Connect with us

Auto

Vetura me energji solare, mund të vozitet pa pasur nevojë të mbushet me muaj

Published

on

Kompania holandeze Lightyear ka prezantuar siç pretendon, veturën e parë solare në botë – duke u shprehur haptazi se janë të gatshëm për prodhim serik.

Model Lightyear 0 është një limuzinë familjare që ka pesë metra katrorë panele solare, që mund të gjenerojnë energji të mjaftueshme për 70 kilometra vozitje në ditë, transmeton Telegrafi.

Kompania holandeze me 500 punonjësit ka arritur marrëveshje me më shumë se 100 kompani furnizuese, dhe synon të fillojë prodhimin e kësaj veture elektrike me energji solare.

Kjo limuzinë elektrike përveç paneleve solare, ka bateri që i mundëson një autonomi prej 560 kilometra vozitje, me një shpejtësi prej 110 kilometra në orë – madje edhe atëherë kur nuk ka diell.

Është një shifër premtuese; gjatë testimit WLTP, Lightyear 0 ka pasur një rreze veprimi prej 625 kilometra, që është afro 4 për qind më shumë sesa Tesla Model 3 Long Range AWD.

Kjo kompani pretendon se ka zhvilluar motorin me efikas elektrik dhe se këto të dhëna për autonominë mbështeten në baterinë me kapacitet prej 60 KWh. E në anën tjetër Tesla Model 3 Long Range AWD ka një bateri prej 82 kWh.

Autonomia e shkëlqyeshme është si rezultat i gomave të zhvilluara nga Bridgestone të dizajnuara për të zvogëluar fërkimin.

Kësaj veture i nevojiten vetëm 10 sekonda që shpejtësinë nga 0-100 kilometra në orë ta arrijë, kurse maksimalja është e kufizuar në 160 km/h.

Holandezët thonë se do të prodhojnë vetëm 946 njësi që do të shiten me një çmim prej 250 mijë euro, e me pranimin e porosive do të fillojnë nga nëntori. Prodhimi i kësaj veture pritet të fillojë në vitin 2025.

Auto

Mercedes përgatit fabrikat për të prodhuar automjete elektrike

Published

on

Mercedes-Benz po rregullon rrjetin e tij të fabrikave për të prodhuar një gamë të re automjetesh elektrike luksoze derisa përgatitet të kalojë në versionin elektrik deri në fund të dekadës.

Sipas medieve të huaja, përcjell Telegrafi, Mercedes synon të përgjysmojë emetimet e CO2 për makinë pasagjerësh gjatë ciklit jetësor deri në fund të kësaj dekade në krahasim me vitin 2020.

“Ne jemi gati për shkallëzimin e shpejtë të vëllimeve të automjeteve elektrike”, tha Joerg Burzer, anëtar i bordit për prodhimin dhe zinxhirin e furnizimit, duke shtuar se struktura e re pasoi bisedimet midis menaxherëve dhe përfaqësuesve të punëtorëve, transmeton Telegrafi.

Fabrikat në Sindelfingen, Bremen, Rastatt – të gjitha në Gjermani – dhe Kecskemet, në Hungari, do të fillojnë prodhimin e modeleve të reja në segmentet kryesore të luksit, luksit bazë dhe luksit hyrës nga mesi i dekadës, tha Mercedes.

Sistemet e baterive do të furnizohen nga një rrjet prodhimi me fabrika në tre kontinente, tha ai.

“Prodhimi lokal i sistemeve të baterive është një faktor kyç suksesi për ngritjen elektrike të Mercedes-Benz dhe një komponent vendimtar për të qenë në gjendje të përmbushë kërkesën globale për automjete elektrike në mënyrë fleksibël dhe efikase”, thuhet në një deklaratë./Media Ndërtimi.

Continue Reading

Auto

Red Bull RB17 prezanton një hiperveturë hibride me 1100 kuaj/fuqi

Published

on

Departamenti i teknologjisë së avancuar të Red Bull ka njoftuar se do të projektojë, zhvillojë dhe prodhojë një hiperveturë krejt të re që do të ofrojë një përvojë superiore drejtimi në pistë.

Hipervetura e re do të quhet RB17, pasi Red Bull Racing e kapërceu “në mënyrë misterioze” këtë etiketë nga RB16 2021 në RB18 të këtij viti.

Dizajni është nënshkruar nga Adrian Newey, njeriu pas shumë makinave fenomenale të Formula 1, dhe është gjithashtu krijuesi i modelit mbresëlënës të Aston Martin, Valkyrie, përcjell Telegrafi.

Newey tani po e kthen vëmendjen te modeli RB17, i cili nuk ka gjasa të jetë i ligjshëm për rrugë, kështu që rregulloret nuk do të kufizojnë dëshirën për performancë.

“RB17 do të përmbledhë gjithçka që dimë për krijimin e veturave të kampionatit të Formula 1 në një paketë që do të ofrojë nivele ekstreme të performancës në një pistë të dedikuar me dy vende,” tha Newey.

Deri më tani është publikuar vetëm një skicë, por dihet se RB17 do të fuqizohet nga një motor hibrid V8 që do të zhvillojë më shumë se 1100 kuaj/fuqi. Vetëm 50 kopje do të prodhohen në shtëpinë e Red Bull në Milton Keynes dhe prodhimi do të fillojë në vitin 2025.

Çmimi i veturës do të jetë 6 milionë euro, pa taksa, ndaj klientët do të duhet të kenë të paktën 9 milionë euro në llogarinë e tyre për të hyrë në listën e pritjes.

Ky çmim përfshin qasje në simulatorin Red Bull F1, si dhe stërvitjen në pistë./Media Ndërtimi.

Continue Reading

Auto

Elon Musk i frikësohet falimentimit të Tesla-s

Published

on

Tesla po përballet me humbje prej miliarda dollarëve nga fabrikat e tyre të reja, problemet me zinxhirin furnizues dhe me mbylljet për shkak të COVID-19.

Këto kanë mjaftuar që shefi ekzekutiv i kompanisë, Elon Musk, në një intervistë të fundit ta përmendë mundësinë e falimentimit.

“Dy vitet e fundit kanë qenë një makth me ndërprerjet e zinxhirit furnizues, problem pas problemi”, tha Elon Musk në një intervistë me një grup pronarësh të veturave Tesla, shkruan CNN.

“Nuk kemi mbaruar ende. Por që mbajtja hapur e fabrikave në mënyrë që të paguajmë punëtorët dhe që të mos falimentojmë është një shqetësim i madh për neve”, shtoi tutje Musk, transmeton Telegrafi.

Ndërsa gjatë intervistës, Musk tha se dy kompanitë që Tesla i hapi gjatë tremujorit në Gjermani dhe Teksas, po i kushtojnë kompanisë humbje prej miliarda dollarëve për shkak se problemet e zinxhirit të furnizimit deri tash i kanë limituar këto dy fabrika në prodhim të ulët./Media Ndërtimi.

Continue Reading

Trending