Connect with us

Aktuale

Rama në Shëngjin: Do të nisë prishja e strukturave dhe objekteve pa leje që kanë zaptuar vijën bregdetare

Published

3 years ago

on

Kryeministri Edi Rama deklaroi sot nga Shëngjini se, “pastrimi i gjithë bregdetit për të vijuar më pas me zonat e mbrojtura e akset kombëtare, do të vazhdojë pa u ndalur deri në goditjen e fundit”.
“Javën e ardhshme forcat Policisë së Shtetit dhe Inspektoratit Kombëtar të Mbrojtjes së Territorit do të nisin operacionin “Bregdeti ynë”, për të fshirë nga harta e pasurisë më të madhe të popullit shqiptar çdo ndërtim pa leje, duke nisur me ato që janë në proces në thyerje flagrante të Kodit Penal dhe për të çuar përpara drejtësisë çdo shkelës të ligjit, qoftë në krejt zinxhirin e ndërtimit nga investitorët deri tek punonjësit e kantiereve, e qoftë në radhët e vetë policisë, nga shefa e deri tek punonjës, që me veprimet a mosveprimet e tyre kanë lejuar shkeljen e ligjit”, tha Rama.
Kryeministri i bëri apel shkelësve të ligjit që të prishin dhe të pastrojnë vetë çka kanë ndërtuar pa leje në dëm të pasurisë së popullit, sepse kur të përballen me forcën e operacionit “Bregdeti ynë”, do të jetë shumë vonë për ta.
Kryeministri tha se, “ne vendosëm ta bëjmë publike këtë punë përgatitore që po zhvillohet intensivisht në Ministrinë e Brendshme, por një arsye tjetër është sepse operacioni fillon të hënën e ardhshme”.
“Unë dua që t’jua përcjell këtë mesazh të gjithë tyre që e dinë vetë që janë në kushtet e shkeljes së rëndë të ligjit: të lexojnë Kodin Penal dhe menjëherë të marrin masa tani, se do të jetë vonë nga e hëna e tutje për t’ju shmangur përballjes deri në fund me ligjin. Të lexojnë Kodin Penal se çfarë i pret në momentin kur konstatohet flagranca nga Policia e Shtetit dhe në momentin kur duhet të ballafaqohen drejtpërdrejt për këto shkelje të rënda, dhe të fillojnë t’i prishin vetë. Kjo është për t’u lehtësuar atë që pason”, tha Rama.

Së dyti, Kryeministri i bëri shumë të qartë të gjithë zinxhirit që nga inxhinieri konstruktor, te punëtori më i fundit që përfshihet në këto ndërtime, që me Kodin Penal janë të gjithë pjesë e zinxhirit të fajësisë dhe me Kodin Penal janë të gjithë pjesë e zinxhirit të fajësisë dhe përgjegjësisë”.

 

“Sepse nuk mundet dot të thuash se unë jam një punëtor, më morën dhe nuk di ça bëj, se është njësoj si të thuash se unë jam një punëtor, më morën të mbillja bar, unë kujtoja se po mbillja bar, por në fakt po mbillja kanabis. Apo më morën të transportoja miell, unë kujtoja se transportoja miell, në fakt ishte kokainë. Pra është e njëjta gjë dhe të gjithë do të ndalohen dhe do të penalizohen”, tha Rama.

 

Kryeministri tha se kjo është pasuria më e madhe që Zoti i ka dhënë këtij vendi. “Ka ndodhur çfarë ka ndodhur, janë bërë çfarë janë bërë në të shkuarën, ne nuk mund të lëmë që për arsye të situatave të komplikuara si tërmeti, pandemia etj, të bubrrojë përsëri nën vështrimin indiferent të disa strukturave dhe punonjësve edhe të Policisë, që e kanë për detyrë. Ky është aktivitet i paligjshëm. Është e pamundur, e pajustifikueshme, e patolerueshme dhe SHÇBA do t’i shkoj deri në fund kësaj pune”, tha Rama.

 

Ai u bëri thirrje njëkohësisht edhe punonjësve të Policisë që të jenë qartësisht të mirëinformuar se njësoj si lufta me krimin në rrugë, njësoj si lufta me kultivimin e lëndëve narkotike edhe kjo ka një hartë, ka një përgjegjësi.

 

“Nëse në zonën tënde të përgjegjësisë ndodh një ndërtim pa leje je ti përgjegjës, se këtu nuk bëhet fjalë për një aktivitet të shpejt, por bëhet fjalë për struktura që ngrihen, për beton që hidhet, për gur që hidhen në det. Dhe kjo do të thotë që ti je bashkëpërgjegjës dhe bashkëfajtor në shumë raste. Kështu që për të gjitha këto arsye dëshiroj nga sot këtu të jap një mesazh shumë të qartë për të gjithë cënuesit e kësaj pasurie: tërhiquni tani, përfitoni nga këto ditë për të filluar të hiqni atë që keni bërë. Me një kat, me dy kate, me tre kate, me katër kate, në çfarëdolloj situate që të jetë do të shembet, por jo vetëm do të shembet, por do të mbani dhe pasojat”, tha Rama.

 

Po ashtu, Kryeministri theksoi se ligji detyron ata që ndërtojnë pa leje të pastrojnë.

