Aktuale

S’janë filma horror – Disa nga vendet më të frikshme në botë

Published

4 years ago

August 27, 2020

Bota në të cilën jetojmë është e mbushur përplot me bukuri dhe vende të mrekullueshme për t’i vizituar, por ajo ka edhe anën e saj të frikshme – vendet misterioze të cilat jo çdo kush ka guxim t’i vizitojë. Nga parqet më të tmerrshme, deri tek ishujt e mbushur me gjarpërinj, këto janë disa prej vendeve më të frikshme në botë.

Rruga Youngas, Bolivi

Rruga Youngas me gjatësi 80 kilometra shtrihet përmes pyjeve të dendur të Amazonës në një lartësi prej 4.500 metrash. Ajo nuk ka mbrojtëse anësore dhe shikueshmëria është e kufizuar për shkak të mjegullës dhe shiut. Çdo vit kjo rrugë u merrte jetën 200 deri 300 personave në Bolivi, andaj u bë e njohur si “Rruga e vdekjes”. Për shkak të rrezikshmërisë së lartë kjo rrugë sot është bërë më tepër një destinacion i biçiklistëve aventuristë sesa rrugë automobilistike.

Akullnaja Taylor, Antarkditë

Mund të duket si një skenë krimi, por “Ujëvarat e gjakosura” janë plotësisht natyrale. Ky fenomen erdhi si pasojë e një liqeni të mbushur me mikrobe që gjendej më herët poshtë tij. Niveli i kripës së ujit është rreth 3 herë më i lartë se i oqeanit ndërsa në çarjen e çuditshme të saj shohim ngjyrën e kuqe.

Ishulli i Kukullave, Xochimilco, Meksikë

Ishulli i kukullave në Xochimilco, Meksikë është pjesë e Programit të Trashëgimisë Botërore të UNESCO-së. Ky ishull i vogël është i njohur për kukullat dhe pjesët e kukullave të varura në drunjtë dhe pemët e tij. Ai mund të duket si një film i frikshëm, por dikur ishulli ishte vendbanimi i një burrë i quajtur Julian Santa Barrera, i cili pasi zbuloi trupin e vdekur të një vajze Barrera, i vendosi kukullat nëpër drunj që t’i largonte “shpirtërat e ligë”.

Fshati Nagoro, Japoni

Nagoro është fshati japonez në të cilin jetojnë rreth 350 kukulla me përmasa njerëzore. Banorja e fshatit Tsukimi Ayano, filloi të krijonte kukulla për secalin banor që ndërronte jetë ose shpërngulej nga fshati. Aty mund të gjenden kukulla peshkatarësh përgjatë lumit, çifte pleqsh të ulur në stola, madje edhe nxënës të ulur në klasë. Prania e kaq shumë kukullave e bënë fshatin Nagoro të veçantë, por edhe të frikshëm.

Centralia, Pennsylvania

Nga fundi i viteve 1800 deri në vitet 1960, Centralia ishte një qytet i qetë, por mjaft i populluar në Pensilvani, falë minierave të tij të qymyrit. Sidoqoftë, kur një minierë zuri zjarr në mënyrë misterioze në vitin 1962, flakët filluan të përhapet në tokë përmes tuneleve ndërlidhëse. Qytetarët ishin të vetëdijshëm për situatën, por ata nuk u shqetësuan me të vërtetë deri në raportimin e dy incidenteve të ndodhën disa vjet më vonë. Një pronar i stacionit të karburantit kishte raportuar temperaturë jashtëzakonisht të lartë të benzinës në tanket e tij nëntokësore në 1979 dhe një djalë i ri gati kishte rënë në një gropë 45 metra të thellë në oborrin e tij më 1981. Që nga ato dukuri shqetësuese, numri i popullauës në këtë qytet ra dukshëm. Në regjistrimet e vitit 2014 (data e regjistrimit të fundit), Centralia kishte vetëm shtatë banorë dhe ngjasonte me një qytet fantazëm. Centralia është shndërruar në një qytet të shkretë, me shumë ndërtesa të rrëzuara, trotuare të shkatërruara dhe rrugë të plasaritura. Ndonjëherë ende mund të shihni tym që del nga kanalet nëntokësore, të cilat shkencëtarët vlerësojnë se do të vazhdojnë të digjen për të paktën 250 vjet të tjerë.

