Auto
Volkswagen do të prodhojë një veturë të re elektrike të Golf
Volkswagen ka ndryshuar rrënjësisht planet për “hatchback-un” e ardhshëm elektrik ID.2 dhe ka dalë me një dizajn krejtësisht të ri të jashtëm dhe të brendshëm – i cili mund të shihet muajin e ardhshëm në formën e veturës konceptuale në Evropë.
Vetura që pritet të shfaqet nga viti 2025 me një çmim fillestar prej 22,500 eurove, dhe thuhet se “hatchback-u” me pesë vende mund të mbajë gjithashtu simbolin ikonik të Volkswagen Golf. Burimet e brendshme të Drive në selinë globale të Volkswagen në Wolfsburg, Gjermani, thonë se një variant Golf GTI “hot-hatch” është diskutuar gjithashtu gjatë takimeve të fundit të strategjisë së brendshme për modelin e ri elektrik.
ID.2 pritet të jetë Volkswageni i parë i bazuar në platformën e re MEB-Plus – një version i përditësuar i strukturës së sotme të përdorur gjerësisht të makinave elektrike MEB – por i pajisur me bateri të reja fosfat litium hekur “prizmatikë”, duke ofruar shpejtësi karikimi prej 175kW deri në 200kW, transmeton Telegrafi.
Në vend të planeve të diskutueshme të SUV-ve të parapara nga koncepti ID.Life në panairin e veturave të Mynihut në vitin 2020, Volkswagen ID.2 do të marrë një stil më konvencional “hatchback” të zhvilluar nga një ekip projektuesish që punojnë nën drejtimin e shefit të ri të stilit të Volkswagen, Andreas Mindt.
Ndryshimi në drejtimin e dizajnit vjen pasi drejtori ekzekutiv i markës së re Volkswagen, Thomas Schäfer, refuzoi propozimin origjinal të stilit të SUV-ve të ID.2, i cili i atribuohet paraardhësit të Mindt, Jozef Kaban. Pas disa muajsh debati të brendshëm mbi dizajnin e modelit të ardhshëm të “hatchback-ut” elektrik lider në çmim, Kaban ka pranuar një pozicion të ri në operacionet e dizajnit të markës Volkswagen si drejtor kreativ arti.
Një burim tjetër i Volkswagen i njohur me propozimet e hershme të “hatchback-ut” të ridizajnuar ID.2 thotë se automjeti është i pozicionuar në përmasa dhe tematika stili midis veturës aktuale Polo të dizajnuar për rrugë të qytetit dhe veturës së vogël të Golfit – me një gjatësi të përgjithshme prej “rreth 4250 mm”./Media Ndërtimi
Auto
Telsa prezanton versionin e përmirësuar të Model 3 Performance
Tesla ka prezantuar zyrtarisht modelin e përmirësuar Model 3 Performance, i cili përdor aftësitë më të fundit të prodhimit dhe inxhinierisë.
Kompania pretendon se rezultati është “vetura e përsosur e përditshme me performancë të lartë”
Model 3 Performance u bë me njësi të re të energjisë që siguron një përmirësim prej 22 për qind në fuqinë e vazhdueshme, si dhe një rritje prej 32 për qind në fuqinë maksimale.
Falë këtyre ndryshimeve, sistemi me katër rrota, i përbërë nga dy motorë elektrikë, jep 517 kuaj-fuqi, i cili lejon veturën të përshpejtojë nga 0 në 100 kilometra në orë për 2.9 sekonda dhe të arrijë një shpejtësi maksimale prej 262 km/h. Mund të përshkojë 476 kilometra me një mbushje të vetëm të baterisë.
Përveç fuqisë së përmirësuar motorike, Tesla gjithashtu tregon për një “shasi më të aftë të orientuar drejt performancës”, por jo shumë detaje janë zbuluar.
Tesla Model 3 Performance tashmë mund të porositet, me dërgesat që fillojnë në maj ose qershor. Çmimi bazë është 52,990 dollarë./Media Ndërtimi
Auto
Tesla ul çmimet e modeleve të saj në mbarë botën
Raportohet se Tesla ka ulur çmimet e tre prej pesë modeleve të saj në SHBA, e më pas vazhdoi me uljen e çmimeve në mbarë globin, duke përfshirë edhe Kinën dhe Gjermaninë.
Ky hap nga kompania vjen pasi ajo po përballet me rënie të shitjeve dhe ndodhet në luftë të intensifikuar shitjen e automjeteve elektrike.
Bëhet e ditur se kompania e Elon Musk ka ulur çmimet e Modeleve Y, X dhe S.
