Thaçi i jep mirënjohje “Bechtel&Enka”-s për zhvillim ekonomik

0

Në një ceremoni të mbajtur sot nga Oda Ekonomike e Kosovës në bashëkpunim me institucionet e vendit, për hir të 10-vjetorit të Pavarësisë së Kosovës, janë shpërndarë edhe mirënjohje.

Një nga to ka shkuar edhe për kompaninë “Bechtel&Enka” të cilët janë ndërtuesit e dy autostradave më të mëdha në vend, asaj “Ibrahim Rugova” dhe “Arbën Xhaferi”, raporton Ndertimi.info.

Duhet ditur se autostrada e parë është ndërtuar në kohën kur Thaçi ishte kryeministër dhe sot e asaj dite kurrë nuk është publikuar kontrata për këtë autostradë, sikundër nuk është publikuar as për këtë autostradën e dytë.

Sipas një fotografie që ka publikuar zëdhënësja e kësaj kompanie, Ela Ruci, shkruan se mirënjohja e nënshkruar nga presidenti Hashim Thaçi, i jepet “Bechtel&Enka”-s për kontributin e dhënë në zhvillimin ekonomik të Republikës së Kosovës.

REKLAMA