Infrastrukturë

Në Norvegji pritet të hapet tuneli afër 3 kilometra i gjatë i destinuar për biçikleta

Published

1 year ago

March 14, 2023

Ndertimi Media

Qyteti norvegjez Bergen po përgatitet të hapë tunelin për këmbësorë dhe biçikleta më të gjatë në botë.

Më 15 prill 2023, tuneli 2.9 kilometra i gjatë do të hapet për publikun me aktivitete garash dhe çiklizmi.

Për ta përshkuar atë duhen rreth 10 minuta me biçikletë dhe rreth 30 – 45 minuta më këmbë.

I njohur si Fyllingsdalstunnelen, tuneli përshkon malin Løvstakken në qytetin jugperëndimor norvegjez, duke lidhur zonat e banuara të Fyllingsdalen dhe Mindemyren. Çiklistët mund të vazhdojnë në qendër të Bergenit, duke përdorur itineraret ekzistuese.

Si tuneli Fyllingsdal, edhe pjesa tjetër e pistës për biçikleta drejt qendrës Bergen janë financuar nëpërmjet Miljøløftet (premtim mjedisor) i mbështetur nga shteti.

Synimi i tij është ta bëjë më të lehtë për më shumë njerëz që të zgjedhin biçikletën apo të ecin, në vend të makinës. Kjo jo vetëm që mund të ndihmojë në reduktimin e trafikut në qytet, por edhe në zvogëlimin e emetimeve të ngrohjes së planetit dhe ndotjes së pashëndetshme.

Distanca totale e rrugës – nga Fyllingsdalen a Festplassen në qendrën e qytetit – është 7.8 kilometra, e cila zgjat rreth 25 minuta me biçikletë. Aktualisht, çiklizmi në këto zona zgjat rreth 40 minuta.

Tuneli për biçikleta i Bergenit është shpallur si më i gjati në botë, por gjithsesi ka disa paralajmërime. Tuneli i Snoqualmie pranë Siatëll në SHBA është 3.6 km.

Megjithatë ai shfrytëzon një tunel hekurudhor të braktisur, ndaj nuk është ndërtuar për këtë qëllim.

Tuneli për biçikleta i Fyllingsdal është tuneli i dytë më i gjatë në botë dhe më i gjati që është ndërtuar për këtë qëllim.

Paralelisht me linjën e re hekurudhore të lehtë të përuruar në nëntor, tuneli shërben edhe si rrugë shpëtimi për pasagjerët e trenave.

“Në thelb është një tunel shpëtimi për tramin. Por mendje të mençura patën thënë që është e mundur ta përshkosh edhe këtë tunel me biçikletë” – shpjegon përgjegjësi i projektit, Arild Tveit.

“Duke krijuar një vendkalim këtu, është gjithashtu e mundur të ushtroheni… Me pak fjalë, shëndeti publik është në çdo metër të këtij tuneli”.

Me mbështetjen e investimeve të qeverisë, në projektimin e tij janë përfshirë pista për këmbësorë dhe biçikleta, të gjera përkatësisht 2.5 dhe 3.5 metra.

Tuneli do të jetë i hapur çdo ditë, nga ora 5:30 deri më 23:30. Në të ka zona pushimi të ndriçuara mirë dhe kamera sigurie. Telefonat e urgjencës janë në dispozicion çdo 250 metra.

Ndriçimi dinamik me ngjyra do të krijojë një valë drite kur një çiklist ose këmbësor hyn në tunel në të dy skajet, duke paralajmëruar çiklistët për trafikun që vjen përballë. Në të ka gjithashtu vepra arti dhe instalacione për ta bërë udhëtimin më interesant.

Ceremonia e hapjes më 15 prill do të shënohet nga një garë në tunel të shtunën, e ndjekur nga një paradë çiklizmi të dielën./Media Ndërtimi

Infrastrukturë

Nënshkruhet marrëveshje për energji më të pastër me MCA-Kosova

Published

2 days ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

2 days ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

2 days ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi