Aktuale

BQE: Ekonomia ka nevojë për dalje nga izolimi i pandemisë

Published

4 years ago

May 10, 2020

Presidentja e Bankës Qendrore Evropiane, Christine Lagarde, tha se nuk ka zgjidhje tjetër përveç të tejkalojë politikat konvencionale për të luftuar krizën e Coronavirusit.

Duke folur në një panel me anë të një videotakimi me shefen e Fondit Monetar Ndërkombëtar, Kristalina Georgieva, Lagarde tha se rrethanat aktuale janë “të jashtëzakonshme dhe po ashtu duhet të jenë edhe reagmet”, përcjell Telegrafi.

“Ne duhet të marrim të gjitha masat dhe politikat e mundshme për të qetësuar tronditjen, pasi ne kemi tashmë krizën më të pashembullt ekonomike në kohë paqeje”, deklaroi Lagarde.

Edhe Georgieva mbështeti mendimin se krijuesit e politikave duhet të përdorin gjithçka kanë në dorë për të tejkaluar recesionin.

“Mesazhi duhet të jetë për të gjithë. Më e mira që mund të bëjmë në një situatë si kjo është të mësojmë së bashku, të bashkëpunojmë sa më shumë që të jetë e mundur dhe ata që janë më të fortë bëjnë më shumë për ata që janë më të dobët”, theksoi Georgieva.

Por çfarë thonë ekonomistët? Sipas tyre bllokimi është faktori kritik që çon rënien në prodhimin botëror.

Në javët dhe muajt e ardhshëm, lehtësimi i kontrolleve të rrepta do të jetë thelbësor për të mundësuar fillimin e një rimëkëmbjeje.

Bankat qendrore kanë qenë në pararojë të mbështesin ekonomitë e tyre përballë pandemisë, e cila ka mbyllur bizneset dhe ka lënë miliona njerëz pa punë.

FMN parashikoi muajin e kaluar se recesioni i ashtuquajtur “Great Lockdown” mund të çojë në një tkurrje botërore prej 3 për qind brenva 2020-së dhe paralajmëroi se rimëkëmja e mëvonshme mund të rrezikohet nëse virusi vazhdon ose kthehet me një tjetër valë.

Georgieva vlerësoi përpjekjet e bankierëve qendrorë si Lagarde, duke thënë se veprimet e tyre i bëjnë përpjekjet e qeverisë të përballueshme.

“Ne kemi mjaft likuiditet dhe normat e interesit ka të ngjarë të qëndrojnë shumë, shumë të ulta. Ne mund ta trajtojmë këtë rritje të borxhit për ca kohë”, përfundoi ajo.

Aktuale

Inaugurohet zyra më e re e KAWA Group në qendër të Londrës

Published

12 mins ago

May 18, 2024

Ndertimi Media

Kompania e njohur ndërtimit KAWA Group sapo ka inauguruar zyrën në Mbretërinë e Bashkuar.

Përmes një ceremonie festive është hapur hapësira më e re e KAWA Group në qendër të Londrës, e cila do të bëj eksportin e shtëpive modulare, kabinave, kontejnerëve, përpunimin e kuzhinave, dyerve dritareve dhe gjithçka tjetër rreth produkteve të drurit e metalit.

https://www.facebook.com/profile.php?id=61554337212013

https://www.instagram.com/kawagroup.uk/

Këtë vit, KAWA do të shënoj vitin jubilar, 15 vjetorin e themelimit, ndërsa vazhdon të jetë liderë në tregun e ndërtimeve.

Përgjatë viteve, KAWA i ka shtuar gamës së gjerë të ndërtimeve, njësi tejet inovative të banimit dhe biznesit.

Pas zyrës së hapur në Londër, KAWA Group shumë shpejt pritet që rrjetin e operimit ta zgjeroj edhe në qendrat kryesore të Evropës./Media Ndërtimi

Aktuale

Përfaqësuesit e personave me nevoja të veçanta kërkojnë t’iu sigurohet transporti për punë

Published

23 hours ago

May 17, 2024

Ndertimi Media

Në Komisionin për Qeverisje Lokale, Administratë Publike, Zhvillim Rajonal dhe Media është mbajtur dëgjim publik për ndryshim plotësimin e Ligjit për zyrtarët publik. Kërkesa për votimin e këtij projektligji patën personat me aftësi të kufizuar, të cilët me anë të saj kërkojnë transport dhe mundësimi i punës online.

Përfaqësuesi i personave me aftësi të veçanta, Gentrit Zeqiri, është shprehur se mungesa e kushteve për transport po ua vështirëson krijimin e kushteve për punë të këtyre zyrtarëve.

“Propozimi i parë ka qenë sigurimi i transportit të zyrtarëve me nevoja të veçanta nga shtëpia në punë dhe anasjelltas dhe propozimi i dytë, është të ju lejohet zyrtarëve me aftësi të veçanta të punojnë edhe nga shtëpia së paku 3 ditë në javë. Sa i përket propozimit të parë është t’iu sigurohet transporti për shkak të mungesës së qasjes ku kemi shume raste, ankesa të këtyre zyrtarëve përkundër faktit që pranohen në shumë punë…për shkak të transportit ata detyrohen t’i lënë këto punë për shkak të vështirësive që kanë”, tha Zeqiri.

Për Zeqirin është e rëndësishme edhe mundësimi i punës online për këta zyrtarë, sipas tij kërkesa e këtij grupi është të mundësohet puna nga shtëpia së paku për tri ditë./Media Ndërtimi

Aktuale

Mbi 70 biznese promovohen në panairin “Pan Expo Group-Kosova 2024”

Published

1 day ago

May 17, 2024

Ndertimi Media

Është hapur Panairi i Përgjithshëm Ndërkombëtar “Pan Expo Group-Kosova 2024”, në Prishtina Mall, për herë të parë në Kosovë, ku po marrin pjesë mbi 70 biznese nga vendi, rajoni dhe më gjerë.

Qëllimi i këtij panairi është që kompanitë pjesëmarrëse të ndajnë eksperiencën e tyre me njëra- tjetrën, të mund të shpalosin ofertat e tyre, si dhe të tërheqin klientë dhe bashkëpunëtorë rinj.

Përveç kësaj, qëllim tjetër i këtij organizimi është promovimi i ndërmarrësisë, inovacionit si dhe edukimit të gjeneratave të reja për iniciativën e lirë në biznes.

Organizimi i këtij panairi u vlerësua shumë i rëndësishëm edhe nga vetë bizneset pjesëmarrëse, për çka edhe u shprehën të kënaqur me mundësinë e dhënë për të promovuar produktet dhe shërbimet e tyre.

Drejtoresha e “Pan Expo Group”, Elisa Stefa tha se pavarësisht sfidave të kaluara për organizmin e një panairi të tillë, është e kënaqur me pjesëmarrjen, kualitetin dhe cilësinë e bizneseve. Ajo tregoi se në këtë panair po marrin pjesë biznese nga Kosova, Shqipëria, Maqedonia e Veriut, Mali i Zi dhe vende të tjera jashtë rajonit.

Panairi “Pan Expo Group-Kosova 2024” do të jetë i hapur deri më datën 19 maj. Përgjatë ditëve të panairit do të ketë showroom-e, prezantime live, seminare, aktivitete dhe konferenca./Media Ndërtimi