Connect with us

Aktuale

Mes anktheve dhe dashurisë për veten: 2022-shi sipas ekspertes se komunikimit Marian Salzman

Published

on

Një prej identifikueseve më të vlerësuara të trendeve në botë, Marian Salzman, zbuloi parashikimet për jetën e njerëzimit në vitin 2022.

Një traditë tashmë që Salzman, zëvendës Presidente e Komunikimit në Philip Morris International, sjell  çdo fundvit parashikimet për vitin në ardhje: vitin e kaluar me “Zoomsday Predictions” ajo parashikoi se fleksibiliteti do të ishte në rendin kryesor të ditës. Një vit më vonë, duket se njerëzimi ka mbetur në pezm, teksa vazhdon të luftojë risqe ndaj jetës dhe duket se për çdo hap përpara, ka dy hapa pas.

Për 2022-shin Salzman e shikon situatën përsëri të paqetë, kryesisht për arsyet e qarta. Tanimë prej dy vitesh pandemi- të cilën ajo e quan “pandemi ankthi”- trendet e 2022-shit për Salzman mund të përmblidhen nën titullin: “Një rishikim i gjithçkaje mendonim se dinim” (“Measuring Up What We thought we knew”).

Salzman mbajti një seminar online ku prezantoi parashikimin e saj, duke u ndalur gjatë tek ndryshimet në mënyrën e të punuarit, tek hiperlokalizimi i qyteteve apo edhe tek marrëdhënia jonë admirim-frikë me shkencën.

“Në gjysmën e parë njerëzit po shpresonin për një vaksinë por nuk mendonin se ato do të krijoheshin kaq shpejt. […] Sot, gjysma e popullsisë së botës ka marrë të paktën 1 dozë.”, tha Marian, “Ky zhvillim i shkencës ka ngjallur sa admirim, aq edhe frikë ndaj shkencës. “

Duke mbajtur parasysh keqinformimin masiv që ka ndodhur në dy vitet e kaluara në lidhje me pandeminë, Salzman kujtoi se është më e rëndësishme se kurrë që të krijojmë besim tek objektiviteti i shkencës.

“Shkenca dhe të dhënat empirike duhet të jenë në thelb të vendimeve tona të përditshme.”, u shpreh Marian.

Ajo u ndal tek kompanitë me angazhim shkencor, siç është Philip Morris International, që në dekadën e fundit ka investuar shumë para në prova shkencore për të krijuar alternativa me risk të reduktuar ndaj cigares dhe po bën orientohet drejt të qenit një kompani krejtësisht pa tym cigaresh.

“Kompani si PMI fokusohen tek provat shkencore dhe tek publikimi i tyre në mënyrë transparente.”, tha ajo. “Ne realizojmë çdo vit një raport vjetor të gjetjeve shkencore si edhe publikojmë gjatë muajve studime të shumta në revista shkencore.”

Në 2022-shin, ankthi dhe pasiguria janë të pranishme më shumë se më parë, por nga ana tjetër edhe kujdesi për shëndetin mendor, që përkthehet në dashuri për veten.

“Disa mund të priren drejt të qenit më shpirtërore, të tjerë drejt terapisë, ndërsa të tjerë zgjedhin natyrën,”, u shpreh Salzman duke iu referuar qasjeve të ndryshme për përmirësimin e shëndetit mendor.

Por jo vetëm dashuri për veten; ekspertja e komunikimit kujtoi sesi dikur, kur pyesnim njëri-tjetrin: “Si je?” nuk donim ta dinim me të vërtetë sesi është tjetri. Kurse sot, gjithmonë e më shumë interesohemi për shëndetin mendor të njerëzve që takojmë.

Pandemia ka ndryshuar padyshim shumëçka, por ndër ndryshimet më të menjëhershme ishte zbehja e rëndësisë së prezencës fizike në zyrë.

“Per dekada askush nuk e vinte në dyshim sistemin 9-5, kurse tani e imagjinojmë veten në shtëpi edhe gjatë ditës.”, u shpreh Salzman, “Në 2022-shin njerëzit do kërkojnë mënyrën më të mirë të të punuarit për ta dhe kompanive do t’u duhet të ofrojnë kushtet e duhura për punonjësit.”

“Philip Morris International bëri një sistem të quajtur smart work, që kombinon metodat më të mira të punës për secilin punonjës.”, tregoi Marian.

“Smart Work” është një model pune që u jep punonjësve mundësinë të zgjedhin një kombinim të punës nga shtëpia dhe në zyrë. Qasja u ofron punonjësve në mbarë botën fleksibilitet më të madh se kur dhe ku bëhet puna në varësi të nevojave dhe preferencave të tyre individuale, realizueshmërisë së kërkesave specifike të punës si edhe të ligjeve vendore./Media Ndërtimi.

