Instituti për Ekonomi të Tregut të Lirë, ka dhënë disa rekomandime për rimëkëmbje të sektorit të pronave të palutjshme. Sipas tyre, këto masa të propozuara të paktën orientojnë drejt minimalizimit të dëmeve të shkaktuara, duke qenë se është e pamundur kompensimi i të gjitha këtyre dëmeve.
Ata kanë kërkuar që të bëhen lirime në tarifa të lejes së ndërtimit për projekte të reja. Të thjeshtëzohen dhe përshpejtohen procedurat e legalizimit, pranimit teknik dhe regjistrimit në kadastër të pronave sidomos apartamenteve, meqë sipas tyre ky aset është më i kërkuari. Kjo do të mundësonte që ky lloj i pronave të shiteshin më lehtë dhe më shpejt përmes kredive hipotekore.
Po ashtu, IETL ka rekomanduar, që të bëhen edhe programe për ndërtime të përbashkëta Publiko Private, banim i përballueshëm që do t’u ndihmonte blerësve, sidomos çifteve të reja dhe investitorëve.
Në këto lehtësime janë përfshirë edhe shtyrja e afatit të deklarimit të tatimit për bizneset që i përkasin sektorit të paluetjshmërisë, vazhdimin e masave për lirime nga tatimet dhe subvencionet, për punëtorë e biznese që i përkasin këtij sektori. E po ashtu, edhe subvencionimin e qirasë edhe në muajt e ardhshëm për qiramarrësit.
Në fazën e dytë të ndërhyrjes ky institut ka propozuar mbështetje për kompanitë ndërtimore dhe bizneset ndërlidhëse me këtë sektor, duke u i future ato në skemën e kredidhënies, një fond nga qeveria për ndihmë të klientëve privat, krijimi i një akti nënligjor për mbrotje të qiramarrësve, si dhe kërkimi i ndihmave shtesë nga organizatat ndërkombëtare financiare, edhe për fazat e mëvonshme.
“Meqenëse sektori i paluejtshmërisë ka rëndësi të madhe në ekonominë e Kosovës, në fazën e dytë të ndërhyrjes, t’i jap përparësi sektorit të paluetjshmërisë duke e përfshirë skemën e garantimit të kredive, dhe mbështetje të kredidhënies për investitor dhe kompanitë e ndërtimit, po ashtu edhe bizneseve ndërlidhëse me këtë sektor (agjensionet e paluejtshmërisë, vlerësuesit, arkitektët, gjeodetët, inxhinierët e ndërtimtarisë ejt.)
Ndihmesë me grante nga një fond garantues për paradhënie për kredi hipotekare aktuale, ku do ta subvenciononin për dy vitet e ardhshme kredi marrësin, në interesin aktual që e paguan klienti në institucionin financiar.
Të bëhet një akt nënligjor apo marrëveshje tripalëshe në mes: qiradhënësit, qiramarrësit dhe qeverisë qendrore me qëllim të mbrojtjes së qiramarrësit nga evokuimi prej pronës dhe limitimin e ngritjes së çmimit të qirasë për deri në stabilizimin e situatës së krijuar nga kriza e pandemisë COVID-19.
Banka Qendrore e Kosvës (BQK) dhe qeveria në bashkëpunim me bankat komerciale që veprojnë në Kosovë të gjejnë mundësinë edhe përmes organizatave ndërkombëtare finaciare (si p.sh: FMN,BB,BERZH,etj.),të ndihmojnë sektorin me financim shtesë edhe në fazat e mëvonshme” thuhet në rekomandimet IETL./Ndertimi.info
You must be logged in to post a comment Login