Connect with us

Aktuale

MKRS dhe Driton Kuka fajësojnë Komunën e Pejës për neglizhencë në ndërtimin e Qendrës Nacionale të Xhudos

Published

on

Ministria e Kulturës, Rinisë dhe Sportit tashmë ka ndarë mjetet financiare për ndërtimin e Qendrës Nacionale të Xhudos në Pejë. Por procesi ka ngecur në mungesë të sigurimit të hapësirës për ndërtimin e këtij objekti.

Derisa Ministria fajëson komunën e Pejës për mungesën e sigurimit të parcelës, nga komuna thonë se janë shkresat e Ministrisë së Mjedisit dhe Planifikimit Hapësinor që e kanë pamundësuar një gjë të tillë, tash e një kohë.

Për ministrin e Kulturës, Rinisë dhe Sportit, Kujtim Gashi, krejt kjo është rezultat i neglizhencës që komuna e Pejës ka bërë karshi kësaj çështjeje.

Gashi ka akuzuar komunën në fjalë, se nuk ka ndërmarrë veprimet e nevojshme për ndërtimin e qendrës, ndonëse Ministria ka siguruar mjetet e nevojshme financiare.

“Jemi të vetëdijshëm  që kemi ngecë në një proces. Ajo është Qendra Nacionale e Xhudos. Kjo nuk ka qenë me fajin tona sepse edhe mjetet financiare i kemi të siguruara, por ka qenë një neglizhencë e vazhdueshme e komunës së Pejës për të siguruar hapësirën”, tha Gashi.

Edhe trajneri i xhudos Driton Kuka ka shprehur shqetësimet e tij lidhur me këtë çështje.

Ai thotë se niveli komunal ka qenë gjithmonë brengë e sportit kosovar. Për më tepër, për të është e pakuptimtë se si komuna e Pejës, prej nga vjen edhe kampionja olimpike, Majlinda Kelmendi, ka neglizhuar një proces kaq të rëndësishëm siç është Qendra Nacionale e Xhudos.

Ai thotë se do të angazhohen që të vënë në pah këtë problem, deri sa të gjejnë zgjidhjen e duhur.

Ajo që ka qenë gjithmonë brengë është niveli komunal, komunat, të cilat me të vërtetë as 5 përqind të nivelit qendror nuk e përcjellin me përkrahje. Ka ndoshta ndonjë përjashtim, ndonjë komunë, por qe po shihet rasti i Qendrës Nacionale. Faktikisht qyteti i Pejës, është komuna ku është rritur një kampione olimpike dhe të gjithë këta kampionë. Dhe, jo që e ka neglizhu, por e ka penguar ndërtimin e qendrës nacionale, dhe kjo është shumë e keqe”, tha Kuka.

Kuka thotë se është mirë që procesi i përmirësimit të kushteve për sportistët të vazhdojë, në mënyrë që edhe këta të fundit të shfrytëzojnë rrethanat e reja për sjelljen edhe të më shumë medaljeve.

Ndërsa në komunën e Pejës thonë se çështja ka mbetur në këtë pikë për shkak të një shkrese të Ministrisë së Mjedisit dhe Planifikimi Hapësinor, e cila ka pamundësuar ndërrimin e destinacionit për ndërtimin e këtij objekti. Kryetari Gazmend Muhaxheri thotë për KosovaPress se si komunë kanë bërë krejt çka ka qenë në dorën e tyre.

“Komuna ka bërë krejt çka është e mundur ligjërisht, për me ua dhënë parcelën komunale. E kemi votuar që si parcelë komunale me e dhënë vendin ku ka qenë çerdhja e qytetit, por prej Ministrisë së Planifikimit Hapësinor ka ardhur një shkresë sipas së cilës nuk mund të ndërrohet destinacioni, pa u ndërruar plani zhvillimor komunal dhe pa u bërë harta zonale e asaj pjese aty”, tha Muhaxheri nëpërmjet telefonit.

 

Për këtë, ai thotë se e kanë njoftuar Ministrinë e Kulturës dhe Federatën e  Xhudos, të cilëve thotë se u është përcjellë vendimi i Ministrisë së Planifikimit Hapësinor.

“U kemi treguar po ashtu se këtë muaj e qesim në diskutim publik dhe muajin tjetër ose pas 2 muajsh, kur të miratohet plani zhvillimor komunal, ndoshta do të na ishin hapur shanset për të dhënë mundësinë për ndërtimin e kësaj qendre në vendin ku ka qenë çerdhja”, tha Muhaxheri.

KosovaPress ka  provuar të marrë një përgjigje edhe nga Ministria e Mjedisit dhe Planifikimit Hapësinor, por e njëjta nuk ka kthyer përgjigje.

Ndërtimi i Qendrës Nacionale të Xhudos ka një rëndësi të madhe sidomos për sportistët e këtij sporti, të cilët tash e sa kohë i sjellin medalje të shumta shtetit të Kosovës.

Aktuale

Deodorantë, shishe uji plastike…: Çfarë nuk duhet të lini në vetura në ditët e nxehta?

Published

on

Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.

Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.

Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.

Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.

Buzëkuqi do të shkrihet në temperatura të larta.

Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…

Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi

Continue Reading

Aktuale

Themelohet Oda e Minierave të Kosovës

Published

on

Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.

Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.

Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.

“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.

Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.

“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.

Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.

“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi

Continue Reading

Aktuale

Gjykata e Apelit anulon vendimin për ndërtimin e hidrocentralit të Poçemit në Vjosë

Published

on

Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.

Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.

Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.

Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.

Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.

Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.

Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.

Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.

Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.

Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.

Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.

“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi

Continue Reading

Trending