Infrastrukturë

Ramë Melaj, drejtori i Urbanizmit në Deçan do të përballet me drejtësinë për lejet në zonën e Manastirit

Published

2 years ago

July 20, 2022

Projektet e Deçanit/Ndërtimi në Zonën e Manastirit që penalizoi dy drejtorë dhe një inspektor komunal!

Drejtori i Urbanizmit dhe Mbrojtjes së Mjedisit, Ramë Melaj, drejtori i Inspektoratit, Halil Tolaj si dhe shefi i sektorit për inspektim, Jashar Hulaj, janë tre zyrtarët e Komunës së Deçanit që së shpejti do të përballen me drejtësinë.

Atyre i është ngritur aktakuzë për veprën penale “Keqpërdorim i pozitës apo autoritetit zyrtar”. Ndaj tyre rëndon akuza për leje ndërtimi në kundërshtim me ligjin si dhe mos inspektim të ndërtimeve pa leje.

Indeksonline ka siguruar në detaje rastet për të cilat akuzohen Tolaj, Hulajdhe Melaj.

Bëhet fjalë për involvimin e tyre në projektet, që sipas Prokurorisë, janë realizuar në zonën e mbrojtjes, 24 hektarëshin e Manastirit të Deçanit.

“Projekti Via Ferrata”, rruga “Deçan Plavë”, shetitorja e Grykës së Deçanit”, “Shtrati i Lumbardhit të Deçanit”, janë projektet që quan në ngritjen e aktakuzës ndaj tyre.

Sipas organeve të drejtësisë, i pandehuri, Ramë Melaj, në cilësinë e drejtorit të Urbanizmit dhe Mbrojtje të Mjedisit në komunën e Deçanit, në katër raste të ndara, duke tejkaluar kompetencat e tij sipas detyrës zyrtare, ka lëshuar leje ndërtimi në kundërshtim me ligjet përkatëse, që sipas aktakuzës, ka kryer veprën penale ‘Keqpërdorimi i detyrës zyrtare apo autoritetit zyrtar’”.

“Ndërsa, të pandehurit, Halil Tolaj, në cilësinë e drejtorit të Inspektoratit në komunën e Deçanit dhe i pandehuri, Jashar Hulaj, si person zyrtar në pozitën e shefit të sektorit për inspektim në këtë komunën, nuk ndërmarrin veprimet e nevojshme për të zbatuar inspektimin sipas autorizimeve dhe obligimeve të tyre ligjore, duke lejuar mbindërtimin e tri kateve të një objekti, me ç’rast kanë kryer veprën penale “Keqpërdorimi i detyrës zyrtare apo autoritetit zyrtar’”, thuhet në njoftim.

Kujtojmë se gjitha akuzat lidhen direkt për ndërtime te komunës si institucion në bashkëpunim me Qeverinë, por qe prekin zonën e mbrojtur, në të cilin pretendon Manastiri që janë zona të tyre (sipas vendimit te Gjykatës Kushtetuese)

Zyrtarë të Komunë së Deçanit, që nuk deshën t’i përmendet emri, thonë se tre zyrtarët në fjalë janë plotësisht te pafajshëm dhe se veprimet e tyre janë bërë në favor të zhvillimit të Komunës së Deçanit.

Bashkangjitur gjeni edhe fotografitë e projekteve për të cilat këta zyrtarë kanë lejuar ndërtimin e tyre, e qe sipas fotove janë projekte zhvillimore e strategjike për zhvillimin e komunës së Deçanit!

Infrastrukturë

Nënshkruhet marrëveshje për energji më të pastër me MCA-Kosova

Published

2 days ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

2 days ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

2 days ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi