteteve. Edhe në Azi, kjo është më e thjeshtë sesa te ju. Ata kanë një platformë ‘12goasia’ që ndihmon shumë” tregon ajo.

Habia e saj lidhet me faktin se Shqipëria, një vend kaq afër Europës, me modele të ndërtuara nga të tjerët që funksionojnë, ende nuk ka minimumi një platformë të unifikuar dhe bazë për transportin, teksa turizmin e ka shpërthyes./Media Ndërtimi

Related Topics:

Turizëm

Rritet numri i vizitorëve të huaj në Kosovë, këto janë vendet nga vijnë

Published

2 days ago

on

May 13, 2024

By

Numri i turistëve të huaj të cilët vizitojnë Kosovës është rritur nga viti në vit.  Sipas të dhënave të  Agjencisë së Statistikave të Kosovës (ASK), në mars të këtij viti kishte më shumë vizitorë të huaj se sa një vit më parë.

Sipas ASK-së, numri i vizitorëve të huaj në mars të këtij viti është 24 mijë e 037 vizitorë, e që është një rritje prej 21.7 për qind krahasuar me periudhën e njëjtë të vitit paraprak. Ndërsa numri më i madh i tyre është nga Shqipëria, Gjermania, Zvicra dhe Turqia.

“Sa u përket vizitorëve të huaj krahasuar me periudhën paraprake (Mars 2023) ka rritje te vizitoreve për 21.7%. Në total 24 037 vizitorë të huaj, nga të cilët numri më i madh është nga Shqipëri, Gjermania Zvicra, Turqia etj”, thuhet në raportin e ASK-së.

Ndërkaq në Mars 2024, numri i vizitorëve (vendorë dhe të huaj) në Hotele ishte 39 374, prej tyre 38.9%, ishin vendorë dhe 44.1%  ishin të jashtëm. Krahasuar me muajin Mars të vitit 2023  (sa ishin 36 322 vizitorë) kishte rritje të numrit të përgjithshëm të vizitorëve në Hotele për 8.4%.

Ndërkaq numri i net-qëndrimeve ishte 77 601, prej tyre 61.0% nga vendorët dhe 55.8% nga të huajt.

Numrin më të madh të vizitorëve te brendshëm në Hotele e ka regjioni i Pejës me 4  818, vizitor dhe më 18 411, net-qëndrimi./Media Ndërtimi

Continue Reading

Turizëm

Pushimet në kamping, 13.50 euro për një natë qëndrimi paguhet në Shqipëri, më e lira në Evropë

Published

1 week ago

on

May 6, 2024

By

Pushimet në kamping në Shqipëri janë jo vetëm një alternativë e mirë, por edhe më e lira në Evropë, me një çmim prej 13.52 euro për një natë qëndrimi.

Portali i kampingut www.camping.info*, i cili është një nga burimet kryesore europiane të informacionit për pushimet në kamping, ka vlerësuar çmimet e mbi 20,000 kampingjeve europiane në 34 vende.

Gama e çmimeve për një natë kampingu varion nga 13 deri në 39 euro për dy persona në pikun e sezonit, duke përfshirë vendin e qëndrimit, karvanin, energjinë elektrike dhe taksat lokale.

Krahasuar me një vit më parë, çmimet e kampingut në Europë janë rritur me 4,45%, ndërsa në Gjermani, kampistët mund të presin një rritje çmimi prej 6.5%.

“Kampet janë shumë në modë për momentin dhe industria po lulëzon. Nëse doni të siguroni hapësirën tuaj të stendës me raportin më të mirë çmim/performancë, duhet të rezervoni shumë kohë më parë, ose nëse kujtoheni në moment të fundit mund të prisni çmime më të larta apo edhe vende tërësisht të rezervuara”,  shpjegon Maximilian Möhrle, CEO i camping.info.

Ndërsa kampingu në Zvicër ishte në krye të renditjes së çmimeve vitin e kaluar, Italia (39,24 €) do të jetë vendi më i shtrenjtë i kampeve në vitin 2024.

Për më tepër, kampistët në Kroaci (38,77 €), Zvicër (38,66 €) dhe Austri ( € 36.35) duhet të gërmojnë relativisht më thellë në xhepat e tyre për pushimet e tyre në kamping. Në Gjermani, çmimi mesatar i kampingut është 27.52 euro për natë.

Kampistët do të paguajnë më se 17 euro për një natë qëndrimi në një kamping në Maqedoninë e Veriut (16,78 €), Turqi (14,59 €) dhe Shqipëri (13,52 €). Sipas platformës kampingu më i mirë në Shqipëri është “Kampingu Pa emër”, i vendosur në Karpen./E.Zito

Çmimet për një natë për çdo vend.

Italia 39.24 euro

Kroacia 38.77 euro

Zvicra 38.66 euro

Austria 36.35 euro

Spanja 33.75 euro

Sllovenia 32.84 euro

Danimarka 31.38 euro

Gjermania 27.52 euro

Norvegjia 26.89 euro

Luksemburgu 26.66 euro

Finlanda 26.49 euro .

Suedia 26.29 euro

Britania e Madhe 26.01 euro

Greqia 25.48 euro

Franca 25.22 euro

Holanda 24.64 euro

Irlanda 24.62 euro

Islanda 22.98 euro

Hungaria 22.98 euro

Portugalia 22.33 euro

Belgjika 22.06 euro

Lituania 21.28 euro

Estonia 20.86 euro

Bullgaria 20.30 euro

Sllovakia 20.23 euro

Letonia 19.76 euro

Serbia 18.96 euro

Bosnjë-Hercegovina 18.26 euro

Çekia 18.25 euro

Polonia 18.04 euro

Rumania 17.23 euro

Maqedonia e Veriut 16.78 euro

Turqia 14.59 euro

Shqipëria 13.52 euro./Media Ndërtimi

Continue Reading

Turizëm

Turistët britanikë hapin sezonin e kroçerave në Portin e Durrësit

Published

1 week ago

on

May 6, 2024

By

Turistët britanikë kanë hapur sezonin e kroçerave në Portin e Durrësit këtë të diel (5 maj). Kryeministri Edi Rama ka publikuar pamje nga mbërritja e 50 tursitëve britanikë, ndërsa e konsideron ardhjen e tyre si ogur të mirë turizmin.

Rama bën me dije se në 3 muajt e parë të këtij viti, në vendin tonë kanë mbërritur rreth 20 mijë turistë britanikë.

Sipas Ramës, Shqipëria është bërë një nga tregjet me rritje më të shpejtë të flukseve turistike për Shqipërinë.

“Turistët britanikë hapin sezonin e kroçerave në Portin e Durrësit. Këtë të diel mirëpritëm vizitorët e parë që kryesojnë edhe nisjen e këtij sezoni turistik turistik, ku 50 turistë britanikë mbërritën mëngjesin e sotëm me anijen “Monet” për të vizituar Durrësin dhe vendet turistike të Tiranës, Krujës dhe zonave përreth. Ogur i mirë për turistin e këtij viti ku Shqipëria po vizitohet nga të gjitha anët dhe në të gjitha format. Ne kemi pritur rreth 20 mijë turistë britanikë në tre muajt e parë të këtij viti, duke u bërë një nga tregjet me rritje më të shpejtë të flukseve turistike për Shqipërinë”, shkruan Rama.

Continue Reading

Trending