“Treni qiellor” në Kinë fillon testimet

0
OLYMPUS DIGITAL CAMERA

Vagonët e trenave në ajër janë bërë një pamje e zakonshme mbi qytetin Qingdao, në provincën Shandong, raporton Chinanews.com.

E përshkruar si linja hekurudhore më e shpejtë me kabllo metalike në Kinë, hekurudha e lartë me një vagon tashmë po thyen rekordet, ndërsa është ende në fazën e saj të testimit.

I njohur si “treni qiellor”, inxhierët thonë se mund të performojë gati tre herë më mirë se trenat e metrosë normale dhe mund të ngjitet në rrugët e pjerrëta prej 100 metrash mbi një distancë prej 1000 metrash.

E projektuar si një peshë e lehtë, me shpejtësi mesatare, vëllim mesatar të trafikut dhe sistem të transportit me kosto të ulët, pritet të ketë potencial të madh tregu në rajonet malore dhe qytete të mëdha.

Prodhuar nga CRRC Qingdao Sifang Co., Ltd, treni me kabllo metalike do të jetë në gjendje të mbajë deri në 510 pasagjerë në tre deri në pesë vagonë, me shpejtësinë maksimale të drejtimit prej 70 km në orë.

“Ky tren me një vagonr përdor teknologjinë më të fundit të motorëve magnetikë të përhershëm, e cila i mundëson atij të ketë avantazhet e fuqisë më të madhe, volumit më të vogël fizik, zhurmës më të vogël dhe peshës më të lehtë, duke realizuar kështu një efikasitet më të mirë operativ”, thotë Liu Yuwen, drejtor teknik i projektit .

Përmes rajoneve malore të pjerrëta dhe të thyera, “treni qiellor” do të jetë ende në gjendje të sigurojë udhëtarët me një udhëtim të sigurt dhe të rehatshëm, shtoi ai.

Ndërsa linjat hekurudhore janë të vendosura 5 metra mbi tokë, treni gjithashtu pritet të jetë një përgjigje për bllokimet e trafikut në disa nga qytetet e populluara dendur të Kinës, tha Liu Yuwen për Chinanews.com.

Rrjetet hekurudhore të ngritura gjithashtu mund të jenë më të lira për t’u ndërtuar dhe mbajtur dhe mund të vendosen shpejt.

Kina tani është vendi i tretë në botë që ka zhvilluar këtë lloj teknologjie, pas Gjermanisë dhe Japonisë.

Një nga sistemet më të hershme hekurudhore të ngritur elektrike, ndërtuar në qytetin gjerman të Wuppertal, u hap në vitin 1901 dhe është ende në veprim sot. 

PËRGJIGJU

Please enter your comment!
Please enter your name here