Connect with us

Featured

Tyrbja e Sulltan Muratit, një lloj teferiçi për prishtinasit

Published

on

Të shkruash për Prishtinën, duhet përmendur edhe një pjesë e saj, që është Tyrbja e Sulltan Muratit, 700 vjet e vjetër, si dhe kujdestarët e saj.

Për kaq vjet, familja e Tyrbedarëve bën rojën e saj, prej nga dhe rrjedh mbiemri. Një historik i shkurtër i kësaj familjeje, rrëfyer nga pjesëtari i saj , Abdurrahman Tyrbedari, pensionist, që llogariten të jenë prishtinas të vjetër, mirëpo ky tregon një prejardhje tjetër:
– Jo, familja jonë, stërgjyshi – Haxhialibara, ka ardhur në vitin 1848 nga Buhara, një krahinë në Yzbegistan (Rusi), të cilën e kanë sjellë këtu osmanlinjtë. Gjyshi quhet Mehmedali ndërsa im atë – Hashim.

Kur ka ardhur gjyshi, Mehmedalia, këtu nuk ka pasur përmendore, tyrbe, por vetëm shenjat nga Beteja e Kosovës në vitin 1389. Tyrben e ka ndërtuar Sulltan Abdyl Hamiti më 1852-53, ndërsa Sulltan Murati nuk e ka varrin aty, po në Bursa të Turqisë. Këtu e ka vetëm shenjën ku ka rënë shehit.

– Pra në tyrbe, kryesori ka qenë gjyshi im, Mehmedalia, i cili është kujdesur për të. Rreth tyrbes kemi pasur tokën prej 100 hektarësh, dhe ai katund, Mazgiti, ka qenë yni. Krejt të tjerët kanë qenë çifçinj. Im gjysh, Mehmedalia, ka vdekur më 1928.

Është interesant se ne aty e kemi pasur edhe ‘Selamllëkun’. Më 1952, ai u bë shkollë politike, në atë kohë nuk ka pasur ndërtesë më të bukur as në Prishtinë. Te stallat tona, të cilat i rregulluan, i adaptuan, ishte Mensa. Aty mësonin e aty ushqeheshin. Ne kemi jetuar brenda mureve të oborrit të Tyrbes me axhallarët e me të gjitha, kemi qenë kallaballëk.

Tyrbja ka qenë një lloj teferiçi për prishtinasit, ku shkonin zakonisht të dielave, e sidomos në ditën e Shën Gjergjit. Dita kalonte me çaj e me këngë.

Burimi: Sanije Gashi – Prishtina e fëmijërisë sime

Featured

Kompanitë kosovare ftohen të respektojnë Ligjin gjerman të furnizimit

Published

on

Ligji Gjerman i Zinxhirit të Furnizimit (Lieferkettensorgfaltspflichtengesetz – LkSG) ka hyrë në fazën e dytë të zbatimit më 1 janar 2024, duke zgjeruar fushëveprimin e tij për të mbuluar të gjitha kompanitë në Gjermani me mbi 1000 punonjës.

Zgjerimi do të shtojë rreth 2,000 kompani gjermane në kuadrin rregullator. Këto kompani do të aplikojnë kriteret që parashihen me ligj përgjatë gjithë zinxhirit të tyre të furnizimit dhe tek furnitorët jashtë Gjermanisë. Përfshirë këtu kompanitë nga Kosova që janë furnitorë të kompanive gjermane, apo që synojnë të bëhen furnitorë për kompani gjermane.

Ligji për Zinxhirin e Furnizimit u miratua në vitin 2021 dhe zyrtarisht hyri në fuqi më 1 janar 2023, duke iu kërkuar kompanive gjermane të plotësojnë kritere për të siguruar dhe mbrojtur të drejtat e njeriut dhe çështjet mjedisore në zinxhirët e tyre të furnizimit global.

Ligji implementohet në tri faza: Në fazën e parë, ligji gjerman u aplikua për kompanitë me mbi 3000 punonjës në Gjermani. Përafërsisht 900 kompani të mëdha gjermane u detyruan ta zbatojnë ligjin.

Në vitin e parë të zbatimit, Zyra Federale për Çështjet Ekonomike dhe Kontrollin e Eksportit (BAFA) ishte përgjegjëse për monitorimin dhe zbatimin e ligjit. BAFA kreu 486 inspektime të kompanive të mëdha për të vlerësuar pajtueshmërinë. Vlerësimi i përgjithshëm i BAFA ishte pozitiv, duke gjetur se kompanitë ishin përgjithësisht të suksesshme në krijimin e sistemeve dhe proceseve të nevojshme për të përmbushur kërkesat e Ligjit në fazën e parë.

Megjithatë, zgjerimi i zbatueshmërisë së Ligjit Gjerman të Zinxhirit të Furnizimit në ndërmarrjet e  mesme pritet të paraqesë më shumë sfida.

Kompanitë kosovare që nuk i zbatojnë kushtet e parapara me këtë ligj, nuk do të mund të vazhdojnë apo fillojnë eksportin në Gjermani.

Continue Reading

Aktuale

‘Autostrada Hangar’ do të hapë dyert për publikun më 5 Mars 2022

Published

on

Autostrada Hangar synon të gjenerojë bashkëjetesë mes komuniteteve duke punuar dhe prodhuar së bashku si një ekip dhe do të përdoret veçanërisht për të plotësuar nevojën urgjente të një edukimi joformal dhe programeve të ndërtimit të aftësive në mënyrë që të fuqizojë të rinjtë në Kosovë dhe rajon.

“Edhe pse hapësira jonë u përdor si një nga ambientet kryesore të edicionit të tretë në 2021, ku patëm një vit mjaft të suksesshëm me ekspozitën tonë ndërkombëtare, programin e zhvillimit të aftësive dhe edukimit, më 5 mars ajo do të jetë gati të hapë dyert e saj me një dizajn i ri dhe një program vjetor.

Deri më tani, ne kemi qenë të përkushtuar për të institucionalizuar “Autostrada Hangar” si institucioni i vetëm i artit bashkëkohor në Prizren përmes krijimit të një programi publik vjetor bazuar në nevojat e komuniteteve dhe partnerëve duke ndjekur parimin e gjithëpërfshirjes, duke e bërë programin të hapur për komunitete të ndryshme dhe më shumë. ekologjikisht të qëndrueshme”, shkruan në njoftim./Media Ndërtimi.

Continue Reading

Aktuale

Asociacioni i Arkitektëve shpallë zgjedhjet për kryetar

Published

on

Asociacionit të Arkitektëve të Kosovës, njofton se duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 27, të Statutit të Asociacionit të Arkitektëve të Kosovës, të vitit 2020, shpallë Zgjedhjet e rregullta për Kryetarin e AAK-së

Kuvendi zgjedhor i Asociacioni i Arkitektëve kosovar, do të mbahet të mërkurën, më 30.03.2022 nga ora 17:00, në Modelariumin e Fakultetit të Arkitekturës – Prishtinë.

Ftohen, të gjithë anëtarët e Asociacionit të Arkitektëve të Kosovës që të marrin pjesë në kuvendin zgjedhor, dhe në frymën e konkurrencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 33, të statutit./Media Ndërtimi.

Continue Reading

Trending