Connect with us

Aktuale

Vetëm në vitin 2021 bizneset në Shqipëri shpenzuan 8.4 miliardë euro për lëndën e parë, kryeson ndërtimtaria

Published

on

Më përfundimin e pandemisë Covid -19 dhe heqjen e masave kufizuese çmimet e mallrave, sidomos ato të transportit nisën të rriten në 6-mujorin e dytë të vitit 2021.

Kërkesa pas pandemisë dhe ndërprerja e zinxhirëve të furnizimit ushtruan presion në rritjen e çmimeve, duke shtrenjtuar kostot në të gjitha aktivitet ekonomike edhe në vendin tonë.

Të dhënat zyrtare tregojnë se, në vitin 2021 shpenzimet e bizneseve për materiale dhe lëndë të para u zgjeruan me 27 për qind në krahasim me vitin pandemik 2020 dhe gati 18 për qind në krahasim me vitin 2019. Të gjitha bizneset shpenzuan 991 miliardë lekë për blerjen e lëndëve të para me 2021 nga 778 miliardë që shpenzuan me 2020 dhe 836 miliardë me 2019.

Bizneset e ndërtimit kryen shpenzimet më të mëdha për blerjen e materialeve, me rreth 223 miliardë lekë ose 22% të totalit të shpenzimeve të bizneseve në këtë zë. Shpenzimet për lëndë të para në sektorin e ndërtimit pësuan rritje vjetore me 27% gjatë 2021.

Shpenzimet për materiale të bizneseve u rriten kryesisht për dy arsye. E para lidhet me çmimet më të larta të lëndëve të para në tregjet ndërkombëtare dhe e dyta me volumin më të madh të blerjeve pas pandemisë.

Siç shihet nga grafiku bashkëngjitur rritja e shpenzimeve për lëndët e para ishte më e larta gjatë vitit 2021 së paku që nga viti 2010. Përgjatë dekadës së fundit shpenzimet e bizneseve për lëndë të para janë rritur mesatarisht me 6 % në vit gjatë periudhës 2010-2020, ndërsa në vitin 2021 rritja ishte 27%.

Rritja me lartë u reflektua në bizneset që operojnë në tregtinë dhe riparimin e automjeteve me 112 për qind.

Bizneset që kanë në themel aktivitetin me metal dhe produkte metalike rriten shpenzimet për blerjen e materialeve me 64 % në vitin 2021 si rrjedhojë e rritjes së çmimeve të hekurit.

Në bizneset e informacionit shpenzimet për furniturën e lëndës së parë u rriten me 70 % më 2021, ndërsa për subjektet në aktivitetin energjisë shpenzimet u rritem me 72%.

Në të kundërt shpenzimet për blerjen e lëndëve të para u ulën në një seri aktivitetesh. Në tregtinë me pakicë u ulën me 11%, shërbime profesionale me 37%. Agjencitë e udhëtimit me 40%, fabrikat e lëkurëve dhe këpucëve me 17%.

Rritja e shpenzimeve për lëndë të para në një pjesë të madhe u diktua nga çmimet më të larta në tregjet ndërkombëtare, duke u reflektuar një vit më vonë (2022) në rritjen e çmimeve në artikujt e konsumit edhe në vendin tonë.

Aktuale

“Termokos’’ për herë të parë ndan 15 bursa për studentët e Inxhinierisë Mekanike

Published

on

Për herë të parë në historinë e ekzistimit NP “Termokos” SH.A.,  ka ndarë sot bursa për 15 studentë të dalluar të Fakultetit të Inxhinierisë Mekanike të Universitetit të Prishtinës.

Në një ceremoni rasti, të mbajtur sot në Rektoratin e Universitetit të Prishtinës, kanë marrë pjesë Rektori i Universitetit të Prishtinës, prof. dr. Qerim Qerimi, Kryetari i Komunës së Prishtinës z. Përparim Rama, Kryeshefi Ekzekutiv i NP “Termokos”, z. Fisnik Osmani, Dekani i Fakultetit të Inxhinerisë Mekanike, prof.Ahmet Shala, Aksionarët e ndërmarrjes, Bordi i Drejtorëve, anëtarë të Këshillit Drejtues e prorektorë të UP-së, menaxhmenti i ndërmarrjes dhe strudentët përfitues të bursave.

Rektori prof. Qerim Qerimi ka përshëndetur këtë hap të NP “Termokos”, për ndarjen e bursave për studentët e UP-së. Ai u nda optimist se ky bashkëpunim do të vazhdojë edhe më tutje në funksion të rritjes së cilësisë në arsim dhe ndërlidhjes së industrisë me universitetin.

