Prezantimi i Bulzës dhe sajti i saj i kërkimit.

Bulza Çapriqi ka titullin master në Kulturat Letrare Evropiane. Ajo është një studiuese shumëgjuhëshe me përvojë në gazetari, përkthim, kërkime të thelluara dhe shkrime krijuese.

Ajo do të eksplorojë lagjen Ortakolli në Prizren, zona e parë e planifikuar e qytetit nga urbanistja e parë grua.

Rrëfimi i saj ndërthur kërkimin dhe tregimin, duke u thelluar në ndikimet moderniste të Prizrenit.

Kultura dhe Kreativiteti për Ballkanin Perëndimor (CC4WBs) është një projekt i financuar nga Bashkimi Evropian që synon të nxisë dialogun në Ballkanin Perëndimor duke përmirësuar sektorët kulturorë dhe krijues për rritjen e ndikimit socio-ekonomik.

Administrata Tatimore e Kosovës ua rikujton të gjithë personave fizikë jo afaristë, personave fizikë afaristë dhe personave juridikë, se janë të detyruar të deklarojnë dhe të paguajnë Tatimet dhe Kontributet Pensionale, në mënyrë reale dhe në kohë, ashtu siç është përcaktuar me legjislacionin tatimor.

Aktivitetet e ATK-së, në vazhdimësi, do të përqendrohen pikërisht te personat, të cilët nuk i deklarojnë të ardhurat e realizuara dhe nuk paguajnë Tatimin dhe Kontributet Pensionale.

Për personat fizikë jo afaristë, personat fizikë afaristë dhe personat juridikë, të cilët nuk deklarojnë të ardhurat e realizuara dhe nuk paguajnë Tatimet dhe Kontributet Pensionale, ATK-ja do të ndërmarrë masat ndëshkuese sipas legjislacionit tatimor.

Andaj, ATK-ja u bënë thirrje të gjithë personave që të deklarojnë të ardhurat e realizuara apo të korrigjojnë sa më parë deklaratat e tyre dhe të përmbushin të gjitha detyrimet tatimore të parapara me legjislacionin tatimor.

Me kryerjen e detyrimeve tatimore, kontribuoni direkt në financimin e programeve qeveritare siç janë: ofrimi i shërbimeve publike, arsimim me standarde të larta, mirëqenie shëndetësore dhe sociale, mbrojtje ligjore dhe siguri, si dhe infrastrukturë të përgjithshme për një mirëqenie më të mirë ekonomike dhe shoqërore.

Pagesa e tatimit, siguron qëndrueshmëri të ekonomisë në vend!/Media Ndërtimi

Qeveria e Kosovës sot ka miratuar përfundimisht shpronësimin e disa pronave në Leposaviq e Zubin Potok, të cilat janë kundërshtuar më herët nga ShBA-ja dhe BE-ja.

Vendimi që mund të nxisë një përplasje të re në mes të Kosovës dhe aleatëve është marrë sot në mbledhje elektronike të Qeverisë së Kosovës.

Në njoftimin për media të Qeverisë është thënë se shpronësimet kanë të bëjnë me prona të paluajtshme të pronarëve dhe zotëruesve të interesit të cilat preken nga realizimi i “Projekteve Infrastrukturore për Interes Publik”.

“Vendimin Përfundimtar për shpronësim për interes publik i pronave të paluajtshme të pronarëve dhe zotëruesve të interesit të cilat preken nga realizimi i “Projekteve Infrastrukturore për Interes Publik”, në Komunën e Leposaviqit dhe Komunën e Zubin Potokut, në pajtim me aktgjykimet e plotfuqishme të gjykatave të Republikës së Kosovës”, është thënë në komunikatën e Qeverisë.

Gazeta ka mësuar se bëhet fjalë për shpronësim e 80 hektarëve në fshatrat Dren dhe Leshak të komunave Leposaviq dhe Zubin Potok.

Kjo çështje është parë problematike prej kur ka filluar, në janar të vitit të kaluar.

SHBA-ja dhe BE-ja vazhdimisht i kanë bërë thirrje Qeverisë së Kosovës që të ketë kujdes me këtë çështje. Për këtë arsyeje, Qeveria e Kosovës e kishte larguar disa herë këtë çështje prej agjendës së saj./Media Ndërtimi