Aktuale

Interesim i pakët i qytetarëve në raport me komunat e tyre

Published

on

Mosinformimi i mjaftueshëm, interesimi i pakët i qytetarëve në raport me komunën, nepotizmi dhe mundësitë jo të barabarta për gratë janë vetëm disa nga sfidat që hasin qytetarët të evidentuara nga të  gjeturat e “Anketës Mbi Kënaqshmërinë e Qytetarëve” të organizatës DEMOS që mbështet të gjitha komunat e Kosovës për të sjellë ndryshime sistematike që nxisin qeverisjen e mirë dhe ofrimin më të mirë të shërbimeve që ndikojnë pozitivisht në jetën e përditshme të qytetarëve.

Një sistem i qëndrueshëm i vetëqeverisjes lokale mbetet i qëndrueshëm atëherë kur mbahet nga disa shtylla bazë që në epiqendër kanë parimin e transparencës dhe pjesëmarrjes aktive të qytetarëve në procese vendimmarrëse qeverisëse.

Për të arritur deri tek qëndrimi dhe perceptimi i qytetarëve të Kosovës lidhur me qeverisjen e tyre lokale, projekti DEMOS hulumtoi një sërë fushash që kishin të bënin me qasjen në informacione, pjesëmarrjen e qytetarëve, rolin e Kuvendit të Komunës, menaxhimin komunal, ofrimin e shërbimeve dhe kënaqshmërinë e përgjithshme me komunat.

Qytetarët shpesh drejtojnë pyetje në drejtim të komunave të tyre, dhe ata kanë plotësisht të drejtë të kërkojnë përgjigje dhe të marrin informacion nga të zgjedhurit e tyre. Pyetjet e tyre kanë karakter të ndryshëm të llojit si: “Çfarë po planifikon komuna për lagjen time? Sa buxhet ka ndarë? A është hapur ndonjë konkurs pune? A mund të jem përfitues i ndonjë subvencioni?” etj.

Ani pse sipas një ankete bërë nga  Agjencia e Statistikave të Kosovës (ASK) del që 96.1% e familjeve në Kosovë kanë qasje në internet, sërish gjysma e të anketuarve pjesë e anketës së lartëpërmendur informohen për vendimet komunale me anë të komunikimit gojor.

Zhvillimi dinamik i teknologjisë ka krijuar nevojën që komunat t’i zëvendësojnë praktikat tradicionale me mjete më efektive si platformat e ndryshme të komunikimit masiv dhe rrjetet sociale. Por, pavarësisht kësaj mundësie, në përgjithësi, duket se qytetarët besojnë se për autoritetet komunale është më e favorshme që t’i mbajnë qytetarët në terr rreth vendimeve të tyre. Sipas pjesëmarrësve të fokus grupeve, kjo ndodh për shkak se i hap rrugë informalitetit, veçanërisht në proceset e rekrutimit. “Ndodh shpesh që vendimet komunale apo shpalljet për konkurse të mos publikohen në kohën e duhur dhe si rrjedhojë paraqitet nepotizmi dhe anshmëria.” – thotë një pjesëmarrës i fokus grupit. Kjo praktikë nuk u jep të gjithëve një qasje të barabartë në informacion, duke përjashtuar kështu mundësinë për t’u përgatitur për procesin e rekrutimit.

Gjithashtu, informaliteti në procesin e rekrutimit ka marrë forma të ndryshme.

Gjetja e një vendi pune në komunë shihet të jetë e lidhur ngushtë me përkatësinë politike.

Një pjesëmarrësi të diskutimeve në fokus grup, një vend pune në administratë tatimore iu kushtëzua me 5 mijë euro, kurse një tjetër u refuzua 7 herë edhe pse sipas tij ai ishte kanidadati më i përgatitur në fushën përkatëse që kishte aplikuar.

Qytetarët me një shumicë prej 64% besojnë se përkatësia politike është faktori më i rëndësishëm që merret parasysh gjatë rekrutimit të punëtorëve në komunë, e pasuar nga lidhjet familjare (54%).

Pjesëmarrësit e këtij studimi fajet nuk ia faturuan vetëm qeveritarëve por thanë se edhe qytetarët duhet të mbahen përgjegjës për përfshirjen e vazhdueshme të këtij fenomeni.

Shqetësuese del të jetë edhe mos stabilitieti i binomit komunë-qytetar, pasi 74% e të anketuarve nuk kanë pasur ndonjë ndërveprim me komunën e tyre gjatë 12 muajve të fundit dhe vetëm 16% e tyre deklarojnë se kanë marrë pjesë në takime publike.

Ndër projektet që qytetarët besojnë se komuna duhet të prioritizojnë mbeten gjërat bazike si uji i pijshëm, hapësirat e gjelbërta, infrastruktura, e planifikimi urban, ndonëse një shumicë prej 77% nuk ia kanë idenë se si ndahet buxheti i tyre komunal.

Sa i përket aspektit gjinor, stereotipet dhe paragjykimet mbi rolin e gruas duket se vazhdojnë të jenë të rrënjosura në shoqërinë kosovare.

