Ka të paktën po aq përkufizime të arkitekturës sa ka arkitektë apo njerëz që komentojnë praktikën e saj. Për të filluar një fjali me “Arkitektura është” është një hap i guximshëm në një territor të papërcaktuar. E megjithatë, shumë prej nesh janë shprehur ose të paktën kanë menduar se çcfarë në të vërtetë është arkitektura.

“Arkitektura është padyshim një akt politik”. – Peter Eisenman në Haaretz

“Arkitektura është skajshmërisht e vështirë, është shumë e ashpër”. – Zaha Hadid në The Guardian

“Arkitektura është, sipas definicionit, një proces shumë bashkëpunues”. – Joshua Prince-Ramus

“Arkitektura është një mënyrë për të parë, menduar dhe vënë në pikëpyetje botën tonë dhe vendin tonë.” – Thom Mayne në fjalimin e tij të pranimit të çmimit Prtizker

“Arkitektura është arti dhe shkenca për të siguruar që qytetet dhe ndërtesat tona të përshtaten me mënyrën se si duam të jetojmë jetën tonë.” – Bjarke Ingels

“Arkitektura është e pamëshirshme: është ajo që është, funksionon ose nuk funksionon, dhe ju mund ta shihni qartë ndryshimin”. – Jacques Herzog

“Arkitektura është gjithmonë e lidhur me pushtetin dhe që lidhet me interesa të mëdha, qoftë financiare apo politike.” – Bernard Tschumi në The New York Times

“Arkitektura është shumë komplekse që atë ta bëjë një person i vetëm dhe unë e dua bashkëpunimin”. – Richard Rogers në The Guardian

“Arkitektura është vepra më e fuqishme që mund të imagjinojë një njeri”. – Ben van Berkel dhe Caroline Bos

“Arkitektura është një akt optimizmi”. – Nicolai Ouroussoff në LA Times

“Arkitektura është një fakt artificial”. – Mario Botta në Perspecta

“Arkitektura është e mbushur me romantikë, të cilët mendojnë se edhe ndryshimet relativisht të vogla në mjedisin e ndërtuar krijojnë aspiratë për një shoqëri më të mirë”. – Mark Wigley në Surface Magazine

“Arkitektura është për ne, për publikun, dhe ajo do të copëtohet”. – Alexandra Lange në Design Observer

“Arkitektura është vepër e kombeve …” John Ruskin në Stones of Venice

“Arkitektura është gjithmonë një ëndërr dhe funksion, shprehje e një utopie dhe instrument i një komoditeti”. – Roland Barthes në “Semiologji dhe Urbanizëm”

“Arkitektura është shprehje e vlerave – mënyra se si e ndërtojmë është një pasqyrim i mënyrës sonë jetësore”. – Norman Foster

“Arkitektura është beteja e vërtetë e shpirtit”. – Ludwig Mies van der Rohe

“Arkitektura është gjeometri”. – Álvaro Siza

“Arkitektura ka të bëjë me përmirësimin e kushteve: mjedisore, sociale dhe ndonjëherë edhe politike”. – Arjen Oosterman

“Arkitektura nuk është vetëm një gjë, nuk është thjesht një art … Ajo duhet të merret me situatën reale, duhet të bëjë diçka të mirë për shoqërinë”. – Xiaodu Liu

“Arkitektura është shumë më tepër se ndërtimi i një objekti në një vend”. – Sean Lally

“Arkitektura është një gjuhë: dizajne të reja duhet t’i përmbahen rregullave gramatikore për të shmangur disonancën me strukturat ekzistuese”. – Princi Charles

“Arkitektura është një burim i pashfrytëzuar i tregimeve madhështore që presin të imagjinohen, të vizualizohen dhe të ndërtohen”. – Matthew Hoffman

“Arkitektura ka të bëjë me shërbimin e të tjerëve nëpërmjet hartimit të mjedisit të ndërtuar”. – Kevin J Singh

“Arkitektura ka për qëllim të kapërcejë nevojën e thjeshtë për strehim dhe siguri duke u bërë shprehje artistike”. – Jay A. Pritzker

