Polonia do të fillojë ndërtimin e centralit të saj të parë bërthamor në Lubiatowo-Kopalino në provincën e Pomeranisë në vitin 2026. Do të ketë deri në gjashtë reaktorë në dy ose tre lokacione, me një kapacitet total gjenerues prej 6–9 GW energji elektrike. Termocentralet pritet të hyjnë në internet në vitin 2040.

Misioni i rishikimit të Agjencisë Ndërkombëtare të Energjisë Atomike (IAEA) ka vlerësuar hapat e ndërmarrë në Poloni për të zhvilluar infrastrukturën e nevojshme për energjinë bërthamore.

Rishikimi, i njohur si Rishikimi i Integruar i Infrastrukturës Bërthamore të Fazës 2, u zhvillua nga 15 deri më 25 Prill me kërkesë të Qeverisë polake me synimin për të kontrolluar gatishmërinë e vendit për të ftuar ofertat ose për të negociuar një kontratë për termocentralin e tij të parë bërthamor.

Ekipi i rishikimit “identifikoi praktika të mira nga të cilat do të përfitonin vendet e tjera që zhvillojnë energjinë bërthamore në fushat e qasjes kontraktuese, qasjes strategjike ndaj financimit, autorizimit të hershëm të organizatave mbështetëse teknike për të mbështetur rregullatorin bërthamor, angazhimit me operatorin e rrjetit elektrik, përfshirjen e palëve të interesuara dhe industriale përfshirje”.

Mehmet Ceyhan, drejtuesi teknik i Seksionit të Zhvillimit të Infrastrukturës Bërthamore të IAEA-s, tha: “Programi polak për energjinë bërthamore (PNPP) u iniciua me objektiva të qarta dhe po përparon drejt fazës së ndërtimit në mënyrë të strukturuar. Ne vëzhguam ekipe të forta dhe të përkushtuara në secilën prej organizatave kryesore që do të ndihmojnë në arritjen e objektivave të qeverisë për PNPP-në.”

Për të ecur nga këtu, Polonia duhet “të rishikojë më tej kuadrin e saj ligjor dhe rregullator dhe të finalizojë punën përgatitore të kërkuar për fazat e kontraktimit dhe ndërtimit”./Media Ndërtimi

Kryetari i komunës së Vushtrrisë, Ferit Idrizi ka pritur në takim ministrin e Mjedisit, Planifikimit hapësinor dhe Infrastrukturës, Liburn Aliu dhe zëvendësministrin, Hysen Durmishi, raporton Ekonomia Online.Të dy kanë nënshkruar memorandum bashkëfinancimi në vlerë prej 600,00.00euro.

Projektet që do të realizohen nga kjo marrëveshje në bashkëfinancim nga Komuna e Vushtrrisë dhe MMPHI janë:Projekti i rrugës R220 nga Ura e Sitnicës deri tek Llamkos;Projekti i rehabilitimit të rrugëve në fshatrat Akrashticë-Balincë;Projekti i rehabilitimit të rrugës nga magjistralja N2 Dumnicë e Ulët-Dumnicë e Epërme;Projekti i rehabilitimit të rrugës “Dëshmorët e Kombit.

Ministri Aliu deklaroi se marrëveshja e nënshkruar kap vlerën e 590 mijë euro për katër projekte duke u shprehur i lumtur nga mundësia e realizimit të këtyre projekteve.

“Sapo patëm kënaqësinë që së bashku me kryetarin e Vushtrrisë të nënshkruajmë një marrëveshje bashkëpunimi për katër projekte në vlerë diku prej 590 mijë euro, është shumë kënaqësi që do të kemi mundësi ti zhvillojmë këto projekte po ashtu edhe projekte tjera që janë në realizim e sipër që po synojmë ti realizojmë në të ardhmen. Bashkëpunimin me komunën e Vushtrrisë e kemi jashtëzakonisht të mirë kështu që po uroj që këto punë të na ecin mbarë dhe të realizojmë përpos këtyre projekteve edhe projekte tjera që na presin”, ka thënë ministri Aliu.Aliu shtoi se përveq marrëveshjes së nënshkruar sot, bashkëpunimi me komunën e Vushtrrisë do vazhdojë tutje me projekte që ndërlidhin komunat përrreth.