Pripyat, Ukranë

Themeluar në vitin 1970, qyteti Pripyat kishte një popullsi prej afro 50,000 banorëve në kohën kur u evakuua plotësisht pas katastrofës së Chernobyl-it në vitin 1986. Pripyat ka mbetur një qytet i pabanuar që atëherë, megjithëse ndërtesat, mobiljet dhe të gjitha shenjat e tjera të jetës janë ende aty ku i kishin lënë ish banorët e tij. Librat e fëmijëve ende qëndrojnë në klasë, kukulla dhe lodra të tjera gjenden të braktisura që nga koha e evakuuimit. Mirëpo pika më e famshme e qytetit është rrota e parkut argëtues. Pas transmetimit të serive Chernobyl të HBO-së, qeveria e Ukrainës ka njoftuar se ky vend do të bëhet një zonë tërheqëse turistike.

Arkivolët e varur, Sagada, Filipine

Në Sagada të Filipineve, njerëzit janë të njohur për varrosjen e të vdekurve të tyre në arkivolet e ngjitura në anët e shkëmbinjve. Një traditë e tillë daton mijra vjet më parë, ku banorët ndërtonin vetë arkivolet e tyre dhe pasi ata vdisnin, atyre ua varnin arkivolin afër të afërmve të tjerë në shkëmbinj.

Ishulli i gjarprinjëve, São Paulo, Brazil

Ishulli i gjarprinjëve është një nga ishujt më të rrezikshm në botë. Disa studime raportojnë se në ishull jetojnë 1 deri në 5 gjarprinjë për metër katror. Ngritja e nivelit të ujit rreth 11,000 vjet më parë bëri që ishulli të ndahej nga toka e Brazilit. Të mbetur pa asnjë pre tokësore, gjarprinjtë e këtij ishulli mësuan të gjuajnë zogjtë në ajër. Rrethanat e tilla kanë ndikuar që këta gjarpërinj të jenë shumë më të rrezikshëm, të aftë për të vrarë prenë e tyre menjëherë madje edhe në ajër dhe të shkrijnë mishin e njeriut. Për këtë arsye qeveria braziliane ka ndaluar që të shkelet në këtë ishull.

Pylli Aokigahara, Japoni

Pylli Aokigahara njihet ndryshe si “Pylli i vetëvrasjeve” dhe është vendi i dytë më i popullarizuar për vetëvrasje pas Golden Gate Bridge. Sipas mitologjisë japoneze pylli është i mbushur me demon dhe kjo është arsyeja përse njerëzit që shkojnë atje vetëvriten. Megjithatë pylli ka mjaft vizitorë. Shumë shëtitës shënojnë rrugën e tyre me shirita për ta bërë më të lehtë kthimin.

Aktuale

Publikohet platforma digjitale për historinë e Prishtinës

Published

22 hours ago

May 16, 2024

Ndertimi Media

Historia qindravjeçare e Prishtinës tash e tutje do të mund të njihet edhe përmes platformës digjitale “Prishtina në histori”.

E krijuar nga “Trembelat”, kjo platformë prezanton qindra dokumente origjinale për Prishtinën, që nga shekulli i 13-të.

Përmes një komunikate për media, “Trembelat” kanë bërë të ditur se platforma digjitale (qerthulli) “Prishtina në histori” përmbledh një grumbull digjital të teksteve, hartave, gravurave, fotografive dhe punimeve rreth historisë së qytetit të Prishtinës që kapin kohën prej fundit të shekullit 13-të deri në vitete e para të shekullit 20-të.

Në Arkivin e Prishtinës, pjesë e Komunës së Prishtinës, rishtazi janë sjellë rreth 38,598 dokumente osmane, të cilat dokumentojnë historinë e Prishtinës prej shekullit të 15-të deri në shekullin 20-të, shumica prej tyre, siç thuhet në komunikatë janë krejt të pastudiuara dhe të panjohura për publikun.

Në anën tjetër, po sipas komunikatës, shumë studime të cilat janë bërë bazuar në arkivat e Romës, Venedikut dhe Dubrovnikut mbesin në sirtarë të bibliotekave dhe njihen vetëm prej një grupi të vogël specialistësh.

