Connect with us

Tech

Shfuqizohet vendimi, kosovarët legalisht mund të prodhojnë kriptovaluita

Published

on

Nga dita e enjte, qytetarët që janë marrë me prodhimin e kriptovalutave kanë mundësi të vazhdojnë veprimtarinë e tyre ligjërisht.

Kjo pasi vendimi i Ministrisë së Ekonomisë për ndalimin e prodhimit të kriptovalutave nuk është më valid.“Lidhur me validitetin e Vendimit me nr. Protokolli 3318, të datës 31-12-2021, ju njoftojmë se çdo vendim i marrë është i vlefshëm vetëm për aq sa zgjasin masat emergjente, kjo në përputhje me Ligjin për energji”, kanë thënë nga kjo ministri për ATV.

Në anën tjetër, njohësit e fushës së prodhimit të kriptovalutave kanë cilësuar se shfuqizimi i vendimit në fjalë është në të mirë të qytetarëve që merren me këtë veprimtari.

Sipas tyre, rreth 30-40 mijë familje në Kosovë gjenerojnë të hyra nga kriptovalutat deri në 500 euro në muaj, ndërsa kanë thënë se do të ishte mirë që Kosova të ndjek shembullin e Malit të Zi për krijimin e bazës ligjore rreth prodhimit të kriptovalutave, në mënyrë që edhe qytetarët që merren me tregtimin e tyre të paguajnë tatimin në fitim.Por, shfuqizimi i vendimit në fuqi nuk do të thotë se Policia e Kosovës ka ndalur aksionet e tyre kundër prodhuesve ilegal të kriptovalutave, që nuk posedojnë dokumentacionin përkatës për aparaturat që përdoren për prodhimin e kriptovalutave.

Në një njoftim të fundit të policisë është bërë e ditur se gjatë ditës së sotme është zhvilluar një aksion në Mitrovicë, ku janë gjetur 12 aparate për prodhimin e kriptovalutave.

“Si rezultat i hetimeve është arritur të lokalizohen dhe identifikohen lokacionet, me ç’rast bastisja është realizuar në dy shtëpi me objekte përcjellëse në fshatin Gushavc të Mitrovicës. Gjatë bastisjes janë gjetur dymbëdhjetë aparate të lidhura me pajisje elektrike dhe internet që dyshohen se përdoreshin për prodhimin e kriptovalutave”, thuhet në njoftimin e policisë.Prokurori i çështjes ka sugjeruar që të vazhdohen hetimet rreth rastit, ndërsa pajisjet e gjetura janë marrë nga autoritetet doganore.

Kujtojmë se vendimi për ndalimin e prodhimit të kriptovalutave në Kosovë kishte ardhur si pasojë e krizës energjetike me të cilën po përballej Kosova./Media Ndërtimi.

Tech

Ndërtuan projekte robotike, nxënësit e shkollës ‘Vëllezërit Frashëri’ në Lipjan përfaqësojnë Kosovën në Olimpiadën e Gjenive

Published

on

Në shkollën fillore “Vëllezërit Frashëri” në Lipjan, punohen tash e sa vite projekte të robotikës nga nxënësit dhe me këto projekte ata marrin pjesë në gara të teknologjisë.

Këtë vit, ata do ta përfaqësojnë Kosovën në Olimpiadën e Gjenive në Amerikë, mirëpo ky nuk është suksesi i vetëm i tyre.

Robotika ka mbushur kabinetet dhe korridoret e shkollës fillore “Vëllezërit Frashëri” në Lipjan.

Në këtë shkollë nxënësit punojnë pas orarit të mësimit disa projekte, me të cilat marrin pjesë në gara dhe sfida të ndryshme të teknologjisë.

Me projektet që i kanë punuar për këtë vit, ata do ta përfaqësojnë Kosovën në Olimpiadën e Gjenive, në Amerikë. Këta nxënës e përbëjnë grupin e teknologëve të kësaj shkolle, i cili daton që nga viti 2006, me përbërje 80 deri 100 nxënës pothuajse për çdo vit.

Ata fillimisht e kanë sfiduar vetën e tyre në gara të organizuara nga USAID brenda Kosovës, pastaj kanë vazhduar të zgjerojnë interesimin edhe në gara jashtë Kosovës.

Hajriz Rashiti, arsimtar i teknologjisë në këtë shkollë, njëherit edhe udhëheqës i këtij grupi, ka thënë se për shkak të rezultateve të mira në garat e Kosovës, është paraqitur nevoja që të provojnë të dalin edhe jashtë Kosovës, dhe ata depërtuan jashtë që nga viti 2018, fillimisht në Amerikë.

“Mirëpo na nuk u ndalëm veç me aq, vitin tjetër e provuam me shku në Keni, është një garë atje në Nairobi të Kenisë, edhe kemi shku me dy projekte atje, kena marrë një medalje të argjendtë edhe një të bronztë” – ka thënë Rashiti për Kallxo.com.

