Aktuale
S’ka kush i ndalë rrënimet e monumenteve në Qendrën Historike të Prizrenit
Gjendja në Qendrën Historike në Prizren mbetet shqetësuese.
Shumë objekte e monumente të trashëgimisë kulturore që mbrohen me ligj, janë rrënuar e disa tjera janë dëmtuar.
Shkaku i rrënimit të objektit, siç është ajo e familjes Myftiu, po rrezikohen edhe shtëpi të banorëve përreth.
Nga 300 objekte të trashëgimisë kulturore këtu në Prizren, sipas Komunës, 240 janë dëmtuar e disa janë rrënuar. Rasti i fundit ka qenë rrënimi i shtëpisë së familjes Myftiu, ku lidhur me këtë rast Policia ka deponuar kallëzim penal në Prokurori ndaj dy personave të dyshuar.
Kryeprokurori i Prokurorisë Themelore në Prizren, Admir Shala, i ka thënë televizionit se në këtë rast do të veprojnë me prioritet dhe se shumë shpejt do të vendosin për këtë çështje.
Shoqëria civile, ndërkaq, thotë se gjendja do të vazhdojë të përkeqësohet nëse nuk ndërmerren hapa konkretë.
Në Qendrën Rajonale për Trashëgimi Kulturore tregojnë se gjatë vitit të kaluar intervenuan në 20 objekte dhe planin e intervenimit për këtë vit do ta nisin në pranverë.
E kryetari i Komunës, Mytaher Haskuka, thotë se shumë shpejt do të themelohet zyra për Qendrën Historike, e cila sipas tij, në koordinim me Inspektoratin e Komunës, nuk do të lejojë shkatërrimin e kësaj zone.
Me gjithë problemet në pjesën historike të Prizrenit, Qendra Rajonale për Trashëgimi Kulturore ka rreth gjysmë milioni euro buxhet të mbetur nga viti i kaluar.
-
Infrastrukturë18 hours ago
Prezantohet projekti për ndërtimin e Digës së Dragaçinës në vlerë 40 milionë euro
-
Infrastrukturë2 days ago
Një perandori me 10 shifra, Investitorët në ishullin Sazan deklarojnë 3 miliardë dollarë asete
-
Infrastrukturë16 hours ago
Tenderi 1.2 milionë euro që u vlerësua nga ‘dostat’ për t’ia dhënë shokut të Përparim Ramës!
-
Infrastrukturë15 hours ago
Zv.ministri Durmishi njofton një projekt të ri, në rrugën Istog – Pejë – Deçan – Gjakovë – Prizren
-
Infrastrukturë3 days ago
Në Tajvan po ndërtohet ura më e gjatë në botë asimetrike 920 metra
-
Infrastrukturë3 days ago
Vërshime në Dubai, një viktimë nga shiu më i madh në Emiratet e Bashkuara në 75 vjet
-
Aktuale3 days ago
Ndërpritet gjykimi ndaj ish-drejtorit të kompanisë “Sallahu” dhe drejtorit të Njësisë së Auditimit në MI
-
Infrastrukturë17 hours ago
Banorët protestojnë gjatë fillimit të punimeve të rrugës Kijevë-Dollc