“Këto të dhëna, por dhe të tjera që kanë të bëjnë me të kaluarën e Prishtinë, nga arkiva, biblioteka e koleksione janë mbledhur dhe do të vazhdojnë të mblidhen në fazat e tjera të këtij projekti (Prishtina në histori)”- thuhet në komunikatën e ‘Trembelave”.

Po siaps komunikatës, në mesin e materialeve të botuara janë edhe rreth 100 dokumente origjinale të përkthyera, si shtesë për tekstet e shkruara enkas, e artikuj të rëndësishëm nga e kaluara që meritojnë të lexohen më gjerësisht, pjesa më e madhe e tyre, sic thuhet më tej në komunikatë, janë botuar në këtë fazë fillestare.

Platforma është iniciativë e “Trembelave” me siglën botuese “Varg” e mbështetur financiarisht nga Komuna e Prishtinës, në partneritet të ngushtë edhe me Arkivin e Prishtinës, të cilët edhe kanë mundësuar qasjen në dokumentet nga arkivat osmane, që në vitin 2018 janë sjellë në kopje digjitale te ky arkiv./Media Ndërtimi

Aktuale

Asociacioni i Arkitektëve të Kosovës organizon kuvendin zgjedhor

Published

2 days ago

May 15, 2024

Ndertimi Media

Të nderuar anëtarë të Asociacionit të Arkitektëve të Kosovës, duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 26, të Statutit të Asociacionit të Arkitektëve të Kosovës, të vitit 2022, shpallë Zgjedhjet e rregullta për Kryetarin e a-a-k.

KUVENDI ZGJEDHOR i a-a-k, do të mbahet:

Datë: 23.05.2024 (E Enjte)

Ora: 17:00 h

Vendi: MODELARIUMI në Fakultetin e Arkitekturës në UP-ë.

Ftohen, të gjithë anëtarët e Asociacionit të Arkitëktëve të Kosovës që të marrin pjesë në kuvendin zgjedhor, dhe në frymën e konkurencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 32, të Statutit./Media Ndërtimi

Aktuale

“Reagim ndaj shkrimeve të pasakta dhe tendecioze rreth nënshkrimit të kontratës me Arkitektin e Qytetit”

Published

3 days ago

May 14, 2024

Ndertimi Media

Komuna e Prishtinës ka reaguar ndaj shkrimeve rreth nënshkrimit të kontratës me Arkitektin e Qytetit”

Me datën 13 maj 2024 është publikuar një shkrim me titull “Tre muaj para se të regjistrohej në ARBK, kompania Shërbimi i Arkitektit të Kryeqytetit nënshkroi kontratën me Komunën e Prishtinës” nga një prej portaleve lokale, dhe po të njëjtat informata të pasakta e tendencioze janë shpërnda nga eksponentë politik të caktuar.

Kryeqyteti informon qytetarët se ky artikull dhe shkrimet pasuese janë të pasakta dhe se:

Konsorciumi i kompanive fituese kanë qenë të regjistruara pranë ARBK shumë kohë më parë
Procesi i tenderimit të Shërbimit të Arkitektit të Kryeqytetit është vlerësuar tri (3) herë nga OSHP, si proces i rregullt dhe në përputhje me ligjin.
Procesi i tenderimit është zhvillu përmes sistemit elektronik “EPROKURIMI” dhe të gjitha të dhënat digjitale janë në dispozicion për të vërtetuar rregullsinë e procesit

Më poshtë është shpjeguar në hollësi procesi.

Aktiviteti i prokurimit me titull “Konsulencë për themelimin e Shërbimit të Arkitektit të Kryeqytetit për nevojat e Komunës së Prishtinës” me nr. të prokurimit 616-22-7431-3-1-2, është publikuar me datën 21.07.2022. Pra aktiviteti ka filluar në korrik të vitit 2022 dhe ka përfunduar rreth 1 vit më pas apo më 27.06.2023 kur është nënshkruar kontrata, ndërsa kontrata e nënshkruar si e tillë përmes kësaj procedure aktualisht është në zbatim e sipër. Procedura si e tillë është zhvilluar në dy faza, ku kanë marrë pjesë gjithsej 6 tenderues (operatorë ekonomik ose grupe të operatorëve ekonomik). Gjatë aktivitetit të prokurimit janë shtjerrë të gjitha procedurat sipas mjeteve juridike në dispozicion. Mbi të gjitha kjo lëndë është trajtuar tri (3) herë nga OSHP dhe nënshkrimi i kontratës është manifestuar vetëm pas rikonfirmimit përmes vendimit të tretë të Panelit Shqyrtues në OSHP.

