Connect with us

Aktuale

Si e ndryshoi arkitekti Kruniq planin e Bashkim Fehmiut, që t’i bëj vend Kishës Ortodokse [dok]

Published

on

Planin e parë dhe atë autentik për Kampusin e Universitetit të Prishtinës, e ka bërë arkitekti doajen dhe pinjoll i arkitekturës kosovare, Bashkim Fehmiu në vitin 1970.

Uran Haxha

Mirëpo, situate politike dhe regjimi serb kishte futur duart që t’ia trasonte vetes një rrugë të cilën nuk do ta gëzonin në të ardhmen.

Plani i punuar nga arkitekti Fehmiu parashihte që sot në pjesën ku është Kisha Ortodokse Serbe brenda Kampusit të UP-së, të kishte Fakultet të Mjedisit.

Mirëpo në vitet kur shqiptarët u dëbuan nga insitucionet e atëhershme të Krahinës Federative të Kosovës në Jugosllavi, një arkitet serb i futi duart në këtë plan dhe ndryshoi.

Spasoje Kruniq në vitin 1992 bëri “Planin Uzurpues të Kishës Ortodokse Serbe”. Ai e parapau që një pjesë e “Fakultetit të Mjedisit” të merret, sikur ka ndodhur, një pjesë e Akademisë së paraparë dhe të vije deri te rektorati, ku ndodhet edhe sot.

Më poshtë keni dy planet, i pari i arkitetit Bashkim Fehmiu dhe i dyti plani uzurpues i Spasoje Kruniq, të publikuara nga arkitekti Arbër Sadiki.

 

Ky plan ishte kundërshtuar nga Bashkim Fehmiu nëpërmes një letre publike që e kishte adresuar në të gjitha instancat e atëhershme. Ndër të tjera thoshte: “NJË NGA MË TË RËNDËSISHMET PËR NGA KARAKTERI DHE MË TË VLEFSHMET PËR NGA PËRMBAJTJA SI TRASHËGIMIA MË PROGRESIVE E CIVILIZIMIT DHE KULTURËS ËSHTË UNIVERSITETI, frytë i të cilit jeni edhe ju ndërsa tani edhe SUBJEKT i saj”.

Për më shumë në gurthemelin e kësaj kishe ortodokse serbe kishte marrë pjesë edhe krimineli serb Zheljko Razhnatoviq i njohur si “Arkan”. Vitin e kaluar serbët kishin filluar që të renovonin kishën, teksa një gjë e tillë ishte kundërshtuar nga Inspekcioni i Komunës së Prishtinës, duke e vlerësuar si ndërtim pa leje këtë kishë.

Mirëpo, pas çuarjes në institucione gjyqësore të kësaj çështje, toka prej mbi 4 hektarë ku ndodhet edhe kisha, gjykata ia kishte dhënë kishës, teksa në seancë kishte munguar Universiteti i Prishtinës.

Më 29 nëntor 2017 në Kuvendin e Kosovës u diskutua për Ligjin për Liritë Fetare, ku nga deputetët e Lëvizjes Vetëvendosje është kërkuar një Kishë Ortodokse shqiptare.

Aktuale

UNOPS Kosova organizoi trajnim dy ditor për sigurinë në kantiere ndërtimi  

Published

on

UNOPS Kosova organizoi një Trajnim 2 ditor për Shëndetin, Sigurinë, Socialin dhe Mjedisin (HSSE) me pjesëmarrës nga Zyra e Bashkimit Evropian në Kosovë, Universiteti i Prishtinës.

Qëllimi kryesor i trajnimit ishte pajisja e pjesëmarrësve me konceptet kryesore të shëndetit dhe sigurisë në projektet e ndërtimit.

Vështrimet kryesore nga trajnimi:

Kuptimi gjithëpërfshirës dhe respektimi i rreptë i Rregullave të Artë të UNOPS për trajtimin e rreziqeve fatale ose të rëndësishme

Zbatimi i aftë i vlerësimeve dhe inspektimeve të plota të rrezikut në terren

Duke dhënë prioritet sigurinë dhe mirëqenien e çdo individi të përfshirë në projekt.

Ky trajnim u organizua në kuadër të projektit për ndërtimin e objekteve të reja për Fakultetin e Shkencave Matematiko-Natyrore të Universitetit të Prishtinës, i bashkëfinancuar nga Bashkimi Evropian në Kosovë dhe Universiteti i Prishtinës dhe me mbështetjen e UNOPS HSSE Unit.

