Aktuale
Abdixhiku thotë se nuk fillojnë projektet e reja, pa përfunduar ato në proces
Ministri i Infrastrukturës, Lumir Abdixhiku ka thënë se nuk do të fillohet asnjë projekt i ri pa përfunduar ato që janë në proces, raporton Ndërtimi.info.
Abdixhiku këto deklarata i bëri gjatë inspektimit të punimeve në rrugën Besi – Podujevë.
“Prioritet do tu japim edhe projketeve tjera dhe të përfundojnë projektet e tanishme sa më shpejt të jetë e mundur. Ne nuk do të nisim asnjë projekt tjetër pa përfunduar në plotni këto projekte madhore kaq të rëndësishme që i ka Kosova”, u shpreh ai.
Në lidhje me rrugën Besi – Podujevë, ministri Abdixhiku deklaroi se është e papranueshme që banorët e kësaj ane kanë mbetur të neglizhuar.
“Për mua dhe Qeverinë e Kosovës përfundimi i rrugës në fjalë do të jetë prioritet e pa kontestueshëm. Me buxhetin e vitit 2020 do të ndajmë mjete shtesë për të vazhduar punimet me intensitet dhe dinamikë të re. Idea është rruga me katër korsi të përfundojë në Besi dhe më pas nga Besia të vazhdojë tutje deri në Bërnicë sepse ky qytet, kjo rrugë është ndër më të frekuentuarat që ka Kosova. Nga ministri i Punëve të Brendshme u njoftova se në këtë rrugë ka shumë aksidente. Është e papranueshme se si një qytet si Podujeva, banorët e kësaj ane kanë mbetur të neglizhuar në ndërlidhjen e një elementi paqësor të jetës”, tha ai.
Ndërkaq, zgjerimi i kësaj rruge kishte filluar në maj të vitit 2018 dhe kap vlerën 5 milionë euro. Rruga që lidh dy qytete Prishtinë dhe Pdujevën ishte planifikuar të përfundojë brenda 200 ditësh. /Ndërtimi.info/
-
Infrastrukturë2 days ago
Komuna e Prishtinës tejkalon vlerën e parashikuar, jep tenderin për ndërtimin e një rrugë kompanisë me ofertën 100 mijë euro me të shtrenjtë
-
Infrastrukturë2 days ago
Marriott nënshkruan mega marrëveshje me NEOM për të ndërtuar në Trojena
-
Infrastrukturë2 days ago
“Aksident i rëndë pune” në kantierin e ndërtimit të tunelit Fehmarnbelt në Gjermani
-
Infrastrukturë2 days ago
Këto janë dhjetë qytetet më të mira për këmbësorët
-
Auto1 day ago
Renault prezanton SUV-in e ri Symbioz
-
Aktuale2 days ago
Ligji i Punës të rikthehet në agjendën legjislative
-
Aktuale2 days ago
Industria e ndërtimit po bëhet gjithnjë e më e varur nga zgjidhjet e teknologjisë dixhitale
-
Infrastrukturë2 days ago
Vihet gurthemeli i Klinikave të Hemato-onkologjisë dhe Nefrologjisë