“Arkitektura është i vetmi art që nuk mund t’a kalosh pa e ndjerë, mund të shmangësh pikturat, të shmangësh muzikën, dhe madje mund të shmangësh historinë. Por, si do të largohesh nga arkitektura”. – Philippe Daverio

“Arkitektura karakterizohet nga qëndrueshmëria dhe jetëgjatësia: një arsimim i gjatë, një trajnim i gjatë, orë të gjata dhe jetë të gjatë”. – Catherine Slessor

“Arkitektura është një përplasje e gjërave të papajtueshme”. – Juhani Pallasmaa

“Arkitektura është një lloj specifik i shkencës, është zhanri i saj i mendimit spekulativ”, – Geoff Manaugh

“Arkitektura është një fitore në procesin e krijimit të saj”. – Sam Jakobi

“Arkitektura është një objekt i tillë i jashtëzakonishëm në hapësirë, prania e tij është e detyruar të ndikojë tek të gjithë.” – Gautam Bhatia

“Arkitektura nuk është vetëm për ndërtimin, por është një mjet për të përmirësuar cilësinë e jetës së njerëzve”. – Diébédo Francis Kërké

“Arkitektura është një përvojë fizike – duhet të shihet dhe të preket për t’u kuptuar plotësisht”. – Nicolai Ouroussoff

“Arkitektura është me të vërtetë e vështirë, e kuptova vetëm pak kohët e fundit, është si muzika, mund të të gëzojë, por kur ta njohësh, është një histori tjetër.” – Diana Agrest

“Arkitektura është e aftë të absorbojë çdo gjë, dhe kështu tenton të shpërndahet në gjithçka”. – Ole Bouman

“Arkitektura nuk është vetëm një çështje e teknologjisë dhe estetikës, por korniza për një mënyrë jetese, një mënyrë inteligjente të jetës”. – Bernard Rudofsky

“Arkitektura është arti më publik dhe publiku janë kritikë të rreptë”. – Eric Parry

“Arkitektura është zgjidhës i problemeve dhe krijuesi i mjedisit, dhe ekspozita ndërkombëtare është laboratori i saj”. – Ada Louise Huxtable

“Arkitektura duhet të kompletojë natyrën, arkitektura e madhe e bën natyrën më të bukur, ajo i jep fuqi” .- Claudio Silvestrin

“Arkitektura është një nga reflektimet e qëndrueshmërisë së një qytetërimi.” – Charlie Rose

“Arkitektura është një punë shumë e rrezikshme. Nëse një shkrimtar bën një libër të keq, njerëzit nuk e lexojnë atë, por nëse bëni arkitekturë të keqe, ju vendosni shëmtinë në një vend për njëqind vjet “. – Renzo Piano

“Arkitektura është patologjia e epokës bashkëkohore”. – Arkitekturë Ligjore

“Arkitektura është interesante, por në brendësi nuk do të thotë asgjë.” – Massimiliano Fuksas

“Arkitektura është një art, por ne rrallë përqendrojmë vëmendjen tonë në ndërtesa si në shfaqje teatrale, libra apo piktura.” – Witold Rybczynski

“Arkitektura është 90% biznes dhe 10% art”. – Albert Kahn

“Arkitektura është shpikje”. – Oscar Niemeyer

“Arkitektura është gjithnjë politike”. – Richard Rogers

“Arkitektura është një kornizë e mendjes, ka të bëjë me idetë, profesioni është se si t’i hidhni ato ide në botën reale”. – Christopher Janney

“Arkitektura nuk zhvillohet vetëm në sferën e saj, por vazhdimisht asimilon arritjet nga fusha të tjera.” Maya Engeli

“Arkitektura është para së gjithash për t’iu shërbyer njerëzve dhe shoqërisë. Kjo është përgjegjësi e arkitektit: të dizajnohen ndërtesat që përmbushin qëllimin e tyre praktik, bashkojnë njerëzit dhe na lidhin me botën duke ruajtur burime të çmuara”. – Steven Ehrlich