Në anën tjetër, nxënësit thonë se këto aktivitete iu pëlqejnë shumë, dhe se kanë mësuar shumë prej tyre. “Këto aktivitete shumë më kanë pëlqy për shkak se robotika ëshë një gjë që më pëlqen se rritë interesin dhe nivelin e kreativitetit te një fëmijë” – është shprehur nxënësja Marta Çerkini./Media Ndërtimi

Continue Reading

Tech

Zaha Hadid lanson qendrën e komunikimit ‘Metrotopia’ në Metaverse

Published

on

METROTOPIA, një ndërmarrje unike metaverse që synon të bëhet qendra e komunikimit virtual për komunitetin botëror të dizajnit, është shpallur dhe lançuar nga Zaha Hadid Architects dhe grupi i mendimit i arkitekturës me bazë në Çikago ArchAgenda.

Metrotopia Metaverse është një mjedis virtual me shumë lojtarë i ndërtuar me Unreal Engine 5, që përmban tingull hapësinor për ndërveprim realist komunikues brenda një mjedisi të gjallë që lejon që karakteri dhe cilësia e objekteve dhe hapësirave të projektuara të vizualizohen me besnikëri. Partneri i teknologjisë dhe platforma pritëse e Metrotopia është Mytaverse.

Metrotopia aspiron të jetë një qytet virtual dhe qendër e kulturës-industrisë krijuese për ekosistemin më të madh të dizajnit, duke bashkuar të gjitha disiplinat e dizajnit si dizajni urban, arkitektura, ambientet e brendshme, dizajni i mobiljeve, dizajni i produkteve, dizajni i modës, dizajni grafik, si dhe shkollat ​​përkatëse. , galeritë, muzetë, ekspozitat, javët e dizajnit, bienalet, çmimet dhe konferencat, si dhe shtëpitë botuese, revistat dhe mediat e internetit përkatëse.

Ndërtesa e parë e inkubatorit të Metrotopia dhe një bërthamë fillestare urbane janë projektuar nga ZHA me hapësira të padukshme tani në dispozicion. Më shumë arkitektë dhe dizajnerë të brendshëm do të bashkohen së shpejti për të krijuar një peizazh të larmishëm qyteti me shumë autorë, duke ofruar llojin e sinergjive të bashkëvendosjes që ne i duam në rrethet më të gjalla të qytetit.

Metrotopia është pjesë e ngjarjes kolaterale të Bienales së Arkitekturës që përfshin CityX, një tufë pavijonesh virtuale që rri pezull mbi Venecia që shfaq punën kërkimore të mësuesve të arkitekturës nga e gjithë bota./Media Ndërtimi.

Continue Reading

Tech

Art nga robotët që kryejnë detyra praktike dhe përdoren nga gastronomia

Published

on

Robotët humanoidë jo vetëm që kryejnë detyra praktike dhe po përdoren nga gastronomia deri në sektorët e mjekësisë, por ata janë në gjendje të krijojnë edhe vepra artistikë siç është rasti i robotit “Ai-Da”.

Ky roboti humanoid i prodhuar nga Engineered Arts është një artist me inteligjencë artificiale, fytyrë njeriu dhe krahë robotikë. I zhvilluar në vitin 2019 “Ai-Da” është sistemi i parë i artit robotik në botë. Me ndihmën e algoritmeve roboti “Ai-Da” prodhon vepra të ndryshme arti si vizatime, piktura dhe skulptura.

Origjinali dhe ‘falsifikimi’

Është një pamje e çuditshme kur krijuesi i robotëve, japonezi Hiroshi Ishiguro, qëndron pranë robotit të tij “Geminoid”, i cili duket si vëllai i tij binjak.

Ishiguro konsiderohet si ylli i kërkimeve japoneze në fushën e robotikës dhe ka ndërtuar gjithashtu edhe një klon android të ministrit japonez për transformimin dixhital, Taro Kono. Roboti “vëlla binjak” i Ishiguros është për momentin duke dhënë pa prodhuesin e tij një turne leksionesh në SHBA.

Paralajmërim ndaj rreziqeve

Sa më shumë të dhëna po dalin në pan në lidhje me zhvillimet e inteligjencës artificiale, aq më tepër po shtohen diskutimet për dimensionin etik të këtij zhvillimi. Geoffrey Hinton, i njohur si “kumbari i AI”, dha së fundi dorëheqjen nga Google, për të paralajmëruar nga rreziqet e këtij zhvillimi.  Ai thotë se shumë shpejt mund të mos jemi më në gjendje të dallojmë atë që është krijuar nga njeriu dhe nga roboti dhe se ka frikë nga humbja e kontrollit mbi inteligjencën artificiale.

Continue Reading

Trending