Studentët e interesuar të fushës së arkitekturës, trashëgimisë kulturore dhe fushave të tjera të ngjashme ftohen të aplikojnë për Punëtorinë “Heritage Lab”.
HERITAGE LAB është një projekt edukativ i organizuar nga CHëB Kosova që synon të krijojë mundësi të reja për studentët e arkitekturës, trashëgimisë kulturore dhe fushave të tjera të ngjashme për të mësuar rreth metodave të dokumentimit, ruajtjes, ringjalljes dhe interpretimit të trashëgimisë kulturore përmes punës praktike “të drejtpërdrejt” dhe ligjëratave plotësuese. HERITAGE LAB është një aktivitet i zhvilluar “në vend”, në mënyrë që problemet e një lokaliteti të trashëgimisë të inspektohen drejtpërdrejt dhe zgjidhjet për trajtimin, interpretimin dhe menaxhimin e tij të jepen në të njëjtën kohë.
Në partneritet me UNDP, nga 4 deri në 15 tetor 2021, CHëB Kosova organizon një Kamp të Restaurimit në Kullën e Sahatit të Prishtinës, ku 20 studentë do të jenë në gjendje të zhvillojnë njohuritë e tyre mbi materialet dhe teknikat tradicionale për ruajtjen e strukturave historike. Përgjatë ligjëratave të mbajtura nga profesorë dhe ekspertë të njohur ndërkombëtarë dhe vendorë, si dhe punës praktike të koordinuar nga mjeshtër me përvojë, ata do të jenë pjesë e ruajtjes së trashëgimisë kulturore duke zbatuar metodat dhe teknikat e mësuara gjatë punëtorisë.
Kjo punëtori është pjesë e projektit “Trashëgimia Kulturore si nxitëse e dialogut ndërmjet komuniteteve dhe kohezionit social” zbatuar nga UNDP dhe financuar nga Instrumenti i Bashkimit Evropian që kontribuon në Stabilitet dhe Paqe (IcSP).
SI TË APLIKONI?
Ju lutemi dërgoni CV-në tuaj dhe letrën e motivimit, jo më vonë se 15 shtator 2021, përmes e-mailit: kosovo@chwb.org. Kur dorëzoni aplikacionin me e-mail, ju lutemi shkruani në rreshtin e subjektit “Aplikimi për Heritage Lab 2021: Restaurimi i Kullës së Sahatit në Prishtinë” (Emri Mbiemri)”.
Aplikantëve u kërkohet të kenë aftësi të mira komunikimi në gjuhën angleze, pasi kjo do të jetë gjuha zyrtare e punëtorisë.
Për çdo informacion shtesë të nevojshëm në lidhje me punëtorinë, ju lutemi na kontaktoni me telefon: +383 (0) 38 754 866, e-mail: kosovo@chwb.org.
Projekti do të mbulojë të gjitha shpenzimet brenda vendit për pjesëmarrësit nga Kosova, duke përfshirë akomodimin, ushqimin, ekskursionet, materialet e punëtorisë dhe udhëtimet brenda vendit./ Media Ndërtimi.