Shtëpia historike prej druri e ndërtuar 150 vjet më parë

0

Shtëpia  prej druri e ndërtuar para më shumë se 150 viteve, vazhdon të jetë në gjendje jashtëzakonisht të mirë dhe e shfrytëzueshme edhe sot e kësaj dite. Kjo shtëpi gjendet në Norvegji, 200 kilometra në veri të kryeqytetit norvegjez Oslo.

Shtëpia është trashëgimi familjare e cila ka kaluar nga njëri brez tek brezi tjetër. Shtëpia prej druri fillimisht ishte vetëm një shtëpi më shumë romantike e cila shfrytëzohej vetëm për vikende ose pushime.

Mirëpo, tani trashëguesit e kësaj shtëpie mbi një shekullore tregojnë se si kanë blerë edhe pjesë tjera të tokës në atë  pjesë të Norvegjisë dhe kanë ndërtuar 15 shtëpi të tjera me planin dhe strukturën e njëjtë.

SHIH VIDEON E SHTËPISË

Shtëpitë e ndërtuara nga Cauto Hugen dhe bashkëshortja e tij edhe pse janë të reja ato janë pothuajse të njëjta me shtëpinë e parë e cila është një lloj trashëgimie norvegjeze. Qifti tashmë jeton në këto shtëpi së bashku e dy fëmijët e tyre.

Inventari i brendshëm është i mahnitshëm, të gjitha gjërat të cilat ndodhen aty përkojnë me shekullin e 17-të dhe 18-të. Gjithçka është e bërë nga druri, dhe merr një ngjyrë mbresëlënëse që kalon nga e kafta në të gjelbërt dhe një kombinim me të bardhën.

Po ashtu një pyetje tjetër e cila shtrohet në shumicën e rasteve kur kemi të bëjnë me ndërtimin e shtëpive dhe rregullimin e saj nga brenda është çështja e kualitetit. Cauto Hugen për Deutsche Welle, është deklaruar se këto shtëpi të gjitha prej druri, kualiteti është i garantuar pasi të gjitha gjërat i përkasin shekullit të 17- të dhe atij të 18-të.

Por, shtëpitë përveç se kanë brenda tyre shumë gjëra antike atyre nuk i mungojnë as teknologjitë më të reja. Duke përfshirë këtu edhe pajisjet hidraulike, elektro-energjetike dhe shumë çka tjetër.

Këtu ju mund ta imagjinoni se si njerëzit kanë jetuar 200 vjet më parë…

 

 

PËRGJIGJU

Please enter your comment!
Please enter your name here