Aktuale
“Masat e reja fiskale rrisin investimet dhe përmirësojnë imazhin e vendit”
Oda Ekonomike e Kosovës (OEK) dhe Oda Ekonomike Amerikane në Kosovë (OEAK), kanë përshëndetur vendimin e qeverisë për ndërmarrjen e masave të reja fiskale.
Kjo duke iu referuar vendimit të qeverisë për lirim nga tatimi i akcizës të gjithë prodhuesit që importojnë vetë, apo përmes kontraktuesit, të cilët janë autorizuar nga Administrata Tatimore e Kosovës (ATK) për shtyrje të Tatimi mbi Vlerën e Shtuar (TVSh) për lëndën e parë, për të gjitha burimet e energjisë, të cilat përdoren për qëllime prodhimi.
Por edhe vendimit lirim nga tatimi doganor, të gjithë prodhuesit që importojnë vetë, apo përmes kontraktuesit, të cilët janë të autorizuar nga ATK për shtyrje të TVSh sa për lëndën e parë që përdoret në proces të prodhimit, gjysmë produktet, të cilat përdoren në proces të prodhimit, të gjitha linjat e makinerive prodhuese, të cilat përdoren në hapësira prodhuese, për prodhim dhe pajisjet e teknologjisë informative.
Lulzim Rafuna, këshilltar i ministrit të Financave, Bedri Hamza, tha se gjatë këtij mandati qeverisës prioritet do të jetë jo në ngritje e tatimeve për prodhuesit vendor, por lehtësimi i punës së tyre përmes masave që do të ndërmarrin, raporton Ekonomia Online. Ai dha detaje për përfitimet nga këto lehtësira për prodhuesit.
“Ne kemi shkuar në Qeverinë e Kosovës me propozimin që të lirohen nga tatimi doganor prodhuesit e subjektivi tonë të prodhuesve dhe nga tatimi ia akcizës poashtu për lëndët ndihmëse që përdoren në proces të prodhimit. Kjo shkon në vizioni tonë që e kemi për prodhuesin privat për ta ndihmuar biznesin privat sepse ai do të jetë shtytës i zhvillimit ekonomik dhe do të jetë shtytës i uljes së papunësisë në vendin tonë dhe qasja ëshët që gjatë këtij mandati nuk do të ketë ngritje të tatimeve, por do të ketë lirime që ta ndihmojmë prodhuesin tonë dhe do të ketë thjeshtësim të procedurave administrative”.
“Vendimet janë marrë javën e ardhshme në qeveri do të kenë efekt prej 1 janari do të lirohen lëndët e para që përdoren nga prodhuesit tanë, gjysmën produkte të gjitha pajisjet e teknologjisë informative do të lirohen të gjitha linjat e prodhimit poashtu do të lirohen nga tatimi i akcizës burimet e energjisë siç janë gazi, nafata, mazuti dhe ne besojmë që kjo është një shtysë shumë e madhe dhe kem besim që do të ndikojë pozitivisht në prodhimtarinë tonë”, tha Rafuna.
“Këto janë masat e para është vendim shumë madje dhe i guximshëm sepse ka kosto buxhetore dhe ne në mandatin vetëm në muajt që e kemi marrë këto janë masat dhe vendimi i parë që e kanë marrë pa dyshim që nuk do të ndalemi. E nuk do të ndalemi me këto masa ne do mundohemi që të ia arrijmë qëllimit që prodhuesi jonë të jetë i barabartë si brenda vendit poashtu edhe jashtë vendit”.
Rafuna paralajmëroi se në fund të këtij muajit pika kufitare me Shqipërinë do të bashkohet për të eliminuar vonesat dhe burokracinë në kufiri.
“Në fund të muajit tetor parashikohet bashkimi i vendkalimit doganor në Vërmicë dhe Morinë. Do të jetë një lehtësim shumë madh për arsye se eliminohet një hap shumë i madhe komplet i kontrollit i vonesave dhe burokracisë në kufirin tonë mes Kosovës dhe Shqipërisë. Ku është vetëm një hap, por ne do të marrim edhe hapa të tjerë në periudha të rregullta bashkë me komunitetin e biznesit”.
Arian Zeka, nga OEAK, tha se vendimi i fundit për lirimin e të gjitha tatimet për lëndën e para do të ofroj zgjidhjen e duhur për një kohë më të gjatë.
Zeka tha se do të ishte mirë që masat të hyjnë në fuqi qysh tash, mirëpo sipas tij ka proceduar që e shtyjnë vendimin deri në janarin e vitit tjetër.
