Një nga vendbanimet më të vjetra në botë i cili gjendet në Pakistan, është dëmtuar rëndë nga shirat e rrëmbyeshëm që ranë, derisa vërshimet me të cilat po përballet ky shtet janë më të mëdhat në historinë e saj.

Moenjodaro i cili është një vend që i takon trashëgimisë botërore dhe i cili gjendet në luginën e lumit Indus, rreth 300 kilometra larg qytetit të Karachit, është ndërtuar në kohën e bronzit, rreth 5 mijë vite më parë.

“Fatkeqësisht kemi qenë dëshmitarë të një dëmtimi të rëndë të këtij vendi” thuhet në letrën e dërguar Unescos nga Departmenti i Kulturës, Turizmit dhe Antikititeve i shtetit Singh në Pakistan.

Në letër po ashtu thuhet se ky vend u përdor si vendbanim i përkohshëm për banorët e zonës, shtëpitë e të cilëve u dëmtuan nga vërshimet.

“Për arsye humanitare ne ju dhamë atyre vendstrehim në zonat e parkingut, dyqanet dhe katin e parë të muzeut” thuhet në letër.

Llogaritet se një e treta e Pakistanit është nën pas reshjeve të mëdha të shiut që kapluan këtë vend.

Imazhet e përfshira në letrën e dërguar nga ky department tregojnë muret e shembura dhe shtresa të baltës të cilat mbulojnë vendin aty.

E për të eliminuar rrezikun e dëmtimit të këtij vendi, ekipi i zonës ka ndërmarrë disa veprime të menjëhershme për të zbutur dëmtimet si futja e pompave të ujit, riparimi i tullave por edhe pastrimi i kanalizimit.

Ky department, në letrën e dërguar UNESCO-s ka kërkuar një shumë prej 45 milionë dollarë për riparimin e dëmeve të shkaktuar nga këto vërshime./Media Ndërtimi