Infrastrukturë

Nisin punimet restauruese në Kishën Katolike “Engjëlli i Rojes” në Ferizaj

Published

1 year ago

March 16, 2023

Ndertimi Media

Restaurimet në asete të trashëgimisë kulturore po ecin me ritëm te shpejtë, thotë ministri i Kulturës, Hajrullah Çeku.

“Filluam punimet në një tjetër objekt me vlerë të trashëgimisë kulturore, në Kishën Katolike të qytetit.

E ndërtuar një shekull më parë, kisha tani po merr vëmendjen e merituar institucionale dhe shumë shpejtë do të jetë e qasshme për banorët dhe turistët.”, deklaroi ministri Çeku.

Në lidhje me vizitën e ministrit aktual të Kulturës, në Ferizaj, ka reaguar Komuna e udhëhequr nga kryetari Agim Aliu.

“Ditëve të fundit, Ministri i Kulturës, Rinisë dhe Sportit, Hajrulla Çeku, vizitoi në dy raste Ferizajn. Vizita e parë ishte për të parë nga afër dëmet e shkaktuara nga zjarri në objektin e ish-Gjimnazit të vjetër në Ferizaj dhe dje, në nisje të restaurimit të objektit të Kishës Katolike “Engjulli i Rojës” në Ferizaj.

Është e habitshme, krejt joinstitucionale dhe tendencë ofenduese për qytetarët ferizajas dhe udhëheqjen komunale të Komunës së Ferizajt, që në të dy rastet, ministri Çeku dhe stafi i tij, nuk denjoi t’i takoj, t’i ftoj udhëheqjen apo zyrtarët përkatës komunal në daljet në vizitë të këtyre objekteve. Madje, për më keq, në këto vizita të ministrit Çeku, u dalluan qartazi tendencat e përvetësimit partiak e politik të këtyre projekteve me motivin e “mbrojtjes dhe kujdesit ndaj tyre”.

Ferizajasit kanë zgjedhur drejtuesit e tyre në zgjedhjet e fundit lokale. Projektet të cilat ministri Çeku ishte në vizitë, janë projekte të ideuara, inicuara, të nxitura e të shtyra përpara nga Komuna e Ferizajt në çdo takim e planifikim buxhetor me Ministrinë e Kulturës, Rinisë dhe Sportit, pra janë projekte të Komunës së Ferizajt, me financimin e Ministrisë së Kulturës, Rinisë dhe Sporteve, gjë që kështu e rregullon legjislacioni në fuqi, për shkak se të tillat objekte janë trashëgimi kulturore e gjithashtu në mbrojtje nga Ministria e Kulturës, Rinisë dhe Sportit me organet e saja të specializuara.

Ferizaj ka zot shtëpie! As sjellja arrogante e përfaqësimit ministror, as të deputetëve njëpartiak, të cilët sa kishin funksione drejtimi të kulturës në nivel lokal, nuk bënë asgjë domethënëse për t’i mbrojtur e promovuar këto objekte, nuk e ndërron bindjen që kanë ferizajasit. Përveç ngutisë për të zëvendësuar rolin e prokurorit e hetuesit, shout mediatik hipokrit, kjo sjelljë ngjanë e pakulturë dhe krejt jashtë protokolleve e sjelljeve institucionale – model i dëmshëm që tenton të instalohet në Ferizaj, por që ferizajasit, fatmirësisht, me përbuzje e refuzojnë.”, shkruan në reagimin e Komunës së Ferizajt./Media Ndërtimi.

Infrastrukturë

Nënshkruhet marrëveshje për energji më të pastër me MCA-Kosova

Published

2 days ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

2 days ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

2 days ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi