Infrastrukturë

Azbesti pritet të largohet nga kulmet e kryeqytetit përmes një projekti nga Komuna e Prishtinës

Published

1 year ago

March 14, 2023

Azbesti vazhdon të jetë i pranishëm në çatitë e shumë ndërtesave publike në vendin tonë. Ato pritet të hiqen nga kulmet e kryeqytetit përmes një projekti që po e zhvillon Komuna e Prishtinës.

Sipas komunarëve, do të caktohet vendi ku do të grumbullohet ky material, ndërsa njohësit e këtij materiali thonë se duhet të kihet shumë kujdes në asgjësimin e tij.

Kulmet e lesonitit shumë shpejt do të fillojnë të hiqen nga Komuna e Prishtinës. Por, kjo do të mundësohet pas përzgjedhjes së një operatori të specializuar që do ta trajtojë këtë material të rrezikshëm në gjithë Prishtinën.

“Momentin kur fillojmë ndërtimin e qendrës për grumbullim dhe trajtim të materialeve, mbeturinave vëllimore ndërtimore, duhet me pas edhe qendrën e cila e bënë trajtimin dhe grumbullimin e azbestit. Ky është një projekt i cili si Drejtori e Shërbimeve Publike po presim të fillojë gjatë vitit 2023”, ka theksuar për RTK-në, Ilirik Musliu.

Ndër hapësirat e para në të cilat pritet të intervenohet janë ish-hapësirat e AKP-së afër tregut të gjelbër në Prishtinë.

Për profesorin e Fakultetit të Kimisë trajtimi i lesonitit që ka përmbajtje të azbestit duhet të bëhet me shumë kujdes.

“Do të ishte i qëlluar ky projekt i ndërrimit të lesonitit nëse realizohet sepse ne e dimë se ndërtesat e viteve 60, 70 deri në të 80- ta, janë të mbuluar me kësi materiale, të cilat për çdo ditë emetojnë materie kancerogjene me azbestin që çdo ditë na e rrezikon shëndetin tonë. Nuk

është pjesë e imja se në çfarë mase apo në çfarë shkalle, por shkalla e dëmtimit të shëndetit varet nga sasia çfarë është përdor. Pra sa ka sipërfaqe sa ka lesenit”, ka theksuar Fatbardh Gashi, profesor i Kimisë në UP.

Ekspozimi ndaj asbestit sipas një pulmologu është shumë i rrezikshëm në shëndetin e njeriut.

“Një prej problemeve më të mëdha që shkaktohen nga inhalimi i azbestit është fibroza e mushkrive që një farë forme i bënë mushkrit rigjide dhe e pengon njeriun të marrë mjaftueshëm frymë, pra e pengon në frymëmarrje…Por më seriozja janë dy problemet e ekspozimit të azbestit,

është kanceri i mushkërive dhe një lloj i kancerit të cipeve të mushkërive që quhet mezotelioma malinje”, ka thënë Besim Morina, pulmolog.

Lesoniti është një prej materialeve që është përdorur më së shumti jo vetëm në Prishtinë si mbulesë për çatitë e ndërtesave kolektive, shtëpive private dhe lokaleve afariste vitet e mëhershme në vendin tonë.

Infrastrukturë

Nënshkruhet marrëveshje për energji më të pastër me MCA-Kosova

Published

1 day ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

1 day ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

1 day ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi