Infrastrukturë

Trena të mbingarkuar, bileta 9 euro e Gjermanisë: Sukses apo dështim!

Published

2 years ago

July 5, 2022

Bileta e lirë e transportit publik prej 9 euro është në dispozicion prej një muaji. A duhet të vazhdojë kjo skemë ende?

Në pranverë, qeveria e koalicionit gjerman njoftoi se një biletë udhëtimi me zbritje të madhe në mbarë vendin – e ashtuquajtura biletë 9 euro – do të vihej në dispozicion për qershor, korrik dhe gusht. Çdo udhëtim i lejon mbajtësit e biletave ta përdorin rrjetin e transportit publik të Gjermanisë për një muaj kalendarik për vetëm ato 9 euro.

Lajmet për këtë biletë, të prezantuar për ta zbutur rritjen e karburantit dhe kostot e jetesës, ngjallën entuziazëm, megjithatë i shtynë disa të pyesin nëse infrastruktura e transportit publik do të ishte në gjendje ta përballonte një rritje të pritshme të numrit të pasagjerëve, raporton DW Shqip.

Ishte domethënëse që operatori kombëtar hekurudhor Deutsche Bahn kishte paralajmëruar tashmë paraprakisht se udhëtarët duhet të përmbahen nga marrja e biçikletave në trena duke filluar nga qershori për shkak të mungesës së hapësirës.

Autoritetet e transportit publik të Gjermanisë, të cilët menaxhojnë dhe operojnë rrjetet e udhëtimit në të gjithë vendin, kishin pak kohë për t’u përgatitur.

“Na duhej të rregullonim infrastrukturën tonë të shitjeve dhe të blinim autobusë, trena dhe personel shtesë – megjithëse duhet të them që kjo nuk ishte e mundur në një moment”, thotë Larswagner i Shoqatës së Kompanive Gjermane të Transportit (VDV). Organizata ombrellë përfaqëson mbi 600 autoritete tranziti dhe kompani të transportit publik në vend.

Trena të mbingarkuar

Shumë qytetarë gjermanë prisnin se pas prezantimit të kësaj biletë do të ketë autobusë dhe trena të mbushur plot me bllokime gjatë festës publike në fillim të qershorit. Dhe kishin të drejtë.

Trenat e shumtë rajonalë të nisur për në bregdetin e njohur të Balltikut dhe Detit të Veriut ishin aq të mbushur me njerëz, saqë pasagjerët duhej të largoheshin. Marrja e biçikletave me vete u bë pothuajse e pamundur.

Megjithatë, ky vëllim pasagjerësh pritej kryesisht, thotë Wagner Whitsun, në fund të fundit, është një festë publike dhe një kohë kur dhjetëra njerëz zakonisht udhëtojnë nëpër vend me autobus dhe tren çdo vit. VDV me siguri po parashikonte se turmat do të niseshin drejt destinacioneve të njohura të pushimeve, do të nisnin udhëtimet e fundjavës dhe do t’i vizitonin qytetet kryesore të Gjermanisë.

Cili është rezultati?

Radünz thotë se bileta e udhëtimit me zbritje ishte një sukses i jashtëzakonshëm në Berlin dhe Brandenburg, ku shumë zgjodhën të udhëtonin me trena dhe autobusë në vend që të ngasin një makinë. Ai thotë se “njerëzit përdornin biletën në fundjavë, duke marrë fëmijët e tyre”, duke u nisur për në Berlinin verior, pyllin Spree dhe destinacione të tjera.

Por rezultati sipas ëagner është pak më ambivalent. Ndërkohë që është i kënaqur që bileta 9 euro inkurajoi shumë njerëz ta përdorin transportin publik, ai është kritik për financimin e kësaj skeme: “Ministria e Transportit po jep 2.5 miliardë euro gjatë tre muajve për t’a kompensuar humbjen e të ardhurave të shkaktuar nga çmimi i ulët artificialisht i biletës – dhe megjithatë nuk u kanë vënë në dispozicion para për personel shtesë, autobusë apo trena”. Sipas kësaj, ai nuk e sheh se si mund të vazhdojë kjo skemë edhe pas gushtit. Të paktën jo me një biletë 9 euro./Media Ndërtimi.

Infrastrukturë

Nënshkruhet marrëveshje për energji më të pastër me MCA-Kosova

Published

2 days ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

2 days ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

2 days ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi