Ndërtim
Kapën tre persona që regjistronin prona pa dokumentacion
Kontrolli i Lartë i Shtetit (KLSH) në Shqipëri njofton në Prokurori 2 ish-regjistrues dhe 1 specialist/ hartograf të ZVRPP Kolonjë për shpërdorim detyre. Të kallëzuarit janë TH.GJ dhe A.D, me detyrë ish-Regjistrues dhe A.M hartograf.
KLSH bën me dije se janë regjistruar prona pa dokumentacion (në ndarje jo sipas ligjit) me sipërfaqe 14091 ha, regjistruar prona nga transferimi me diferencë prej 145036 m2 nga VKM dhe regjistruar prona në përdorim (të okupuara forcërisht) në kundërshtim me ligjin për sipërfaqe 201711 m2 pa njoftuar organet kompetente duke kthyer në disa raste dhe zërin kadastral “Rezervuar, rrugë, etj., për sipërfaqe 96665 m2. Janë kryer regjistrime, duke i tjetërsuar në kundërshtim me ligjin tek persona privat nga forma “shtet” një sipërfaqe tokë bujqësore prej 99665 m2.
Kontrolli i Lartë të Shtetit, në zbatim të programit të tij të auditimit nr. 284/1, datë 15.03.2017, ka përfunduar auditimin në Zyrën Vendore të Regjistrimit të Pasurive të Paluajtshme, Kolonjë, me objekt:“Auditimi i zbatimit të ligjshmërisë dhe rregullshmërisë financiare për vitin 2014-2016”.
Me Vendimin nr. 74, datë 30.06.2017 të Kryetarit të KLSH-së është miratuar Raporti Përfundimtar i Auditimit dhe për përmirësimin e gjendjes, me shkresën nr. 284/3 datë 04.07.2017, i janë rekomanduar Zyrës Vendore të Regjistrimit të Pasurive të Paluajtshme, Kolonjë, masa me karakter organizativ, teknik(kufizimin e pasurive të trajtuar në këtë auditim) me qëllim parandalimin e veprimeve të kundërligjshme në transaksionet me pronat.
Nga ky auditim, u konstatuan një sërë shkeljesh dhe parregullsi të dispozitave ligjore në fuqi, duke cenuar interesin publik e që konsistojnë në regjistrime e tjetërsime të pronave nga shteti në persona privat e grup personash në mënyrë të paligjshme, për të cilat KLSH ka kryer kallëzim penal në Prokurorinë e Rrethit Gjyqësor Korçë, për : TH. GJ dhe A.D, me detyrë ish-Regjistrues dhe A.M me detyrë Specialist/ Hartograf, për konsumim të elementëve të veprës penale të “Shpërdorimit të detyrës”, neni 248 i Kodit Penal, për shkeljet:
– Në 17 raste për sipërfaqe 14 091 ha, ( nga kjo: 6 raste pyjesh sip. 5277 ha, 8 raste kullota sip. 3196 ha, 2 raste tokë pa fryt sip. 39 ha dhe një rast tokë arë 579 ha,) kanë regjistruar në hipotekë pasuritë e paluajtshme në bashkëpronësi në % takuese për secilin trashëgimtar përfitues, pasi nga ana e KKKP ish-pronarëve vendimet janë marrë në bazë fshati duke futur pasuri si rrugë, liqene, toka pa fryt, etj., që nuk janë objekt i kthimit të pronës si dhe nuk janë të shoqëruara me plan rilevimi. Regjistrimet janë bërë në hipotekë dhe për këto vendime në asnjë rast, nuk është kërkuar ligjshmëria e tyre në AKKP, si dhe të kërkohej nga Avokatura e Shtetit nëse këto vendime nuk ndodhen në procese gjyqësore. Këto veprime janë në papajtueshmëri me pikën 10.6, Kreu i II të Rregullores nr. 184, datë 08.04.1999 “Për punën e zyrës së regjistrimit të pasurive të paluajtshme”, të ndryshuar.
– Në 9 raste ZVRPP Kolonjë ka regjistruar në hipotekë kontrata koncensionare të lidhura nga Ministria e Ekonomisë dhe Energjetikës dhe shoqërive private , pa përcaktuar zonën kadastrale, numrat e pasurive që ky investim do të ndërtohet, sipërfaqen që do të zërë, statusin juridik të pronës mbi të cilën shtrihet investimi, mënyrën e marrëdhënieve që do të krijohen me pronarët e pronave që prekin këto objekte, si dhe nuk kanë marrë leje ndërtimi nga organet kompetente mbi 6 vjet.
-Në regjistrimin e pronave të transferuara me VKM nr. 1108, datë 30.12.2015 “Për transferimin, nga MBZHU tek Bashkia, të infrastrukturës së ujitjes dhe kullimit, të personelit dhe të aseteve të luajtshme e të paluajtshme të bordeve rajonale të kullimit”, për Bashkinë Ersekë janë kaluar 51 burime ujore si rezervuar kanale ujitëse dhe stacione pompimi janë regjistruar vetëm 4 rezervuarë dhe nuk është kryer asnjë veprim për regjistrimin e 41 rezervarëve të tjerë, si dhe kanalet dhe stacionet e pompimit, si dhe regjistruar në tre raste sipërfaqe më tepër + 126543 m2 dhe regjistruar më pak në një rast -18493 m2
Në 131 raste për sipërfaqen 201711 m2 e cila rezulton se është okupuar nga qytetaret të ndryshëm në 4 fshatra( Blush për 29 rast me sipërfaqe 25101 m2;Rehovë për 16 raste, sip. 8199 m2; Bloshanj për 19 raste sip 53901 m2 dhe në fshatin Luaras për 67 raste me një sipërfaqe 114510 m2).
– Në 88 raste, sipas dokumentacionit të administruar janë regjistruar pasuri të llojit “Tokë Bujqësore” me pronar “Shtet” për sipërfaqen 220187 m2 , e cila rezulton se” është okupuar nga qytetaret e lartpërmendur. Gjithashtu, konstatohet se në 11 raste se personat “ pronarë” okupues, janë trajtuar edhe sipas ligjit nr. 7501, datё 19.08.1991 “Për tokën bujqësore”. Nga verifikimi rezulton se këto persona kanë përfituar në bazë të ligjit nr. 7501, datё 19.08.1991 “Për tokën bujqësore”. Me këta qytetarë nuk ka asnjë veprim komunikues nga institucionet përkatëse poseduese tё pronave, pasi pasuri e Bashkisë Ersekë(ose ish komunave).
– Në 2 rast, është regjistruar në emër të qytetarit R.P objektit “Pikë shitje Karburanti” pasuria nr. me sipërfaqe 1400 m2 truall, dhe ndërtesë 8,75 m2, dhe qytetarit S.R me sipërfaqe 500 m2, me emërtim truall, dhe 293 m2 ndërtesë për të cilat mungojnë dokumentet tekniko ligjor sipas ligjit.
Sa me sipër rezulton se mos dhënia me qira ka patur efekte financiare, pasi duhej llogaritur qerase së papaguar nga subjektet vetëm për periudhën 3 vjeçare nën auditim 01.01.2014 deri më 31.12.2016, (pra 36 muaj), sipas nenit 14 të ligjit nr. 8318/1998, i ndryshuar.
-Në 1 rast, është bërë pranimi i dokumentacionit, për regjistrimin e pasurisë sё paluajtshme me nr. 4003, e llojit truall me sipërfaqe 14000 m2 dhe sipёrfaqe ndёrtese 996 m2 e ndodhur nё Kolonjё Leskovik, nё pronёsi tё subjektit “C…..shpk”, për regjistrimin e objektit për të cilën mungon dokumentacioni i kërkuar nga ligji.
– Në një rast kanë regjistruar pasurinë e paluajtshme nr. 240 përfituar sipas lejes zhvillimore komplekse dhe kontratës koncesionare në kushtet kur mungojnë “Leja e përdorimit” akti i lejimit të përdorimit dhe/ose zënies së tokës apo strukturës së zhvilluar, për të cilin është kryer punimi, “aktet e kontrollit” të cilat vërtetojnë realizimin e punimeve, në përputhje me kushtet e lejes, sipas fazave të përcaktuara në rregulloret e kontrollit të zhvillimit , “Oponenca teknike” për projektet e ndërtimit të objekteve do të bëhet për të gjitha llojet e ndërtimeve, me vlerë të preventuar së paku 100 milionë lekë, nga institutet shtetërore ose ente të tjera, të përcaktuara nga ministria që mbulon veprimtarinë e ndërtimeve. projektin dhe kushtet urbanistike të miratuara, etj.
-Në dy raste në regjistrimin e pasurisë së paluajtshme përveç tarifës së regjistrimit, për çdo ditë vonesë, nuk kanë aplikuar kamatëvonesë, në shumën 600 mijë lekë e cila përbën shkelje të disiplinës financiare me dëm ekonomik për buxhetin e shtetit. Veprime këto në papajtueshmëri me neni 39 të ligjit nr. 33, datë 29.04.2012 “Për regjistrimin e pasurive të paluajtshme”.
-Në një rast, ka kryer regjistrimin e pasurisë së paluajtshme nr. 745, rezervuar me sipërfaqe 253.580 m2, përfituar sipas VKM nr. 1157, datë 25.11.2009, me dokumente fotokopje.
Në 185 raste me sipërfaqe totale 99 665 m2, kanë regjistruar pasuritë në seksionin (C) të kartelës pronar i pa vërtetuar dhe seksionin (D) të kartelës në posedim me emrat respektivë posedues, për të cilët nuk posedohet dokumentacion në kuptim të nenit 193 te Kodit.
KLSH, duke i konsideruar të paligjshme veprimet e kryera nga drejtuesit dhe specialistët e Zyrës Vendore të Regjistrimit të Pasurive të Paluajtshme Kolonjë, konkretisht, TH.GJ dhe A.D, me detyrë ish-Regjistrues dhe A.M, me detyrë hartograf, të cilët në mospërmbushje të detyrës së tyre funksionale dhe në shkelje të ligjit nr. 33, datë 21.03.2012 “Për regjistrimin e pasurive të paluajtshme” dhe akteve të tjera nënligjore dalë në zbatim të tij, kanë konsumuar elementët e veprës penale të “Shpërdorimit të detyrës”, të parashikuar nga neni 248 i Kodit Penal, ka kryer kallëzim penal për shpërdorim detyre duke i përcjellë me shkresën nr. 284/9, datë 20.07.2017, pranë Prokurorisë së Rrethit Gjyqësor Korçë, për shkelje të ligjit në regjistrimet e paligjshme të pronave, tjetërsimin e tyre në kundërshtim me ligjin, etj.,duke dërguar të gjitha provat dhe dokumentet përkatëse.
Ndërtim
Arabia Saudite ndërton një tjetër park të madh ujor në qytetin Qiddiya
Fondi sovran i pasurisë së Arabisë Saudite ka njoftuar ndërtimin e një parku të dytë të madh tematik ujor për qytetin Qiddiya në jugperëndim të Riadit.
Parku Aquarabia do të ketë 22 udhëtime dhe përvoja miqësore për familjen, me bazë uji. Ai mbështetet nga Kompania e Investimeve të Qytetit Qiddiya (QIC), e cila është në pronësi të Fondit të Investimeve Publike të Arabisë Saudite (PIF).
PIF tha se parku i ri ujor do të ishte më i madhi në rajon dhe do të plotësonte Qytetin Six Flags Qiddiya prej 1 miliard dollarësh, parkun kryesor të qytetit dhe parkun e parë Six Flags që do të projektohet dhe ndërtohet jashtë Amerikës së Veriut. Kontraktorët e Përgjithshëm Almabani të Arabisë Saudite dhe Bouygues i Francës nënshkruan një marrëveshje për të ndërtuar atë park tematik ujor, i cili mbulon një sipërfaqe prej 320,000 m2, në vitin 2021.
Uji i ricikluar do të përdoret në ujitjen dhe ftohjen e Aquarabia, ndërsa PIF premtoi se mbetjet e ujit do të “uleshin deri në 90%”.
Të dy parqet janë në ndërtim dhe janë caktuar për t’u përfunduar në vitin 2025, me një datë hapjeje ende për t’u komunikuar.
Qyteti Qiddiya do të shfaqë disa atraksione argëtuese, sportive dhe kulturore, duke përfshirë një zonë lojrash dhe e-sportesh, stadiumin Mohammed bin Salman me shumë sporte, një pistë sportive motorike dhe parkun tematik të shpallur së fundmi Dragon Ball.
Argëtimi, koha e lirë dhe sportet janë një nga 13 sektorët strategjikë të PIF për investime, në përputhje me Vizionin 2030 të Arabisë Saudite, i cili synon të diversifikojë ekonominë e Mbretërisë së pasur me naftë./Media Ndërtimi
Ndërtim
Kompanitë e ndërtimit shohin përfitime në efikasitet për shkak të dimrave të butë?
Në gjithë globin, ciklet rajonale të dimrit shihen si periudha në rënie për produktivitetin e ndërtimit, por një raport i ri nga institucioni financiar holandez ING sugjeroi se tregu evropian ka rritur efikasitetin mes stinëve të ftohtë.
“Moti më i ngrohtë i dimrit do të thotë që kontraktorët evropianë të ndërtimit po përjetojnë më pak ndërprerje të biznesit ndërsa klima jonë ngrohet,” tha ekonomisti i lartë i ING Maurice van Sante në raportin e titulluar Kompanitë e ndërtimit shohin përfitime në efikasitet për shkak të dimrave më të butë.
Duke ofruar të dhëna të përpiluara nga ING Research, NASA dhe Our World in Data, van Sante vuri në dukje se anomalitë e temperaturës në hemisferën veriore arritën lartësi rreth dy gradë (Celsius) më të larta, mesatarisht, se në 1985.
“Ne donim të shihnim nëse temperaturat në rritje kanë pasur tashmë një ndikim të matshëm në ciklet vjetore të prodhimit të kompanive evropiane të ndërtimit,” tha Van Sante, duke vënë në dukje se dy tregues janë përdorur në matje:
Pjesa e kompanive që përmendin nivelet e tyre të prodhimit ishte e kufizuar gjatë periudhave të dimrit (janar dhe shkurt) dhe verës (korrik dhe gusht) për shkak të kushteve të motit.
Ndryshimi i vëllimeve aktuale të ndërtimit në këto periudha
Ajo që gjeti studimi ishte një reduktim me më shumë se 30% i kontraktorëve të BE-së, gjatë tre dekadave të fundit, të cilët thanë se aktivitetet e tyre ishin të kufizuara për shkak të motit të keq nga janari në shkurt.
Vera me vapë mbytëse nuk është problem për ndërtimin evropian!
Gjersa fitimet në produktivitet në dimër mund të shihen si pozitive, temperaturat në rritje globale – në përgjithësi – nuk janë.
Megjithatë, van Sante tha se një humbje reciproke e produktivitetit në verë (nga nxehtësia ose moti ekstrem) thjesht nuk po ndodh në një mënyrë të matshme.
Megjithatë, ai vuri në dukje se nivelet rekord në verë po rrisin shpeshtësinë e ditëve të punës të anuluara.
Përderisa mund të duket sikur se një planet në ngrohje ka krijuar një mjedis ideal për aktivitetet e ndërtimit në disa seksione të Hemisferës Veriore, van Sante paralajmëroi në raportin e tij se këto ndryshime janë ‘diamante’ në atë që është bërë një mjedis gjithnjë e më i ashpër./Media Ndërtimi
Ndërtim
Rritja e shitjeve në sektorin e ndërtimit u frenua në vitin 2023
Pas rritjes dyshifrore në vitin 2022, ritmet e shitjeve në volum në sektorin e ndërtimit janë frenuar disi në vitin 2023, sipas të dhënave që INSTAT ka grumbulluar te kompanitë e ndërtimit.
Zakonisht në 3-mujorin e fundit të çdo viti ka një rritje të shitjeve në banesa, për shkak të blerjeve që bëjnë kryesisht emigrantët në këtë periudhë (shiko grafikun bashkëngjitur).
Në 3-mujorin e fundit të 2023, volumi i shitjeve në ndërtim u rrit me vetëm 1% nga 16.1% që ishte rritja në tremujorin e fundit 2022.
Gjatë gjithë tremujorëve të 2023, ritmet e rritjes së shitjeve në volum ishin më të ulëta se më 2022.
P.sh. në tremujorin e dytë 2023, volumi i shitjeve u rrit me vetëm 0.2%, në tremujorin e dytë rritja ishte me 5.2% nga 11.5% në të njëjtën periudhë të vitit 2022, shkruan Monitor.al
Me gjithë frenimin e ritmeve të rritjes, volumet e ndërtimit dhe shitjeve po rriten në sektorin e ndërtimit, edhe pse treguesit demografikë dhe inflacioni i lartë nuk po e frenojnë këtë trend si në Europë.
Tregu i pasurive të paluajtshme në Europë është në një fazë stanacioni nga rënia e kërkesës, teksa lufta në Ukrainë ka krijuar një efekt psikologjik negativ për investime në pasuri të paluajtshme.
Pavarësisht ngadalësimit, ndërtuesit vendas mbeten optimistë. Pas një rënie me 8 pikë në janar 2024, treguesi i besimit në ndërtim që matet nga Banka e Shqipërisë u rrit me 6.8 pikë përqindje në muajin shkurt. Ky tregues qëndron rreth 25 pikë përqindje mbi mesataren afatgjatë.
Rritja këtë muaj u përcaktua kryesisht nga vlerësimet më të mira për aktivitetin aktual ndërtues. Paralelisht me të, pritjet për punësimin dhe ato për çmimet në të ardhmen janë në rritje. Nga ana tjetër indeksi i besimit konsumator u rrit në disvarfor të blerjeve të mëdha në dy muajt e parë të vitit 2024.
Sektori i ndërtimit pësoi një rritje të vrullshme pas vitit 2016, kryesisht në sektorin e banesave. Rritja e lejeve në rekorde historike dhe sipërfaqes në ndërtim në pesë vjeçarin e fundit erdhi në një kohë që popullsia po pakësohet dhe po plaket nga rënia e lindjeve dhe emigracioni lartë të rinjve. Në kontradite më këto zhvillime çmimi i banesave është rritur me shpejtësi.
Ndërtimi është kthyer në motorin e rritjes ekonomike vitet e fundit. Në vitin 2022, sektori kontribuoi me 11.1 pikë % të vlerës së shtuar nga 9.4 pikë % që kontribuoi në vitin 2019. Ky kontribut u rrit më tej në vitin 2023, referojnë të dhënat jo përfundimtare.
Aktualisht, Shqipëria është vendi më i varfër i Europës dhe ka ekspozimin më të lartë të sektorit të ndërtimit në kontinent. Sipas Eurostat, në vitin 2022, ndërtimi kontribuoi me 11.2% të vlerës së shtuar bruto, ndërsa në BE, ky sektor kontribuoi me 5.5%./Media Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
