Që të dy këto monumente, janë simbole të trashëgimisë kulturore e vjetërsisë që ka qyteti i Vushtrrisë, raporton emisioni SOT në KTV.

Edhe kjo urë, sikurse disa monumente të tjera në Kosovë, është bërë e njohur në saje të shumë legjendave për të.

Madje, sipas disa gojëdhënave, thuhet se ura ka një histori të ngjashme me atë të Kalasë së Rozafatit.

“Thuhet kjo urë është ndërtuar nga perandoria osmane, disa burime thonë se ka qenë edhe nga perandoria romake, por më shumë flasin se ka qenë nga perandoria romake. Ka gojëdhëna që thuhet se grimcat e gurëve të urës janë marrë dhe nënat që nuk kanë pas qumësht janë shëruar me prijën e tyre. Pastaj, thuhet se me prijën e tyre është bërë edhe shërimi I syve. Gjithashtu, thuhet se kur janë martu njerëzit kanë dal kanë vallëzuar te ura dhe sipas gojëdhënave ajo familja do të jetojë e lumtur”, ka thënë Fahri Pllana.

Vjetërisa e kësaj ure mbetet e padiskutueshme, sipas historianëve.

Galip Avdiu ka disa vite prej se është mësimdhënës i Historisë në një nga shkollat e qytetit, ku ndër të tjera prioritet i jep njohjes me historinë e vendit.

Ai thotë se Ura e Vjetër e Gurit, ka qenë urë lidhëse mes zonave përreth.

Nisur nga fusha së cilës i përkasin, historianët thonë se mundohen të hedhin dritë mbi teoritë e shumta që qarkullojnë sa i përket ndërtuesve të parë të kësaj ure.

Ndër ta edhe Izet Miftari, i cili fokus i jep ndërtimit arkitektonik të Urës si dhe ndërhyrjeve të kohëpaskohshme të bëra në të.

Fotografitë e shumta të Urës së Gurit të Vicianumit të dikurshëm e Vushtrrisë sotme, paraqesin dëshmi të ndërtimit të saj të hershëm.

Fotografitë vënë në pah edhe dallimin struktural të ndërtimit që ka kjo urë karshi urave të tjera në vend.