Siguria është prioriteti ynë kryesor dhe ne jemi të përkushtuar të krijojmë një mjedis të sigurt pune për të gjithë./Media Ndërtimi

 

Continue Reading

Aktuale

Rama paralajmëron se Tirana do të jetë metropoli me atraktiv i Ballkanit

Published

on

Kryeministri Edi Rama i ftuar në një ceremoni në kryeqytet, foli për Tiranën dhe transformimin e saj ndër vite.

Rama tha se në 5-6 vitet e ardhshme, këto që shohim do të jenë një pjesë dhe jo shumica e asaj që do të shohim, duke theksuar se ka shumë projekte, dëshirë, ambicie dhe shpirti i sipërmarrjes është futur në një garë për ndërtuar ndërtesa jo vetëm të mira, por edhe të bukura.

Ai shton se Tirana kështu do të bëhet një destinacion edhe arkitektonik.

Sipas, Ramës gjatë viteve në vazhdim shqiptarët do të jenë banorë dhe qytetarë të njërit prej kryeqyteteve më të bukur të Evropës, duke specifikuar se Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.

“Kjo është historia e një qyteti që nuk i ka thënë të gjithë. Unë besoj që në 5-6 vitet e ardhshme, këto që shohim do të jenë një pjesë, jo shumica e atyre që do të shohim, sepse ka shumë akoma projekte, dëshirë, ambicie dhe një lloj gare që është futur në shpirtin e sipërmarrjes që të bëjmë ndërtesa jo thjeshtë të mira, por edhe të bukura, duke i dhënë Tiranës mundësinë që të bëhet një destinacion arkitektonik.

Një vend mes Ballkanit që do të disponojë një koleksion veprash të arkitekturës të mbledhura së bashku nga arkitektët më të mirë të kësaj kohe dhe do të krijojë një trashëgimi të denjë për gjeneratat e tjera.

Unë nuk dyshoj, që nëse sot në ndjejmë kënaqësinë që kemi dalë nga ai llum i tmerrshëm ku e hapëm shekullin e ri në Tiranë, nesër do të jemi banorë dhe qytetarë të njërit prej kryeqyteteve më të bukur të Evropës. Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.”, deklaroi kryeministri Rama./Media Ndërtimi

Continue Reading

Aktuale

“Brenda shtëpisë së zbrazët, ajo jeton mes kujtimeve dhe dëshmon forcën e Nënës”

Published

on

Në rrugën “Martirët Qerkezi”, në shtëpinë-muze qëndron Nëna Ferdonije. Brenda shtëpisë së zbrazët, ajo jeton mes kujtimeve dhe dëshmon forcën e Nënës. Shtëpia e familjes Qerkezi, në Gjakovë dëshmon gjenocidin dhe spastrimin etnik të Serbisë në Kosovë.

Nga aty, 25 vite më parë, forcat policore të Serbisë ia rrëmbyen dhe zhdukën të katër djemtë: Artanin, Armendin, Ardianin e Edmondin, si dhe bashkëshortin Halimin. Nga ajo shtëpi u rrëmbyen edhe Vegim Qerkezi, Shpejtim Ymeraga, Skender e Myrteza Dylhasi, dhe Shpend e Fatos Jetishi.

Në Dardaninë e Pejës, më 27 mars 1999 forcat e armatosura serbe, policë të njësive speciale dhe serb lokal, brenda tri orëve i masakruan 40 civilë shqiptarë të kësaj lagje.

Ne i kujtojmë çdoherë e nuk do t’i harrojmë kurrë.

Në këtë 25 vjetor i përkujtojmë edhe 75 të vrarët në masakrën në Klladernicë të Skënderajt, 18 të vrarët në Mamushë, dhe 10 anëtarët e familjes Rama të vrarë në Obiliq. Sot, në Fushë Kosovë përkujtohen 168 shqiptarët e vrarë nga forcat e armatosura serbe.

Me mall e dhembje, i kujtojmë sot dhe ҫdo ditë, të gjithë të vrarët dhe të zhdukurit me dhunë nga Serbia.

Sakrifica e popullit tonë është themeli i Republikës sonë të lirë.

Lavdi të gjithë të rënëve në rrugën e gjatë për çlirimin e Kosovës!

Albin Kurti, kryeministër i Kosovës. Prishtinë, 27 mars 2024./Media Ndërtimi

Continue Reading

Trending