Ministri i Shëndetësisë, Armend Zemaj ka qëndruar sot në Mamushë. Ku bashkë me kryetarin e Mamushës, Abdulhadi Krasnic, kanë nënshkruar memorandum për “Ndërtimin e objektit të Qendrës Kryesore të Mjekësisë Familjare” me vlerë 738,922 euro.
Për çka Zemaj ka thënë edhe se do të rritet personeli mjekësor.
“Urime qytetarë të Mamushës! Së bashku me kryetarin e Mamushës, Abdulhadi Krasnic, nënshkruam memorandumin për “Ndërtimin e objektit të Qendrës Kryesore të Mjekësisë Familjare”, me vlerë 738,922 euro. Pritet të rritet edhe personeli mjekësor. Në këtë ceremoni ishin edhe ambasadori i Turqisë, Çağrı Sakar, komandanti KFOR-it turk, Savaş Yanar, koordinatori i TIKA-s, Cihan Dinçer, Ministri MZHR, Enis Kervan, deputeti Fidan Jilta dhe kryetari i KDTP-së, Fikrim Damka. E rikonfirmova se kjo komunë dhe komunitetet tjera, do ta kenë vëmendjen dhe mbështetjen e plotë. Për Mamushën, do të ketë specializime për Mjekësinë familjare dhe Biokiminë klinike, të cilët do të punojnë në QKMF. Në këtë rast u bë pranim-dorëzimi i autoambulancës, donacion nga KFOR-i turk dhe Turqia, e cila do të jetë në shërbim të pacientëve të kësaj komune”, ka shkruar Zemaj.
Sapo vizitova Qendrën e Mjekësisë Familjare/QMF në Reçan të Prizrenit, ku me stafin menaxhues biseduam për shqetësimet që ka krijuar virusi Sars Covid19, për menaxhimin e situatës si dhe projektet që do të realizojmë në të ardhmen.
Me këtë rast dërguam një donacion me materiale mjekësore mbrojtëse.
Në konkurset e fundit të MSH-së për rritjen e kapaciteteve mjekësore dhe inspektuese kemi pranuar edhe profesionistë edhe nga kjo trevë, të cilët do të jenë të angazhuar në institucione shëndetësore në Republikën e Kosovës.
QMF e Reçanit është në koordinim të vazhdueshëm me Ministrinë e Shëndetësisë.
Kjo qendër do ta ketë përkrahjen time, do të mbështeten projekte të caktuara, e do te ofrohet ndihmë për përmirësimin e shërbimeve shëndetësore.
E falënderova stafin menaxhues dhe personelin shëndetësor për përkushtimin dhe punën e palodhur që është duke bërë në këtë kohë të vështirë./kp
You must be logged in to post a comment Login