“Pavarësisht vonesës është momenti përfundimtar që ne në kemi pritur që të hyj në fuqi këto masa lehtësuese për sektorin e prodhimtarisë në vend. Arsyetimi besoj që është i panevojshëm duke pas parasysh bilancin tregtar që e ka shënuar vendi ynë prej vitit në vit pa një përmirësim të dukshëm realisht pa rritje të eksporteve dhe me rritje graduale ose të vogël të importeve nga viti në vit meqenëse vetmja masë, e cila në periudhe afatgjate do të garantonte vazhdimin e sektorit të prodhimtarisë të vendit tonë. Ne në komunitetin e prodhuesve të odës vazhdimisht kemi diskutuar për këto çështje dhe i kemi dhënë rekomandime që nga viti 2013 për miratimin e ligjit për lirimin e mallrave doganore atëherë është pat bërë një punë e vogël pikërisht nga ministri i Financave zotëri Hamza”.
“Besoj që vendimi i fundit për lirimin e të gjitha lëndëve të para dhe krijimi i një liste të prodhuesve në vend do të ofrojë zgjidhjen e duhur për një kohë më të gjatë. Ne kemi shprehur disa brenga se si do të trajtohet edhe çështja e furnizimit me lëndë të parë për brenda meqenëse për momentin flitet për heqjen detyrimeve doganore tatimi për vlerën e shtuar për lëndën e parë të importuar mirëpo morën përgjigje nga ana e zyrtarëve të ministrisë që edhe kjo çështje është adresuar dhe prodhuesit në momentin që do të jenë të regjistruar në atë listën do të mund të gëzojnë të njëjtat benefite edhe në gjatë furnizimit për lëndë të parë. Do të kisha dashur që kjo të hynte këto masa të hynin në fuqi që sot ose nga e hëna dhe jo në një janar të vitit 2018, por e kuptojmë që është çështje e planifikimit buxhetor dhe duhet të ketë kujdes edhe për buxhetin e vendit”.
Safet Gërxhaliu, nga OEK, beson që këto lehtësira do të ndikojnë në ndryshimi e perceptimit të investitorëve të huaj në raport me Kosovën dhe rrisin investimet në vend, raporton EO.
“Janë dy lehtësira ose dy vendime të cilat do të ndikojnë në aspektin intern dhe në aspektin ekstren në rend të parë do të kemi një kuota të rritjes së kapaciteteve prodhues në vend dhe të kemi këtu jo vetëm në lëndën e parë dhe në pajisje por edhe në pajisje të linjave të prodhimit. Në rend të dytë do të ndikohet në mënyrë të drejtpërdrejtë në fuqizimin e ose në përmirësimin e një indikatori substancial çfarë është përmirësimi i bilancit të pagesave sepse me të vërtet po i bëhet nder Kosovës”.
“Ajo çfarë është me e rëndësishme është se do të gjenerojnë dy efekte pozitive e para është motivim shtesë për investitorët e huaj për bendet prestigjioze të cilët ia mësyjnë Kosovës duke u marrë me linjat prodhuese në Kosovë për vet faktin që shumë kompani dhe brende evropiane janë duke ikur nga Azia në veçanti nga Kina për hir të rrethanave të krijuara dhe e dyta do të jetë një hap që me siguri do të ndryshojë në ndryshimin e percepcionit të krijuar për Kosovën dhe dua të besoj që me këtë qasje do të kemi edhe investitorët e huaj”.
Aktuale
Deodorantë, shishe uji plastike…: Çfarë nuk duhet të lini në vetura në ditët e nxehta?
Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.
Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.
Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.
Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.
Buzëkuqi do të shkrihet në temperatura të larta.
Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…
Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi
Aktuale
Themelohet Oda e Minierave të Kosovës
Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.
Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.
Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.
“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.
Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.
“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.
Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.
“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi
Aktuale
Gjykata e Apelit anulon vendimin për ndërtimin e hidrocentralit të Poçemit në Vjosë
Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.
Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.
Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.
Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.
Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.
Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.
Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.
Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.
Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.
Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.
Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.
“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Këto janë 5 kompanitë ndërtimore më të mëdha në Prishtinë, prinë Marigona Hill
Agroturizmi më i madh në Ballkan ndërtohet në Suharekë
Kush po i pengon hetimet në rastin “Brezovica” ku u sekuestruan 75 villa
Rruga A del këtë javë në tenderim, do të ketë gjashtë korsi
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Kompania kosovare “FORMON” krijon ventilatorë të frymëmarrjes