 

“Gjithnjë është lënë pas dore, natyrisht që ne nuk do t’i lëmë grumbullimet e inerteve aty, por ama kush nuk do të pastrojë vetë do të paguaj rëndë, edhe për koston e pastrimit, dhe shpenzimin e madh të energjive nga strukturat e shtetit”, tha Rama./atsh

Related Topics:

Aktuale

KAWA Group, tashmë pjesë e industrisë së ndërtimit në Mbretërinë e Bashkuar

Published

2 days ago

on

May 18, 2024

By

Kompania e njohur e ndërtimit KAWA Group, sapo ka inauguruar hapësirën në qendër të Londrës.

Përmes një ceremonie festive është hapur hapësira më e re e KAWA Group, e cila edhe zyrtarisht do të operoj në Mbretërinë e Bashkuar,

KAWA Group do të bëj eksportin e shtëpive modulare, kabinave, kontejnerëve, përpunimin e kuzhinave, dyerve dritareve dhe gjithçka tjetër rreth produkteve të drurit e metalit.

https://www.facebook.com/profile.php?id=61554337212013

https://www.instagram.com/kawagroup.uk/

Këtë vit, KAWA Group do të shënoj vitin jubilar, 15 vjetorin e themelimit, ndërsa si kompani vazhdon të jetë liderë në tregun e ndërtimeve.

Përgjatë viteve, KAWA i ka shtuar gamës së gjerë të ndërtimeve, njësi tejet inovative të banimit dhe biznesit.

Pas zyrës së hapur në Londër, KAWA Group shumë shpejt pritet që rrjetin e operimit ta zgjeroj edhe në qendrat kryesore të Evropës./Media Ndërtimi

Continue Reading

Aktuale

Përfaqësuesit e personave me nevoja të veçanta kërkojnë t’iu sigurohet transporti për punë

Published

3 days ago

on

May 17, 2024

By

Në Komisionin për Qeverisje Lokale, Administratë Publike, Zhvillim Rajonal dhe Media është mbajtur dëgjim publik për ndryshim plotësimin e Ligjit për zyrtarët publik. Kërkesa për votimin e këtij projektligji patën personat me aftësi të kufizuar, të cilët me anë të saj kërkojnë transport dhe mundësimi i punës online.

Përfaqësuesi i personave me aftësi të veçanta, Gentrit Zeqiri, është shprehur se mungesa e kushteve për transport po ua vështirëson krijimin e kushteve për punë të këtyre zyrtarëve.

“Propozimi i parë ka qenë sigurimi i transportit të zyrtarëve me nevoja të veçanta nga shtëpia në punë dhe anasjelltas dhe propozimi i dytë, është të ju lejohet zyrtarëve me aftësi të veçanta të punojnë edhe nga shtëpia së paku 3 ditë në javë. Sa i përket propozimit të parë është t’iu sigurohet transporti për shkak të mungesës së qasjes ku kemi shume raste, ankesa të këtyre zyrtarëve përkundër faktit që pranohen në shumë punë…për shkak të transportit ata detyrohen t’i lënë këto punë për shkak të vështirësive që kanë”, tha Zeqiri.

Për Zeqirin është e rëndësishme edhe mundësimi i punës online për këta zyrtarë, sipas tij kërkesa e këtij grupi është të mundësohet puna nga shtëpia së paku për tri ditë./Media Ndërtimi

Continue Reading

Aktuale

Mbi 70 biznese promovohen në panairin “Pan Expo Group-Kosova 2024”

Published

3 days ago

on

May 17, 2024

By

Është hapur Panairi i Përgjithshëm Ndërkombëtar “Pan Expo Group-Kosova 2024”, në Prishtina Mall, për herë të parë në Kosovë, ku po marrin pjesë mbi 70 biznese nga vendi, rajoni dhe më gjerë.

Qëllimi i këtij panairi është që kompanitë pjesëmarrëse të ndajnë eksperiencën e tyre me njëra- tjetrën, të mund të shpalosin ofertat e tyre, si dhe të tërheqin klientë dhe bashkëpunëtorë rinj.

Përveç kësaj, qëllim tjetër i këtij organizimi është promovimi i ndërmarrësisë, inovacionit si dhe edukimit të gjeneratave të reja për iniciativën e lirë në biznes.

Organizimi i këtij panairi u vlerësua shumë i rëndësishëm edhe nga vetë bizneset pjesëmarrëse, për çka edhe u shprehën të kënaqur me mundësinë e dhënë për të promovuar produktet dhe shërbimet e tyre.

Drejtoresha e “Pan Expo Group”, Elisa Stefa tha se pavarësisht sfidave të kaluara për organizmin e një panairi të tillë, është e kënaqur me pjesëmarrjen, kualitetin dhe cilësinë e bizneseve. Ajo tregoi se në këtë panair po marrin pjesë biznese nga Kosova, Shqipëria, Maqedonia e Veriut, Mali i Zi dhe vende të tjera jashtë rajonit.

Panairi “Pan Expo Group-Kosova 2024” do të jetë i hapur deri më datën 19 maj. Përgjatë ditëve të panairit do të ketë showroom-e, prezantime live, seminare, aktivitete dhe konferenca./Media Ndërtimi

Continue Reading

Trending