Fenomeni i ndërtimit të shtëpive të njëjta në formë si dhe migrimi i të rinjve kosovar drejt viseve evropiane janë temat që trajtohen në filmin dokumentar “Në Mes”, i cili shfaq fotografinë e disa objekteve të banimit individual që po meremetohen dhe të njëjtën kohë janë të braktisura.
“Sfida më e madhe që e kam pas në film ishte në kërkim të titullit. Filmi në vete ka storjen e mërgimtarëve të cilët jetojnë mes dy shteteve dhe ka të bëjë me traditën e ndërtimit të shtëpive. Prindërit e diasporës insistojnë të ndërtojnë në Kosovë për të ardhmen e fëmijëve të tyre.”, thotë në një intervistë regjisori Samir Karahoda gjatë tregimit të tij për realizimin e dokumentarit.
“Me trup në perëndim, e me mendje për të ndërtuar në Kosovë”, është koment interesant i njërit nga të intervistuarit”, thotë Karahoda.
“Ajo që më ka bërë më shumë përshtypje gjatë intervistimit për këtë dokumentarë është solidaritetit mes vëllezërve.”, thotë drejtori i fotografisë në festivalin prestigjioz “Doku Fest”.
“Në qofte se njëri nga ta nuk i ka kushtet për të ndërtuar shtëpi atëherë vëllezërit tjerë ia ndërtojnë shtëpinë e njëjte përmes parave të grumbulluara. Është një traditë që rrallë ndodh tek popujt tjerë.” , thotë regjisori prizrenas i cili ishte inspiruar ta bënte këtë dokumentar nga projekti i tij fotografik “Vëllezërit Kosovar”.
Karahoda në ketë dokumentar thotë të ketë prezantuar edhe një temën që ka të bëjë më konfliktet në ndarjen e pasurisë
“Në qytetin e Prizrenit ka shumë probleme gjatë ndarjes së pasurisë, po nisem nga fakti ku babai im ka pas konflikte të vogla me familjen për shkak të ndarjes jo të barabartë të pronës. Babai vite më parë e kishte ndërtuar një shtëpi familjare, por prapë se prapë ka probleme pronësore ajo shtëpi. Për t’u bërë unë pronar i kësaj shtëpia duhet t’i marrë pesë nënshkrime nga anëtarët e ngushtë të familjes.
Filmi tregon fotografinë e Ballkanit te sotëm, shprehet ai.
“Fshatrat e këtij rajoni çdo ditë po shndërrohen në hapësira fantazma, pra të braktisura. Shembull për këtë e kemi Kroacinë, pas futjes në BE, diku afër 300 mijë kroat janë zhvendosur për të jetuar drejt vendeve te Evropës. Pastaj, kemi Serbinë e cila po shpopullohet. Kemi me të njëjtën situatë Shqipërinë dhe Bosnjën”, thotë Karahoda, i cili ligjëron për teknikat e kamerës në degën e artit të Universitetit të Prishtinës.
Filmi Dokumentar “Në Mes”, kishte dërguar Kosovën në Berlinale, ndërkohë ai ishte projekti debutues debutues si regjisor./Media Ndërtimi.