Kryetari i Prishtinës, z. Përparim Rama ka shprehur kënaqësinë e tij, që NP “Termokos”, përveç sukseseve në operim e zgjerim të rrjetit të ngrohjes, kësaj here është nismëtare e një kontributi tjetër, siç është ndarja e këtyre bursave. Kryetari Rama tha se mbase këta studentë në të ardhmen mund të udhëheqin ndërmarrjen apo edhe Komunën e Prishtinës.

Kryeshefi Ekzekutiv, z.Fisnik Osmani tha se ndarjen bursave, ndërmarrja planifikon ta shndërrojë në traditë, duke ndihmuar studentët, që të përgatiten sa më mirë për rrugëtimin e mëtutjeshëm.

Kryeshefi Osmani tha se kemi dashur të japim një shembull të mirë dhe konkret të bashkëpunimit, të cilin synojmë ta shndërrojmë në traditë. Ai rikujtoi se kriteret dhe procedurat për përzgjedhjen e studentëve përfitues të bursave janë udhëhequr nga FIM.

Ndërkaq, Dekani i Fakultetit të Inxhinierisë Mekanike, prof.Ahmet Shala ka falenderuar “Termokos”-in për ndarjen e këtyre bursave, otptimist se ky bashkëpunim do të vazhdojë edhe viteve të ardhshme edhe për më shumë studentë./Media Ndërtimi

Continue Reading

Aktuale

Ra nga skelet teksa ishte duke punuar, humb jetën 19-vjeçari në Prizren

Published

on

Një person raportohet se ka humbur jetën tragjikisht gjatë ditës së sotme në Prizren.

Lajmi është konfirmuar nga Policia e Kosovës, ku zëdhënësi i policisë për rajonin e Prizrenit, Shaqir Bytyqi ka dhënë detaje për Sinjalin.

Sipas policisë, një person i moshës 19-vjeçare (K.Z), në një objekt banesor në ndërtim, gjatë punimeve dyshohet se ka humbur jetën, duke rënë nga kati i tretë nga skelet.

Në vendngjarje kanë dalë policia dhe mjekët nga emergjenca, të cilët kanë konstatuar vdekjen e tij.

Me datën 26.05.2023, rreth orës 14:50 dyshohet se në rrugën “Ekrem Rexha” në një objekt banesor në ndërtim e sipër, një person i moshës 19 vjeçare (K.Z.), gjatë punimeve dyshohet se ka humbur jetën, duke rënë nga një lartësi e konsiderueshme”, ka deklaruar Bytyqi.

“Policia ka dal ne vendngjarje dhe është duke u marr me rastin. Viktima ka rene nga Kati i tret nga skelet. Ne vendngjarje kan dal edhe mjeket nga emergjenca të cilët kanë konstatuar vdekjen e tij”, shton Bytyqi.

Continue Reading

Aktuale

“Po amnistoni mafinë e betonit me Ligjin që sollët në Kuvend “, kritikohet ministri Aliu për ndërtimet pa leje

Published

on

Deputeti i Kuvendi të Kosovës, Dimal Basha tha se Ligjit në momentin që i ndryshohet data e hyrjes në fuqi, legalizohen të gjitha objektet e ndërtuara deri më atë datë.

“Tash ky ligj ndryshohet edhe i ndërrohet edhe hyrja në fuqi. Që ta zëmë, ky ligj hyn në fuqi në mars 2023, legalizohen të gjitha ndërtimet deri në mars 2023. Pra, e bëjmë legalizimin e të gjitha ndërtimeve pa leje, sidomos ndërtesat”, u shpreh basha.

Deputeti pati kritika të ashpra edhe në lidhje me çmimet, duke thënë se 500 metra katrorë do të legalizoheshin për 4 mijë euro.

“Cili është interesi që një ndërtimtar ta legalizojë ndërtesën? Mendoj që qikjo s’është parimore, dhe kjo s’duhet me shku përpara. Puna kryesore e këtij ligji, mendoj unë është se e bën amnistimin e këtyre keqpërdoruesve që ndonjëherë janë quajtur edhe “mafi e betonit”. Këta jo që nuk dënohen por legalizohen”, tha Basha.

Deputeti i VV-së i u shpreh edhe se po amnistohen edhe nga hetimet kriminale keqpërdoruesit në fjalë.

Ndërkohë, edhe deputeti Haki Abazi pati kritika të ashpra duke i kërkuar ministrit që fjalimin e deputetit Dimal Basha ta merrte seriozisht.

Continue Reading

Trending