Shtëpia e tmerrit në Shqipëri që u shndërrua në muze

0

Mure të papastërta me vrima kudo, gjethe që bienin nga lisat e gjatë që preknin gati në kulmin e objektit dhe elemente të tjera që e tregojnë ndërtimin por edhe elementin e errët të “shtëpisë e gjetheve”. Ajo sot është një monument trashëgimie nga torturaqë bartën mbi trup mijëra persona.

Enterieri i veçantë i cili sipas të dhënave përshkohej nga korridore të shumta e të gjata si labirinte, herë me dritë e herë të errëta, ishte gjithashtu një simbol i frikës të cilën duhej patjetër ta ndjente një njeri i cili futej në këtë shtëpi.

Vendi në të cilin dëgjoheshin jehonat e torturave të personave që regjimi i kishte “halë në sy”, më herët shërbente si objekt materniteti, pra, për rastësi dëgjoheshin edhe në të kaluarën aty britma, por britma më të “buta”- ato të fëmijëve, shkruan Ndertimi.info

Gjatë pushtimit gjerman, shtëpia u përdor nga Gestapo (policia sekrete e Gjermanisë naziste), ndërsa në kohën e komunizmit ajo ishte objekti ku qendronte policia politike.

Aty zhvilloheshin hetime ndërsa pas vitit 1950, kjo ndërtesë u bë selia e seksionit teknik dhe shkencor të partisë. Në këtë kohë, me anë të “çimkave” kryheshin përgjime elektronike të të burgosurve dhe të atyre që partia i konsideronte “të rrezikshëm” duke përfshirë zëra të njerëzve të të gjitha shtresave, të të huajve etj.

Më 23 maj të vitit të kaluar, shtëpia është shndërruar në muze i cili përmban të dhëna nga karakteri famëkeq i shtëpisë në periudhën më të madhe të ekzistimit të saj. 

 

PËRGJIGJU

Please enter your comment!
Please enter your name here