Tashmë Modeli Y në SHBA kushton 42,990 dollarë, Modeli S 72,990 dollarë dhe Modeli X 77,990 dollarë, shkruan the Guardian, përcjell Telegrafi.
Gjithashtu, Tesla ka ulur edhe çmimin e softuerit “Full Self-Driving” nga 12 mijë në 8 mijë dollarë.
Ndërkohë, në Gjermani çmimi i Modelit 3 është ulur në 40 mijë euro nga 42 mijë sa ka qenë. Ulje çmimesh ka pasur edhe në vende tjera evropiane, në Lindjen e Mesme dhe në Afrikë.
Ndryshe, kompania e Musk ka njoftuar edhe për shkurtimin e 10 për qind të stafit global të saj.
E këto veprime thuhet se i kanë dhënë fund një jave kaotike që përfshinte tërheqjen e të gjithë Cybertrucks shkaku i një defekti në pedalin e gazit.
Kompania ka njoftuar se shitjet e saj në mbarë botën kanë rënë ndjeshëm pasi konkurrenca është rritur dhe shitja e automjeteve elektrike është ngadalësuar./Media Ndërtimi
Auto
Ford “tërheq” më shumë se 450,000 automjete për shkak të humbjes së mundshme të fuqisë lëvizëse
Ford pritet “të tërheq” më shumë se 450,000 SUV dhe kamionçina kompakte në Shtetet e Bashkuara sepse mund të humbasin fuqinë e makinës si rezultat i një problemi të baterisë, tha në një alarm Administrata Kombëtare e Sigurisë së Trafikut në Autostrada.
Modelet e prekura përfshijnë SUV-të Ford Bronco Sport të prodhuara nga viti 2021 deri në 2024 dhe kamionçinat Ford Maverick të prodhuara nga viti 2023 deri në 2024, konkretisht në 456,565 njësi, shkruajnë mediat e huaja, përcjell Telegrafi.
NHTSA tha se Ford zbuloi se një “karikim i ulët” i baterisë mund të rezultojë në një “humbje të aksesorëve elektrikë si dritat e rrezikut, ose të shkaktojë humbje të fuqisë së makinës, duke rritur rrezikun e një përplasjeje”.
“Ne jemi të përkushtuar për të garantuar sigurinë dhe kënaqësinë e klientëve tanë”, tha Ford në një deklaratë për CNN./Media Ndërtimi
Shtëpia-muze që ruan dhimbjet e viktimave të masakrës së Poklekut
Ligji i Punës të rikthehet në agjendën legjislative
Marriott nënshkruan mega marrëveshje me NEOM për të ndërtuar në Trojena
Pse duhet të filloni ta trajtoni Inteligjencën Artificiale si një koleg të ri?
Integrimi i shteteve baltike në rrjetin hekurudhor evropian përgjatë një linje 830 km do t’iu kushtojë 5.8 miliardë euro
Industria e ndërtimit po bëhet gjithnjë e më e varur nga zgjidhjet e teknologjisë dixhitale
Kërkesa për ndërtim në SHBA është ende në rritje pavarësisht mungesës së punëtorëve
“Aksident i rëndë pune” në kantierin e ndërtimit të tunelit Fehmarnbelt në Gjermani
Komuna e Prishtinës tejkalon vlerën e parashikuar, jep tenderin për ndërtimin e një rrugë kompanisë me ofertën 100 mijë euro me të shtrenjtë
‘U rrëzua derisa punonte në një skelë ndërtimi’, Sigurimi shëndetësor në sirtar!
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
Rinovohen disa ndërtesa banimi në Gjakovë, shpenzojnë më pak energji elektrike
-
Infrastrukturë3 days agoBëhet hapi i parë për linjën hekurudhore Fushë Kosovë-Klinë-Pejë dhe Klinë-Prizren
-
Infrastrukturë2 days agoKryeministri i Tajlandës premton ndërtimin e objektit më të lartë në botë
-
Infrastrukturë2 days agoAbdixhiku: Do të ndërtojmë termocentral me gaz gjysmë miliardësh
-
Aktuale2 days agoProkuroria Speciale e fton në intervistim zv. ministrin e Infrastrukturës Hysen Durmishin
-
Infrastrukturë3 days agoMbi 14 milionë euro për projekte infrastrukturore për Deçanin
-
Infrastrukturë2 days agoMali i Zi paditet nga Florin Krasniq për ndalimin e ndërtimit të dy hidrocentraleve të vogla në në Plavë
-
Aktuale2 days agoAVONET: Prokurori i rastit të dërgohet në procedurë disiplinore
-
Infrastrukturë2 days agoKryeministri Kurti ua dorëzon çelësat e banesave 56 familjeve në Graçanicë