Connect with us

Aktuale

Tahiri: Pishina Olimpike publike në Vushtrri

Published

on

Kryetari aktual i Komunës së Vushtrris, Xhafer Tahiri, kandidon për mandatin e dytë si Kryetar. Ai ka shpalos programin e dytë qeverisës për këtë komunë me anë të një video të publikuar në rrjetin e tij social Facebook.

Xhafer Tahiri ka treguar që në këto 4 vite, qyteti i Vushtrrisë ka ndryshuar për të mirë, e që ky ndryshim të kompletohet ai bashkë me ekipin e tij kanë krijuar një porgram qeverisës që do e zhvilloj edh më tej këtë komunë.

Programi që Kryetari Tahiri dhe ekipi i tij kanë krijuar përbëhet në dy pjesë, ku në pjesën e parë janë 10 projekte vitale infrastukturore që do e ndryshojnë dhe do e transformojnë qytetin e Vushtrrisë, duke krijuar vende të reja të punës dhe duke tërhequr investitorët e brendshëm dhe të jashtëm.

Kryetari Tahiri në planin e tij të infrastukturës dhe të ambientit planifikon që në 4 vitet e ardhshme të bëhet asfaltimi i 100% i të gjitha rrygevë lokale, të ndërtoj unazën e qytetit të Vushtrrisë, të bëhet ndërtimi i rrugës së vjetër Novolan- varrezat e vjetra të qytetit, ndërtimi i rrugës Veskoc-Kurillovë-Sllakoc, të bëhet përfundimi i rrugës Vushtrri-Nedakoc-Pestovë dhe ndërtimi i rrugëve që lidhë fshatrat e Vushtrrisë me rrugë.

Për bujqësinë plani i Kryetarit Tahiri, përfshinë ndërtimin e kanaleve kulluese dhe rrugëve të rendit të 4-t për lehtësimin të qasjes në tokat bujqësore, ndërtimin e tregjeve, depove, pikave grumbulluese për mini-fermerët në fshatrat e Vushtrrisë dhe përfundimin e ndërtimit të tregut për prodhues vendorë ku tregon se në gushtin e vitit 2021, Komuna e Vushtrrisë dhe organizata IRË kanë nënshkruar Marrëveshjen për ndërtimin e tregut për prodhues vendorë me vlerë prej 600 mijë eurosh, ku fillimi i ndërtimit të tregut parashihet në shtator të vitit 2021 dhe përfundon brenda 18 muajsh.

Plani i Tahirit nuk i lë anash rininë, kulturën dhe sportin, ku planifikohet përfundimi i ndërtimit të stadiumit “Musa Abazi”, fusha të futbollit në Maxhunaj, Lumbardh, Ortakoll dhe Stanoc. Të bëhet ndërtimi i fushës së volejbollit me rërë (beach volley) në qytet, ndërtimin e fushës së basketbollit, ndërtimit të Pishinës Olimpike ne Taraxhë, ndërtimin e terrene/shesheve sportive multifunksionale në fshatrat e Vushtrrisë dhe një palestër shkollore te “AAnton Zako Çajupi”

Per shërbimet publike, plani qeverisës i Tahirit parasheh ndërtimin e parkingjeve publike në qytet, organizimin e trafikur urban ku përfshinë fshatrat e Vushtrrisë në transport publik ndërurban, ofrimi i shërbimeve cilësore në mirëmbajtjen e hapësirave publike, varrezave dhe parqeve të qytetit. Sipas planitdo të krijohen parqe të reja në fshatrat e Vushtrrisë, ndërtimin e trotuareve në qytet, pranë shkollave dhe në fshatrat e Vushtrrisë, ndërtimin e kanalizimeve dhe ndërtimin e stacionit të autobusëve.

Zhvillimi urban dhe ruajtja e trashëgimisë kulturore përfshinë rindërtimin me partneritetin publiko-privat i ndërtesave shumë banesore të vjetra, miratimin e Hartës Zonale të Komunës, ndërtimin i sahat-kullës në Vushtrri, rikthimi i kalldrëmit në bulevardin “Adem Jashari” dhe ndërtimin e shtegut për biçikleta përgjatë lumit “Tërrtstena”. /Media Ndërtimi/

 

Aktuale

Festivali të Arkitekturës dhe Dizajnit ‘Concéntrico’, shënon edicionin jubilar në Spanjë

Published

on

Nga 25 prilli deri më 1 maj 2024, në qytetin spanjoll Logroño, Concéntrico përgatitet për edicionin e tij të 10-vjetorit. I parashikuar si një soditje e ndryshimit të mjediseve urbane dhe një mundësi për të ndarë njohuri rreth këtyre proceseve, Festivali Ndërkombëtar i Arkitekturës dhe Dizajnit të këtij viti përfshin formate të reja për të angazhuar një audiencë më të gjerë dhe për të eksploruar kohën si një katalizator për ndryshimin në dizajnin urban dhe social.

Festivali zgjeron programin e tij, duke shfaqur 21 instalime nga dizajnerë të 20 kombësive të ndryshme, përveç disa nismave dhe eksplorimeve të tjera.

Instalacionet urbane përfaqësojnë ndoshta aspektin më të dukshëm dhe më tërheqës të festivalit, duke eksploruar temën përmes dizajnit dhe duke synuar të gjenerojë ndërveprime midis arkitektëve dhe publikut më të gjerë. Që nga viti 2015, festivali ka krijuar mbi 120 instalime urbane.

Këtë vit, arkitektët dhe projektuesit e ftuar propozojnë një shumëllojshmëri të gjerë qasjesh, nga rinatyrëzimi i hapësirave publike, tek riinterpretimi i metodave popullore, ripërdorimi i materialeve nga botimet e mëparshme, krijimi i eksplorimeve përmes lëvizjes ose sfidimi i konceptit të strehimit. Eksploroni listën e plotë të instalimeve urbane të ardhshme të përgatitura për këtë edicion.

Edicionet e mëparshme të festivalit mirëpritën ndërhyrje nga dizajnerë të njohur dhe të ardhshëm, duke përfshirë Studio Ossidiana, Tudor Vlāsceanu Architect, Rintala Eggertsson Architects ose Piovenefabi. Duke hapur biseda rreth komunitetit dhe identiteteve lokale, si dhe çështjeve të përfshirjes, ndryshimit të përkufizimeve të familjeve apo sfidave të ekologjisë, festivali përfaqëson një mundësi për eksplorim përmes dizajnit./Media Ndërtimi

Continue Reading

Aktuale

Auditohet procesi i lejeve të ndërtimit në Komunën e Prishtinës për periudhën 2021-2023

Published

on

Në vazhdën e zbatimit të Planit Vjetor të Auditimit për sezonin auditues 2023/2024, Zyra Kombëtare e Auditimit (ZKA) është duke realizuar auditimin e performancës “Procesi i lejeve të ndërtimit në komunën e Prishtinës” për periudhën 2021-2023.

Auditimi do të vlerësojë nëse komuna e Prishtinës përdori në mënyrë efektive dhe efikase mekanizmat që sigurojnë së ndërtimet e larta janë në përputhje me planifikimet hapësinore, nëse komuna përdori mekanizmat në dispozicion për të siguruar se janë lëshuar certifikatat e përdorimit e që përbëjnë vërtetim të cilësisë dhe sigurisë së ndërtesave për përdorim.

Duke pasur parasysh zhvillimin e hovshëm të ndërtimeve të larta në komunën e Prishtinës dhe sigurimin e kushteve sa më cilësore të banimit, Zyra Kombëtare e Audimit përmes këtij auditimi do të vlerësojë gjendjen aktuale me qëllim të përmirësimit të procesit të lejeve të ndërtimit dhe pajisjes me certifikata të përdorimit në Komunën e Prishtinës.