Sa i përket pretendimit se është nënshkruar kontratë me një operator ekonomik që nuk ka qenë i regjistruar në ARBK, duhet theksuar faktin që kontrata është nënshkruar me datë 27.06.2023 nga të dy palët kontraktuese dhe jo me datë 27.03.2023 sikurse është pretenduar. Kontrata është nënshkruar në tri kopje origjinale, por në njërën kopje të kontratës me rastin e nënshkrimit të kontratës, operatori ekonomik ka bërë gabim teknik ku në vend të numrit 6 ka shënuar numrin 3. Megjithatë ky gabim menjëherë është reviduar ndërsa data e nënshkrimit është evidentuar saktë (27.06.2023). Pra data e nënshkrimit të kontratës është 27.06.2023 dhe ky fakt është i pakontestueshëm për cilëndo palës me interes juridik. Data e nënshkrimit 27.06.2023 mund të konfirmohet edhe nga sistemi elektronik EPROKURIMI. Vlen të shtohet po ashtu se njoftimi për dhënie të kontratës është publikuar me datë 27.06.2023 ndërsa njoftimi për nënshkrim të kontratës është publikuar me datë 29.06.2023. Pra thjesht ka qenë e pamundur që të nënshkruhet kontrata në muajin mars 2023 sikurse pretendohet. Me këtë rast duhet kuptuar faktin që procedura e prokurimit zhvillohet hap pas hapi në përputhje me dispozitat ligjore në fuqi. Pra nuk mund të kalohet në hapin e radhës pa përmbushur me sukeses hapi paraprak. Gjithashtu, siç u tha më sipër, ky aktivitet është trajtuar tri (3) herë nga OSHP ku vendimi i parë nga OSHP është marrë me datë 02.02.2023, vendimi i dytë me datë 22.05.2023 ndërsa vendimi i tretë dhe i fundit me datë 26.06.2023 me ç’rast është mundësuar edhe nënshkrimi i kontratës me datë 27.06.2023.

Më tutje, grupi i operatorëve ekonomik të kontraktuar “Anarch Sh.P.K. & Ardi CC L.L.C.” kanë qenë të regjistruar kohë më parë. “Anarch” Sh.P.K. si anëtar i konsorciumit ekonomik është themeluar 17.10.2018 ndërsa anëtari tjetër i konsorciumit “Ardi CC” Sh.P.K. është themeluar me datë 29.04.2008. Pra, që të dy kompanitë kanë vite përvojë pune dhe nuk janë regjistruar tre muaj para nënshkrimit të kontratës siç pretendohet në shkrimet tendencioze. Pas shpalljes fitues në procesin e tenderimit, dy kompanitë kanë krijuar shoqërinë me përgjegjësi të kufizuar “Shërbimi i Arkitektit të Kryeqytetit” për zbatim të kontratës dhe këtë e kanë regjistruar në ARBK me 27.06.2023, si një subjekt i përbashkët për qëllime të zbatimit të kësaj kontrate. Edhe nga të dhënat publike të ARBK mund të konfirmohet se shoqëria e konsorciumit “Shërbimi i Arkitektit të Kryeqytetit” përbëhet nga dy operatorët ekonomik tenderues që janë “Anarch” Sh.P.K. dhe “Ardi CC” L.L.C.

Pra nuk qëndrojnë aspak pretendime sipas të cilave kinse është nënshkruar kontratë me një operator të paregjistruar në ARBK.

Bashkëngjitur do të gjeni disa kopje të dokumenteve që i faktojnë të dhënat e mësipërme, të cilat edhe janë në dispozicion publik në EPROKURIMI dhe në ARBK./Media Ndërtimi