Infrastrukturë

Ftesë e hapur nga Instituti Space SyntaKs për dizajn të elementeve urbane: Ulëse, Shporta dhe Mbrojtëse

Published

1 year ago

January 16, 2023

Elementet urbane luajnë rol të rëndësishëm në formësimin e qyteteve dhe cilësinë e hapësirave publike. Ato gjithashtu luajnë rol të madh në krijimin dhe zhvillimin e identitetit dhe brandit të qytetit, meqë mund të shndërrohen në elemente karakteristike të vendit. Në këtë drejtim, për t’i dhënë mundësi komunitetit kreativ të vendit që të sjellin ide të reja për elemente urbane, duke synuar përmirësimin e cilësisë së tyre kemi organizuar dizajnatonin “Elementet Urbane” .

“Elementet Urbane” është garë e dizajnit e cila ka për qëllim ta përfshijë komunitetin kreativ të vendit për të zhvilluar ide dhe prototipe për elemente urbane. Ky edicion është në kërkim të dizajneve të elementeve urbane, përkatësisht të ulësëve, shportave të mbeturinave dhe mbrojtëseve urbane të cilat mund të vendosen në rrugë, parqe, sheshe apo hapësira të tjera publike. Dizajnatoni fokusohet në gjenerimin e prototipeve të implementueshme që i përshtaten kapaciteteve dhe kritereve të komunave të Kosovës, me fokus në nevojat për procedura të prokurimit publik dhe buxhetin e disponueshëm.

“Elementet Urbane” fton të gjithë entuziastët e dizajnit të krijojnë dizajne inovative të cilat do të mund të vendosen në hapësirat publike të qytetit të Prishtinës. Produktet e propozuara duhet ta kenë parasysh kontekstin urban si dhe financiar të vendit në mënyrë që këto dizajne të mund të implementohen.

Gara organizohet nga Instituti Space SyntaKs në partneritet me Architecture for Humans, trembelat, Fakulteti i Arkitekturës UP – Faqja zyrtare, dhe Ndërmarrja Publike Banesore SH.A. Prishtinë, me mbështetje të Komuna e Prishtinës.

ÇFARË PO KËRKOHET?

➡ Dizajn i Ulëses Urbane

➡ Dizajn i Shportës së Mbeturinave

➡ Dizajn i Mbrojtëses Urbane

Aplikuesit mund të aplikojnë me së paku njërën prej elementeve të sipërshënuara.

Elementet urbane të dizajnuara duhet të bëhen brenda kërkesave:

➡ Dizajne të cilat janë shumë-funksionale

➡ Dizajne të qëndrueshme dhe të dizajnuara për përdorim të jashtëm, lehtë për t’u përdorur dhe mirëmbajtur.

➡ Dizajne të sigurta, të qëndrueshme dhe me kosto të ultë.

➡ Dizajne të implementueshme brenda kontekstit të Kosovës

➡ Dizajne të cilat marrin parasysh gjurmën e karbonit për import të materialeve

➡ Dizajnet duhet të mund të shumëfishohen lehtë

➡ Dizajne që kanë për fokus mosha të ndryshme, sidomos moshat 10-17 vjeç

Të drejtë për të aplikuar kanë:

Të gjithë individët/grupet e apasionuara pas dizajnit dhe ata të cilët duan të kontribuojnë në përmirësimin e cilësisë së elementeve urbane.

KËRKESAT E APLIKIMIT:

☑️ Vizatimet teknike – Baza /Pamjet /Prerjet

☑️ Detaje, sipas nevojës

☑️ Pamje 3D

☑️ Përshkrim i materialeve dhe kosto e përafërt

Dokumenti i bashkangjitur në aplikim duhet të jetë në formatin pdf, një apo disa faqe A3 landscape dhe nuk duhet ta kaloj madhësinë 10MB për kategori.

ÇMIMET:

Çmimet fituese do të marrin:

🏅 Çmimi i parë – 250 euro

🏅 Çmimi i dytë – 150 euro

🏅 Çmimi i tretë – 100 euro

🏅 Çmime nderi

Dizajnet fituese dhe ato nderi do të publikohen në katalogun e garës dhe uebfaqet e organizatorëve të projektit. Po ashtu, ato do të inkorporohen në dizajnin e hapësirave publike në intervenime të ardhëshme të Komunës së Prishtinës.

KRITERET E GJYKIMIT:

🔳 Origjinaliteti i konceptit

🔳 Multifunksionalitet

🔳 Mënyra kreative për të ripërdorur/ricikluar materiale ose për të përdorur materiale lokale në dizajn.

🔳 Fizibiliteti

🔳 Paraqitja grafike

Aplikimi hapet me: 14 Janar 2023

Aplikimi mbyllet me: 04 Shkurt 2023, ora 00:00 ⏰

Gjuha e aplikimit: Shqip

Lloji: Thirrje e Hapur

🔗 Linku i aplikimit: https://forms.gle/XxfsdtfQyzWjyyxT8 See less

— with Ndërmarrja Publike Banesore SH.A. Prishtinë.

Infrastrukturë

Nënshkruhet marrëveshje për energji më të pastër me MCA-Kosova

Published

2 days ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

2 days ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

2 days ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi