Connect with us

Aktuale

Një koncesion me plot shkelje e konflikte interesash për një pronë në Mitrovicë

Published

on

Megjithë kundërshtimet që ka marrë privatizimi i fushës sportive me bari sintetik “Xhevat Isufi-Xheki”, Kuvendi Komunal i Mitrovicës ka aprovuar një gjë të tillë me shumicë votash.

Në faqen zyrtare të Komunës thuhet se, “këshilltarët e Kuvendit Komunal aprovuan me shumicë votash: Propozim-vendim për përzgjedhjen e ofertës më të favorshme për dhënien në shfrytëzim afatgjatë të pronës së paluajtshme komunale të fushës sportive me bari sintetik “Xhevat Isufi-Xheki””.

E përfitues i kësaj është KF Australia, pronar i së cilës është asambleisti i AAK-së e ish-anëtari i AKR-së, Jeton Ujkani.

Koha.net ka siguruar foto ekskluzive ku në dy takime të ndara Ujkani është takuar me nënkryetarin e Komunës, Faruk Mujka, drejtorin e DKRS-së, Tafil Peci e zëvendësministrin, Sami Zeka, para se çështja të hudhet në votim në Kuvendin komunal.

Kujtojmë se ditë më parë një privatizim i tillë është kundërshtuar nga fëmijët në Mitrovicë, të cilët kanë protestuar.

Avni Haxhiu, koordinator i klubit “Trepça”, ditë më parë kishte bërë të ditur se fusha “Xhevat Jusufi” është ndërtuar nga bashkësia evropiane dhe është e destinuar për komunitete.

Sipas tij, në ofertën publike për privatizim, potencohet dhënia e fushës për mirëmbajtje. Ai potencoi se është krejtësisht e palogjikshme që të investohen 750 mijë euro për mirëmbajtje, siç ka deklaruar klubi tjetër, kur dihet fakti se siç u shpreh ai, për ndërtimin e një fushe të re duhen 350 mijë euro.

E K.F Australia përmes një postimi në Facebook ka reaguar për dhënien në shfrytëzim asaj të kësaj fushe.

“Falënderojmë kryetarin e Komunës, nënkryetarin, kryesuesin e Kuvendit, drejtorin e DKRS-së me ekzekutivin dhe anëtarët e Kuvendit Komunal për bashkëpunimin korrekt. Ky aset i komunës tani është investim i garantuar dhe ne i themi pronarit të këtij aseti, Komunës së Mitrovicës, se ne do të kryejmë obligimet tona me përpikmëri. Na vjen keq që disa njerëz me njohuri të cekëta mbi realitetin tentuan ta helmojnë ambientin sportiv në qytetin tonë duke mos na kursyer nga shpifjet deri më të ulëta. Kjo e vërtetë nuk do ta pengoj “K.F Australia” që ti garantojë komunitetit sportiv në Mitrovicë bashkëpunim të plotë për të mirën e përbashkët”, ka shkruar ky klub.

Tutje thuhet se investimet e “K.F Australia”, ashtu si edhe më herët do të jenë edhe në të mirën e shkollave tjera të futbollit.

Një vendim i tillë ka hasur edhe në kundërshtinë e asambleistëve të Vetëvendosjes, më saktësisht të Izet Tahirit, Shkendije Halimit, Muhamet Pllanës e Edona Bajramit.

Burime të Koha.net bëjnë të ditura se për shkak të kësaj çështje në mbledhjen e kryesisë së Vetëvendosjes në Mitrovicë, të mbajtur më 24 dhjetor, pas kundërshtimit të disa anëtarëve, kreu i komunës Agim Bahtiri e ka lëshuar mbledhjen.

Bahtiri është akuzuar se ka vepruar në kundërshtim me parimet e Lëvizjes Vetëvendosje mbi privatizimin, pjesë e të cilës tashmë është edhe ai,

Imer Fejza, delegat në Këshillin e Përgjithshëm të Vetëvendosjes, ndër të tjera ka thënë se, “anëtarësimi në Lëvizjen Vetëvendosje nënkupton edhe pranimin e qëndrimeve tona ideologjike mbi konceptimin e orientimin ekonomik e social”.

Kujtojmë se Bahtiri ishte pjesë e AKR-së dhe sivjet ka kaluar në radhët e Lëvizjes Vetëvendosje.

Aktuale

Deodorantë, shishe uji plastike…: Çfarë nuk duhet të lini në vetura në ditët e nxehta?

Published

on

Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.

Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.

Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.

Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.

Buzëkuqi do të shkrihet në temperatura të larta.

Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…

Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi

Continue Reading

Aktuale

Themelohet Oda e Minierave të Kosovës

Published

on

Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.

Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.

Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.

“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.

Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.

“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.

Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.

“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi

Continue Reading

Aktuale

Gjykata e Apelit anulon vendimin për ndërtimin e hidrocentralit të Poçemit në Vjosë

Published

on

Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.

Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.

Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.

Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.

Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.

Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.

Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.

Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.

Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.

Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.

Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.

“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi

Continue Reading

Trending