Prania e grave në nivelet e larta të vendimmarrjes është një mjet që rrit cilësinë e kontributit të gjysmës së shoqërisë në hartimin e politikave të dobishme dhe gjithëpërfshirëse për komunitetin.

Por përkundër kësaj, në përgjithësi duket se gratë nuk shihen si kompetente për të kryer role udhëheqëse dhe vendimmarrëse, dhe edhe ato që tashmë janë në pozita udhëheqëse nuk marrin përsipër përgjegjësinë e plotë në marrjen e vendimeve të rëndësishme të pavarura nga ndikimi i burrave.

Detyrimi nga kuota për pjesëmarrësit duket të jetë arsyeja se pse komunat rekurtojnë gra më shumë, dhe jo ekspertiza e tyre. Të paktën kështu është thënë në një fokus grup të organizuar në shërbim të anketës. Një shumicë e thjeshtë prej 54% besojnë se komuna e tyre ofron deri diku mundësi të barabarta për pozita udhëheqëse për gratë ndërsa 24% e të anketuarve besojnë se grave u ofrohen shumë pak mundësi të barabarta.

Pavarësisht sfidave dhe problemeve të vazhdueshme që u theksuan, optimizmi tek qytetarët vazhdon të mbetet i lartë.

Rreth 73% e të anketuarëve u shprehën optimist se komuna e tyre është në rrugën e duhur për të qenë një vend më i mirë pas gjysmë dekade. Kurse 27% të qytetarëve u deklaruan si pesimist për drejtimin që ka marrë komuna e tyre. Pjesëmarrësit nga diskutimi i fokus grupeve serbe përkundrazi, besonin se situata vetëm do të përkeqësohej në të ardhmen.

Qytetarët e pakënaqur theksuan se me koordinimin dhe bashkëpunimin e duhur ndërmjet nivelit lokal dhe atij qendror të qeverisjes, udhëheqësve të tyre u jepet autoriteti për të krijuar mundësi punësimi, që sipas tyre është i vetmi hap për një mënyrë jetese dinjitoze.

“Anketa Mbi Kënaqshmërinë E Qytetarëve” është përgatitur nga UBO Consulting për projektin DEMOS i cili implementohet nga HELVETAS Swiss Intercooperation. Gjetjet dhe konkluzionet e shprehura në këtë raport nuk përfaqësojnë domosdoshmërisht qëndrimin e donatorëve të projektit: Zyrës së BE-së në Kosovë, ambasadave të Zvicrës, Suedisë dhe Norvegjisë./Media Ndërtimi.

Continue Reading

Aktuale

Hapet aplikimi për 4 trajnerë në Qendrat e Aftësimit Profesional për Ndërtimtari dhe Parukeri

Published

on

Nëse keni minimum dy vite përvojë pune në parukeri  apo ndërtimtari, Ministria e Financave, Punës dhe Transfereve shpallë katër pozita të lira për trajnerë në Qendrat e Aftësimit Profesional në Prishtinë, Mitrovicë, Ferizaj dhe Pejë.

Mjafton që të keni diplomën e shkollës së mesme apo të universitetit dhe mund të aplikoni që të angazhoheni si trajner/e me kontratë të rregullt.

Aplikimi bëhet përmes platformës eprokurimi, në vegëzën në vijim: https://e-prokurimi.rks-gov.net/SPIN…/APPLICATION/IPN/Docu

mentManagement/DokumentPodaciFrm.aspx?id=2017319

Në vegëzën në vijim gjeni më shumë detaje se si bëhet aplikimi hap-pas-hapi https://youtu.be/065yLSWt_cQ.

Për ndihmë gjatë aplikimit mund të kontaktoni në: +383 038 200 82 000, +383 45 403 443 apo [email protected]

Continue Reading

Aktuale

Bashkohuni për të ilustruar artikujt në Wikipedia me foto cilësore

Published

on

Ju ndodh shpesh të shfletoni artikuj në Wikipedia pa ilustrime me imazhe?

Të shtunën, më 27 gusht, Grupi i Përdoruesve Wikimedian-ët e Gjuhës Shqipe organizon redaktimin e  “Wikipedia Pages Wanting Photos” online dhe offline, ku do të ilustrohen me foto artikuj të ndryshëm në Wikipedia.

Edhe pse ndër vite, kontribues e vullnetarë të Wikimedia-s kanë ngarkuar me mijëra imazhe në Wikimedia Commons përmes programeve e garave ndërkombëtare, si:

Wiki Loves Monuments, Wiki Loves Earth, etj., vetëm një pjesë e vogël janë përdorur për të ilustruar me imazhe artikujt në Wikipedia.

Takohemi të shtunën më 27 gusht, ora 10:00: Kosovë: Prishtina Hackerspace Shqipëri: Coolab./Media Ndërtimi.

Continue Reading

Trending