Zyra Kombëtare e Auditimit vlerëson se është me interes për publikun vlerësimi i procesit të dhënies së lejeve të ndërtimit që nga planifikimi e deri të lëshimi i certifikatave të përdorimit./Media Ndërtimi

Continue Reading

Aktuale

Rreth 400 ndërmarrje të vogla dhe të mesme priten të përfitojnë grante

Published

on

Sot përfundon afati për aplikim për grante për ndërmarrjet mikro të vogla dhe të mesme, e hapur nga Agjencia për Investime dhe Përkrahjen e Ndërmarrjeve në Kosovë. Zyrtarë nga KIESA thonë se në tri kategori të ndryshme, pritet t’i kenë rreth 400 përfitues të granteve, ndërsa vlera totale e mbështetjes është 2.5 milionë euro.

Grant-skema për blerjen e makinerive prodhuese dhe përpunuese në vlerë prej 1.7 milion euro, Grant-skema për certifikimin e produkteve, në vlerë prej 500 mijë euro, dhe Grant-skema për digjitalizimin e bizneseve në vlerë prej 300 mijë euro, janë tri thirrje për aplikim nga KIESA, për ndërmarrje mikro, të vogla dhe të mesme.

Drejtori i Agjencisë për Investime dhe Përkrahjen e Ndërmarrjeve në Kosovë, Zef Dedaj, në një intervistë për Radio Kosovën, thotë se qëllimi i kësaj mbështetjeje është që të nxitë bizneset për të kontribuuar në ekonominë qarkore dhe për të digjitalizuar bizneset e tyre. Ai thotë se bizneset e udhëhequra nga gratë dhe ato me synim punësimin e grave, do të kenë përparësi më shumë.

“Këtë vit te makineria presim t’i kemi rreth 70 – 80 përfitues, te certifikimi 25 deri në 300, te digjitalizimi i bizneseve rreth 100 kompani përfituese. Kur flasim për grant-skemat e dy viteve të fundit, te digjitalizimi, nga 64 përfitues kemi pasur 34 biznese femra, nga 70 që i kemi pasur për makineri vitin e fundit 9 apo 10 prej tyre kanë qenë të udhëhequra nga femrat. Kriteret bazë të udhëzimit administrativ duhet t’i plotësojnë të gjithë, e në këtë rast kur flasim për biznese të udhëhequra nga gratë, ato kanë pikë më shumë. Dua të theksoj se mjaft shpesh kemi biznese të udhëhequra nga gratë që janë prezentë në panaire”, tha ai.

Ater Arifi, nga Prizreni, ka 23 vjet që merret me artizanate të ngjyrosjes dhe dizajnit. Duke folur për Radio Kosovën, ajo thotë se përkrahjet nga komuna dhe ministria u ndihmojë që të ecin përpara drejt zhvillimit.

“Qe 23 vjet i mësoj gratë në kurse për ngjyrosje në dru, pëlhurë, xhama, stoli dhe prodhim të sapunëve bio. Deri më tash i kemi trajnuar mbi 15 gra që tashmë kanë marrë këtë profesion, e për këtë na ka përkrahur komuna me drejtoritë, grante prej ministrisë dhe shumë gra janë punësuar në Prizren. Kursi zgjat dy muaj, janë teknika të ndryshme. Këto panaire na ndihmojnë shumë. Kemi marrë subvencion para dy vitesh dhe jemi shumë të kënaqur”, theksoi ai.

Edhe Zejxhan Celina, një filigraniste nga Prizreni, thotë se ka biznes individual që merret me stoli filigrani të kombinuar me perla.

“Përfitojmë grante e subvencione, por nuk na japin para për të blerë materialë, ato i jepen për inventarë p.sh makina, tavolina e të tjera. Grantet i marrim vetëm një herë, sepse dy tavolina apo makina nuk na duhen. Organizojmë kurse të ndryshme dhe duhet të aplikojmë për subvencione, sepse Prizreni është një vend që ka shumë turistë dhe duhet ta zgjerojmë kapacitetin e punës dhe ta profesionalizojmë edhe më shumë. Në panaire ne njohim njerëz, shohim produktet tona sepse jo gjithkush ka mundësi t’i shoh”, tha ajo.

Ndryshe, përveç këtyre tri grant-skemave, Ministria e Industrisë, Ndërmarrësisë dhe Tregtisë, pritet të lansojë edhe tri grant-skema të reja për zhvillim të inovacionit, turizmit dhe artizanateve./Media Ndërtimi

Continue Reading

Trending