Infrastrukturë

Hapësira e Fakultetit Teknik nuk ka vend për park! Si u zëvendësua ndërtimi i Operës me Fakultetin e Shkencave Matematiko-Natyrore

Published

1 year ago

January 20, 2023

Si përparim dhe hap të madh për Universitetin e Prishtinës, e ka cilësuar Shtëpia Evropiane e Evropës, vendosjen e rrethojave të përkohshme dhe përgatitjen e kantierit të ndërtimit të Fakultetit të Shkencave Matematiko-Natyrore, në hapësirën e Fakultetit Teknik.

Ky projekt, i financuar nga Bashkimi Evropian në Kosovë dhe Universiteti i Prishtinës, dhe i zbatuar nga UNOPS, thuhet se do t’u ofrojë studentëve objekte më të avancuara dhe do të ndihmojë në përmirësimin e standardeve në arsimimin e lartë përmes infrastrukturës gjinore dhe miqësore ndaj mjedisit.

“Ne presim me padurim ndërtimin e përfunduar dhe ndikimin pozitiv që do të ketë tek studentët tanë dhe komuniteti.”, shkruan në njoftimin e Shtëpia Evropiane e Evropës.

Sipas Planit Zhvillimor Komunal të miratuar nga Kuvendi Komunal në vendimin nr.01-031-156871 dt.027.082013, kjo zonë është destinuar si zonë ekzistuese urbane dhe sipas Planit Zhvillimor Urban, kjo zonë është hapësirë me përmbajtje publike-opera dhe universiteti.

Komuna dhe Universiteti i Prishtinës me datë 11.11.2019, kanë mbajtur takim në sallën e Modelariumit të Fakultetit të Arkitekturës ku ishte prezantuar plani i propozuar me qytetarët për këtë zonë.

Takimi është mbajtur në hapësirat e objektit të komunës, pranë Drejtorisë së Planifikimit Strategjik dhe Zhvillimit të Qëndrueshëm nga data 04.02.2020 deri me datën 03.03.2020.

Në listën e vërejtjeve, propozimeve, sugjerimeve dhe kërkesave, janë evidentuar gjithsej tetë kërkesa kryesore e tyre ka të bëjë që kjo hapësirë të destinohet si park për nevojat e qytetarëve dhe lagjeve përreth tyre edhe më gjerë, dhe me theks të veçantë për hapësirën e propozuar për ndërtimin e objektit T6- FIEK dhe FIM.

Komisioni e ka konsideruar të pranueshme kërkesën e qytetarëve që hapësira e planifikuar T6 të mbetët hapësirë e lirë rekreative dhe propozon që objekti në fjalë të dislokohen në hapësirën përballë objektit te Fakultetit Teknik, gjithnjë duke respektuar normat teknike dhe udhëzimeve administrative në fuqi, por nuk ka pajtueshmëri të plotë me të gjithë anëtarët, prandaj është edhe opinioni i përfaqësuesit të Universitetit njëherësh edhe anëtarë i komisionit, arkitektit Ilir Gjinollit.

Gjinolli ka thënë që opinioni i tij nuk është subjektiv, por bazohet në ligje dhe rregullore, ku thotë që: “Arsimi universitar është funksion publik, ka një rol historik në zhvillimin e Kosovës që nga themelimi i tij në vitet 60 të shekullit të kaluar.”

Ai ka thënë se hapësira kualitative e UP ka ndikim të madh në kualitetin e studimeve dhe se hapësira për piknik nuk zhvillohet në qendrën e qytetit, por në Parkun e Gërmisë që është pasuri natyrore dhe që nuk e kanë të gjitha qytetet.

Më 2009 ishte vënë guri i themelit, por, pas pak kohe gjithçka stagnoi dhe mbeti një gropë e madhe te lokacioni i caktuar për ndërtim, e cila u mbyll më pas nga Komuna e Prishtinës.

Në nëntor 2019, gjatë prezantimit të projekt- propozimit të planit rregullues për zonën te Fakulteti Teknik, ish-kreu i Komunës, Shpend Ahmeti, pat deklaruar se ishte shfuqizuar vendimi që te Tekniku të ndërtohet ndërtesa e operës.

Pavarësisht disa përpjekjeve, MKRS u detyrua të pranojë vendimin e Komunës dhe gjithçka nisi nga fillimi për ndërtimin e objektit. Për ndërtimin e Teatrit Operës dhe Baletit afër Fakultetit Teknik u harxhuar mbi 800 mijë euro./Media Ndërtimi.

Infrastrukturë

Nënshkruhet marrëveshje për energji më të pastër me MCA-Kosova

Published

2 days ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

2 days ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

2 days ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi