Aktuale
Opozita në Shtime kritikon Komisionin e prokurimit për mungesë të transparencës
Subjektet opozitare, Lidhja Demokratike e Kosovës dhe Lëvizja Vetëvendosje, dega në Shtime kanë kërkuar nga komuna, pikërisht nga komisioni i prokurimit të jenë më transparentë gjatë procedurave tenderuese për projekte kapitale.
Sipas opozitës, është shqetësuese se si kompania “Ardhmëria” në Shtime, gjatë vjetëve të fundit, ka marrë shumicën e tenderëve për projekte kapitale, ndërkohë punimet në terren po realizohen nga nënkontraktorë të tjerë, raporton Koha Ditore.
Rreth kësaj çështjeje është debatuar edhe në mbledhjen e fundit të KK-së pak ditë më parë derisa kuvendarët kërkuan llogaridhënie nga komuna rreth shpenzimit të parasë publike. Në anën tjetër, në Komunën e Shtimes kanë thënë se çdo procedurë tenderuese është transparente dhe çdoherë projektet fitohen nga kompanitë me çmime më të lira.
Ndërkaq, sa i përket kompanisë “Ardhmëria”, zyrtarët komunalë në Shtime kanë sqaruar se gjithmonë ka qenë më i liri nëpër tenderë, pasi që ndoshta ka ndikuar se kjo kompani i ka të gjitha mjetet për punë, madje i ka edhe produktet e veta për projekte të ndryshme.
Naim Zejna, shef i grupit të këshilltarëve në KK të Shtimes nga radhët e LDK-së, ka thënë se komisioni për dhënien e tenderëve në Komunën e Shtimes duhet të jetë më transparent dhe apolitik, pasi që shumë kompani konkurrojnë për tenderë të ndryshëm, mirëpo asnjëherë nuk mund të përfitojnë ndonjë punë.
“Kjo çështje është debatuar edhe në mbledhjen e fundit, mirëpo edhe për ne si LDK, është shqetësuese se si kjo kompani po arrin për çdo vit t’i marrë shumicën e tenderëve për projekte kapitale. Ndërkohë, punimet në terren po kontraktohen sërish, pastaj punimet nuk po realizohen me cilësi standarde etj. Ne kërkojmë nga komuna të jetë sa më transparente kur bëhet fjalë shpenzimi i parasë publike, sepse shumë kompani të tjera po ankohen se nuk po mund të marrin asnjëherë ndonjë punë nga komuna”, ka thënë Zejna.
Besnik Seferi, këshilltar në KK të Shtimes nga radhët e Lëvizjes Vetëvendosje, ka thënë se gjatë katër vjetëve të fundit, kompania “Ardhmëria” ka përfituar gjithsejtë 44 tenderë nga Komuna e Shtimes në vlerë prej 2 milionë e 667 mijë eurosh.
Aktuale
Përfaqësuesit e personave me nevoja të veçanta kërkojnë t’iu sigurohet transporti për punë
Aktuale
Mbi 70 biznese promovohen në panairin “Pan Expo Group-Kosova 2024”
Aktuale
Ish-drejtori i Njësisë së Auditimit në Ministrinë e Infrastrukturës akuzohet se bëri raport në favor të “Sallahu” SH.P.K
-
Infrastrukturë3 days ago
“Pse duhet medoemos me u realizue ndertimi i nënkalimit n’rrugën Agim Ramadani?”
-
Infrastrukturë18 hours ago
KAWA Group, zyrtarisht do të operoj edhe në kryeqytetin britanik
-
Aktuale3 days ago
Asociacioni i Arkitektëve të Kosovës organizon kuvendin zgjedhor
-
Infrastrukturë2 days ago
Diskutohet metodat për ndërtimin e digës së Pollatës në Podujevë
-
Infrastrukturë2 days ago
Zbulohet një metodë më racionale e prodhimit të hidrogjenit si një alternativë ndaj benzinës dhe naftës!
-
Infrastrukturë3 days ago
Nis rehabilitimi i shtresave asfaltike ne aksin Tirane-Durres
-
Infrastrukturë2 days ago
SHAK: Zgjidhja e problematikave dhe rimendimi i qytetit, angazhim për të ardhmen
-
Aktuale2 days ago
Publikohet platforma digjitale për historinë e Prishtinës