“Përpos bisedës që e patëm me kryetarin për këto projekte që i nënshkruam sot patëm diskutime tjera, pra kemi një projekt i cili ka qenë si ide nga kryetari i komunës së Vushtrrisë në vizitat e mëhershme që i kemi pas i cili po merr përkrahje nga komunat që i lidh disa komuna e që jemi në përmbyllje të marrëveshjeve mes komunave e i cili pastaj do të mund të merr mbështetje nga ana e ministrisë për realizimin e që është një ide jashtëzakonisht e mirë e që e falënderoj kryetarin e Vushtrrisë për këtë marrëveshje”, ka thënë Aliu.

Edhe kryetari Idrizi u shpreh i lumtur për arritjet e kësaj marrëveshjeje e cila, siç tha ai do të mundësojë përmirësimin e infrastrukturës së rrugëve brenda Vushtrrisë.“Fillimisht e falënderoj ministrin Aliu dhe zëvendësministrin Durmishi që vërtetë këto dy vite e diçka qeverisje që i kam në komunën e Vushtrrisë kam gjetur bashkëpunim dhe mbështetje të vazhdueshme. Ne kemi në realizim shumë projekte nga vitet e kaluara që kalojnë vlerën milionëshe e sot e nënshkruam edhe një marrëveshje bashkëpunimi për riasfaltimin e disa rrugëve që arrin vlerën e diku rreth 600 mijë eurove”, ka thënë Idrizi.

Idrizi përmendi edhe projektin bashkëpunimit me katër komuna tjera e cila erdhi si propozim i komunës që ai drejton.“Po ashtu atë që e përmendi ministri, kemi gjetur mbështetje për një projekt që e lidh Shalën e Bajgorës me pjesën e Milloshevës dhe kalon te malet në Dumnicë, Vesekofc e Kurillovë dhe kalon në pjesën tjetër të Mitrovicës. Atu kemi gjetur edhe bashkëpunim nga kryetarët e komunave, pra komunës së Prishtinës, Podujevës, Obiliqit dhe Mitrovicës. Përpos kësaj ne biseduam edhe për hartimin e projektit të segmentit të rrugës që lidh Skenderajn me Vushtrrinë që ka mbetur i papërfunduar, fshatin Navolan dhe lidhen me unazën e autostradës në hyrje të Vushtrrisë dhe për të gjitha këto kemi gjetur bashkëpunim nga ministria e Infrakstrukturës për çka edhe i falënderoj edhe një herë”, ka thënë kryetari Idrizi./Media Ndërtimi

Kryeministri i Tajlandës ka zhvilluar diskutime paraprake me një konsorcium investitorësh për ndërtimin e asaj që mund të jetë ndërtesa më e lartë në botë.

Kryeministri Srettha Thavisin u takua me konsorciumin e udhëhequr nga themeluesi i Emaar Group të Dubait, Mohammed Alabbar, në bashkëpunim me firmat e Lindjes së Mesme dhe kineze, sipas Byrosë Kombëtare të Lajmeve të Tajlandës.

Masa do të ishte pjesë e një përpjekjeje për të rinovuar ekonominë e Tajlandës dhe propozimi synon të përfshijë një dyqan të madh, hapësira për zyra, një qendër financiare, një hotel dhe një qendër argëtimi.

“Projekti potencial i kullës shihet si një mundësi e madhe për të krijuar një atraksion të ri turistik të krijuar nga njeriu që mund të rrisë numrin e vizitorëve në Tajlandë,” tha një deklaratë e lëshuar përmes Byrosë Kombëtare të Lajmeve të Tajlandës.

Turizmi përbën rreth 12% të PBB-së së Tajlandës dhe vendi ka parë që mbërritjet të rriten afër niveleve para pandemisë pasi lehtëson politikat e vizave dhe rregulloret e udhëtimit.

Ndërtesa më e lartë në botë është aktualisht Burj Khalifa në Dubai, e cili qëndron në 828 m.

Megjithatë, thuhet se puna ka rifilluar në Kullën Jeddah në Arabinë Saudite, e cila do ta kalonte atë në 1 km të lartë. Edhe firma britanike e arkitekturës Foster + Partners thuhet se po projekton një kullë super të lartë 2 km në Riad, Arabinë Saudite./Media Ndërtimi