Aktuale

Banorët e Laçit të braktisur, kthehen në shtëpitë e dëmtuara

Published

4 years ago

February 9, 2020

Pasi qëndroi më shumë se 2 muaj e strehuar në një hotel në Shëngjin, Valdete Kodra, së bashku me familjen, është rikthyer në banesën e saj të shkatërruar nga tërmeti i 26 nëntorit, në qytetin e Laçit.

Pamundësia për të gjetur një vendstrehim tjetër, pasi nuk përfiton as bonus qiraje, e ka detyruar 50-vjeçaren që të vendoset në ambientet e ishkonviktit ku ka jetuar para tërmetit të nëntorit.

“Kam qëndruar më shumë se 2 muaj e strehuar në hotel ‘Rafaelo’, në Shëngjin, por prej aty na nxorën, pasi shteti e ndërpreu kontratën. Tani u riktheva sërish te banesa ku kam jetuar më parë, pasi nuk kisha zgjidhje tjetër. Shtëpinë e kam blerë 20 vite më parë, por nuk kam letra e për rrjedhojë më kanë thënë se nuk përfiton as bonusin e qirasë.

Në këto kushte, unë e kam të pamundur të gjej shtëpi me qira për t’u strehuar, pasi nuk kam të ardhura dhe së bashku me burrin e tre fëmijët jemi futur sërish te banesa ku kemi jetuar më parë. Godina është shpallur e pabanueshme dhe ka shumë rrezik. Kemi shumë frikë, por s’kemi ca bëjmë nuk kemi vend ku të qëndrojmë”, thotë Valdete Kodra. Në të njëjtën situatë është edhe Nikoll Kola, banor i ishkonviktit në qytetin e Laçit.

Ai ka qëndruar në vazhdimësi te banesa e shkatërruar nga tërmeti nga frika e vjedhjeve, ndërsa tani janë rikthyer edhe familjarët e tjerë, të cilët kanë qenë të strehuar në Shëngjin. Kola tregon se nuk ka letra për shtëpinë dhe në këto kushte i kanë thënë se nuk përfiton bonus, por as nga programi i rindërtimit. “Unë, në fakt, kam qëndruar gjatë gjithë kohës këtu në Laç, për shkak se kisha frikë se do më vidhnin shtëpinë. Familjarët e tjerë kanë qenë strehuar në Shëngjin, por që prej tri ditësh janë rikthyer, pasi i kanë nxjerr nga hoteli.

“Tani po qëndrojmë këtu te shtëpia e dëmtuar të gjithë. Jam interesuar për të aplikuar për bonusin e qirasë, por nuk më kanë pranuar, pasi më kanë kërkuar letrat e shtëpisë dhe unë nuk i kam. Jemi pa të ardhura dhe e kam të pamundur që të gjej vetë shtëpi me qira, për shkak se dhe çmimi është rritur. Një shtëpi në Laç kushton 200 mijë lekë, s’kam ku t’i gjej. Pallatin na e kanë shpallur të pabanueshëm dhe nuk na kanë thënë asnjë fjalë se çfarë do bëhet me ne”, thotë Kola.

HOTELET

Tre hotelet e Shëngjinit ku qëndronin të strehuar banorët e prekur nga tërmeti i 26-nëntorit janë boshatisur. Banoret e fundit që kishin ngelur në hotele janë larguar mëngjesin e së premtes, pasi Bashkitë e Lezhës, Kurbinit dhe Krujës i kanë ndërprerë kontratat me hotelet që prej fillimit të muajit shkurt dhe banorëve iu është kërkuar që të dilnin.

Pasi janë nxjerrë nga hotelet ku qëndronin të strehuar, një pjesë e banorëve të Kurbinit janë rikthyer në banesat e shkatërruara. Pamundësia për të gjetur strehim po i detyron ata që të rrezikojnë jetën, pasi thonë se nuk kanë zgjidhje tjetër.

“Mua më nxorën nga hoteli ditën e hënë. E kam përfituar bonusin 120 mijë lekë, por s’kam mundur të gjej shtëpi me qira me këtë çmim. Ka 1 muaj që kërkoj në të gjitha Kurbinin e Lezhën, por çmimet janë shumë të shtrenjta”, thotë një banore e fshatit Gjorm, në Kurbin.

Në Kurbin nuk ka përfunduar vlerësimi i ndërtesave të dëmtuara

Kur kanë kaluar 2 muaj nga tërmeti i 26-nëntorit, në Bashkinë e Kurbinit ende nuk ka përfunduar vlerësimi përfundimtar i objekteve të dëmtuara nga tërmeti, dhe në këto kushte, qindra banorë të kësaj zone ende nuk e dinë se çfarë do të bëhet me banesat e tyre. Numri i pallateve që u është vendosur shenja e kuqe, është 80, por deri tani, vetëm 7 prej tyre janë shembur, pasi për të tjerët pritet vlerësimi përfundimtar, i cili do të vendosë se çfarë do të bëhet me to.

Nga ana tjetër, janë një numër i konsiderueshëm familjesh që nuk kanë certifikata pronësie për shtëpitë e tyre, çka do të thotë se mund të rrezikojnë që të mos përfshihen në programin e rindërtimit. Në Bashkinë Kurbin, askush nuk di të japë informacion se çfarë do të bëhet me këto familje.

“Bonuset e qirave janë miratuar në Këshillin Bashkiak dhe një pjesë më e madhe ka kaluar nëpër llogaritë bankare të familjeve të prekura nga tërmeti i datës 26 nëntor, teksa pjesa tjetër po kalon nëpërmjet thesarit dhe nuk ka shumë vonesë. Për sa u përket familjeve që nuk kanë dokumente për shtëpitë, presim vendimet e qeverisë se çfarë do të bëhet me to”, thotë një zyrtar i Bashkisë Kurbin.

Aktuale

Publikohet platforma digjitale për historinë e Prishtinës

Published

22 hours ago

May 16, 2024

Ndertimi Media

Historia qindravjeçare e Prishtinës tash e tutje do të mund të njihet edhe përmes platformës digjitale “Prishtina në histori”.

E krijuar nga “Trembelat”, kjo platformë prezanton qindra dokumente origjinale për Prishtinën, që nga shekulli i 13-të.

Përmes një komunikate për media, “Trembelat” kanë bërë të ditur se platforma digjitale (qerthulli) “Prishtina në histori” përmbledh një grumbull digjital të teksteve, hartave, gravurave, fotografive dhe punimeve rreth historisë së qytetit të Prishtinës që kapin kohën prej fundit të shekullit 13-të deri në vitete e para të shekullit 20-të.

Në Arkivin e Prishtinës, pjesë e Komunës së Prishtinës, rishtazi janë sjellë rreth 38,598 dokumente osmane, të cilat dokumentojnë historinë e Prishtinës prej shekullit të 15-të deri në shekullin 20-të, shumica prej tyre, siç thuhet në komunikatë janë krejt të pastudiuara dhe të panjohura për publikun.

Në anën tjetër, po sipas komunikatës, shumë studime të cilat janë bërë bazuar në arkivat e Romës, Venedikut dhe Dubrovnikut mbesin në sirtarë të bibliotekave dhe njihen vetëm prej një grupi të vogël specialistësh.

“Këto të dhëna, por dhe të tjera që kanë të bëjnë me të kaluarën e Prishtinë, nga arkiva, biblioteka e koleksione janë mbledhur dhe do të vazhdojnë të mblidhen në fazat e tjera të këtij projekti (Prishtina në histori)”- thuhet në komunikatën e ‘Trembelave”.

Po siaps komunikatës, në mesin e materialeve të botuara janë edhe rreth 100 dokumente origjinale të përkthyera, si shtesë për tekstet e shkruara enkas, e artikuj të rëndësishëm nga e kaluara që meritojnë të lexohen më gjerësisht, pjesa më e madhe e tyre, sic thuhet më tej në komunikatë, janë botuar në këtë fazë fillestare.

Platforma është iniciativë e “Trembelave” me siglën botuese “Varg” e mbështetur financiarisht nga Komuna e Prishtinës, në partneritet të ngushtë edhe me Arkivin e Prishtinës, të cilët edhe kanë mundësuar qasjen në dokumentet nga arkivat osmane, që në vitin 2018 janë sjellë në kopje digjitale te ky arkiv./Media Ndërtimi

Aktuale

Asociacioni i Arkitektëve të Kosovës organizon kuvendin zgjedhor

Published

2 days ago

May 15, 2024

Ndertimi Media

Të nderuar anëtarë të Asociacionit të Arkitektëve të Kosovës, duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 26, të Statutit të Asociacionit të Arkitektëve të Kosovës, të vitit 2022, shpallë Zgjedhjet e rregullta për Kryetarin e a-a-k.

KUVENDI ZGJEDHOR i a-a-k, do të mbahet:

Datë: 23.05.2024 (E Enjte)

Ora: 17:00 h

Vendi: MODELARIUMI në Fakultetin e Arkitekturës në UP-ë.

Ftohen, të gjithë anëtarët e Asociacionit të Arkitëktëve të Kosovës që të marrin pjesë në kuvendin zgjedhor, dhe në frymën e konkurencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 32, të Statutit./Media Ndërtimi

Aktuale

“Reagim ndaj shkrimeve të pasakta dhe tendecioze rreth nënshkrimit të kontratës me Arkitektin e Qytetit”

Published

3 days ago

May 14, 2024

Ndertimi Media

Komuna e Prishtinës ka reaguar ndaj shkrimeve rreth nënshkrimit të kontratës me Arkitektin e Qytetit”

Me datën 13 maj 2024 është publikuar një shkrim me titull “Tre muaj para se të regjistrohej në ARBK, kompania Shërbimi i Arkitektit të Kryeqytetit nënshkroi kontratën me Komunën e Prishtinës” nga një prej portaleve lokale, dhe po të njëjtat informata të pasakta e tendencioze janë shpërnda nga eksponentë politik të caktuar.

Kryeqyteti informon qytetarët se ky artikull dhe shkrimet pasuese janë të pasakta dhe se:

Konsorciumi i kompanive fituese kanë qenë të regjistruara pranë ARBK shumë kohë më parë
Procesi i tenderimit të Shërbimit të Arkitektit të Kryeqytetit është vlerësuar tri (3) herë nga OSHP, si proces i rregullt dhe në përputhje me ligjin.
Procesi i tenderimit është zhvillu përmes sistemit elektronik “EPROKURIMI” dhe të gjitha të dhënat digjitale janë në dispozicion për të vërtetuar rregullsinë e procesit

Më poshtë është shpjeguar në hollësi procesi.

Aktiviteti i prokurimit me titull “Konsulencë për themelimin e Shërbimit të Arkitektit të Kryeqytetit për nevojat e Komunës së Prishtinës” me nr. të prokurimit 616-22-7431-3-1-2, është publikuar me datën 21.07.2022. Pra aktiviteti ka filluar në korrik të vitit 2022 dhe ka përfunduar rreth 1 vit më pas apo më 27.06.2023 kur është nënshkruar kontrata, ndërsa kontrata e nënshkruar si e tillë përmes kësaj procedure aktualisht është në zbatim e sipër. Procedura si e tillë është zhvilluar në dy faza, ku kanë marrë pjesë gjithsej 6 tenderues (operatorë ekonomik ose grupe të operatorëve ekonomik). Gjatë aktivitetit të prokurimit janë shtjerrë të gjitha procedurat sipas mjeteve juridike në dispozicion. Mbi të gjitha kjo lëndë është trajtuar tri (3) herë nga OSHP dhe nënshkrimi i kontratës është manifestuar vetëm pas rikonfirmimit përmes vendimit të tretë të Panelit Shqyrtues në OSHP.

Sa i përket pretendimit se është nënshkruar kontratë me një operator ekonomik që nuk ka qenë i regjistruar në ARBK, duhet theksuar faktin që kontrata është nënshkruar me datë 27.06.2023 nga të dy palët kontraktuese dhe jo me datë 27.03.2023 sikurse është pretenduar. Kontrata është nënshkruar në tri kopje origjinale, por në njërën kopje të kontratës me rastin e nënshkrimit të kontratës, operatori ekonomik ka bërë gabim teknik ku në vend të numrit 6 ka shënuar numrin 3. Megjithatë ky gabim menjëherë është reviduar ndërsa data e nënshkrimit është evidentuar saktë (27.06.2023). Pra data e nënshkrimit të kontratës është 27.06.2023 dhe ky fakt është i pakontestueshëm për cilëndo palës me interes juridik. Data e nënshkrimit 27.06.2023 mund të konfirmohet edhe nga sistemi elektronik EPROKURIMI. Vlen të shtohet po ashtu se njoftimi për dhënie të kontratës është publikuar me datë 27.06.2023 ndërsa njoftimi për nënshkrim të kontratës është publikuar me datë 29.06.2023. Pra thjesht ka qenë e pamundur që të nënshkruhet kontrata në muajin mars 2023 sikurse pretendohet. Me këtë rast duhet kuptuar faktin që procedura e prokurimit zhvillohet hap pas hapi në përputhje me dispozitat ligjore në fuqi. Pra nuk mund të kalohet në hapin e radhës pa përmbushur me sukeses hapi paraprak. Gjithashtu, siç u tha më sipër, ky aktivitet është trajtuar tri (3) herë nga OSHP ku vendimi i parë nga OSHP është marrë me datë 02.02.2023, vendimi i dytë me datë 22.05.2023 ndërsa vendimi i tretë dhe i fundit me datë 26.06.2023 me ç’rast është mundësuar edhe nënshkrimi i kontratës me datë 27.06.2023.

Më tutje, grupi i operatorëve ekonomik të kontraktuar “Anarch Sh.P.K. & Ardi CC L.L.C.” kanë qenë të regjistruar kohë më parë. “Anarch” Sh.P.K. si anëtar i konsorciumit ekonomik është themeluar 17.10.2018 ndërsa anëtari tjetër i konsorciumit “Ardi CC” Sh.P.K. është themeluar me datë 29.04.2008. Pra, që të dy kompanitë kanë vite përvojë pune dhe nuk janë regjistruar tre muaj para nënshkrimit të kontratës siç pretendohet në shkrimet tendencioze. Pas shpalljes fitues në procesin e tenderimit, dy kompanitë kanë krijuar shoqërinë me përgjegjësi të kufizuar “Shërbimi i Arkitektit të Kryeqytetit” për zbatim të kontratës dhe këtë e kanë regjistruar në ARBK me 27.06.2023, si një subjekt i përbashkët për qëllime të zbatimit të kësaj kontrate. Edhe nga të dhënat publike të ARBK mund të konfirmohet se shoqëria e konsorciumit “Shërbimi i Arkitektit të Kryeqytetit” përbëhet nga dy operatorët ekonomik tenderues që janë “Anarch” Sh.P.K. dhe “Ardi CC” L.L.C.

Pra nuk qëndrojnë aspak pretendime sipas të cilave kinse është nënshkruar kontratë me një operator të paregjistruar në ARBK.

Bashkëngjitur do të gjeni disa kopje të dokumenteve që i faktojnë të dhënat e mësipërme, të cilat edhe janë në dispozicion publik në EPROKURIMI dhe në ARBK./Media Ndërtimi