Infrastrukturë

Inovacioni më i ri, shtëpitë lundruese japin mundësinë e jetesës në det

Published

2 years ago

August 17, 2022

Shtëpitë lundruese, jeta luksoze dhe teknologjia e shtëpive inteligjente nuk janë domosdoshmërisht gjëra që priren të shkojnë krah për krah.

Por Ocean Builders, një kompani me bazë në Panama që është e specializuar në teknologjinë inovative detare, sapo ka zbuluar një flotë të interesante që arrijnë të bashkojnë këto të tria.

Të përshkruara si “shtëpitë e para eko-restauruese në botë”, bishtajat, të cilat kushtojnë nga rreth 295 mijë dollarë deri në 1.5 milion dollarë, janë aktualisht në ndërtim e sipër në Linton Bay Marina në bregun verior të Panamasë.

Të dizenjuara nga arkitekti holandez, Koen Olthuis dhe ekipi i tij në Waterstudio, tre modelet e disponueshme përfshijnë modelin kryesor SeaPod, i ndërtuar për jetesë në ujë, GreenPod, i krijuar për shfrytëzim në tokë dhe EcoPod, një opsion ekologjikisht dhe ekonomikisht miqësor, raporton CNN.

Struktura e ngritur ofron 73 metra katrorë hapësirë për jetesë, duke përfshirë një dhomë gjumi, dhomë dite, kuzhinë dhe banjë, të shtrirë në tre nivele e gjysmë.

Me hapësirë për dy persona, njësia shfrytëzon mbi 514 metra/kub tuba çeliku të mbushur me ajër për të notuar 2.2 metra mbi det dhe përmban 175 metra/katrorë dritare panoramike dhe pamje 360 gradë nga oqeani.

Me fokus në qëndrueshmërinë, bishtajat janë krijuar “për të përfituar mjedisin përreth” dhe për të siguruar “një zhvillim natyror për jetën në oqean që të pushtojë dhe të lulëzojë”.

Seapods janë ndër një sërë konceptesh të reja të shtëpive lundruese që do të promovohen brenda disa viteve të ardhshme, duke përfshirë Floating Seahorse, një zhvillim nga Kleindienst Group i përbërë nga 131 vila lundruese që do të jetë pjesë e mega-resortit 5 miliardë dollarësh “The Heart of Europe”, projekti mbi arkipelagun artificial Botëror në brigjet e Dubait.

Ata që kapin një nga 100 grupet e para të Ocean Builders do të jenë në gjendje të lëvizin deri në fund të vitit 2023, me kusht që gjithçka të shkojë sipas planit.

Prodhimi është planifikuar të fillojë në 1000 bishtaja të tjera deri në vitin 2024./Media Ndërtimi.

Infrastrukturë

Nënshkruhet marrëveshje për energji më të pastër me MCA-Kosova

Published

3 days ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

3 days ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

3 days ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi