Rrëzohet një punëtor nga skelet në Pejë, gjendja e tij raportohet e rëndë

0

Përgjatë punimeve në një objekt në rrugën “Shpëtim Bojku” në Pejë, një punëtor është rrëzuar nga skelet dhe për pak sa nuk ka përfunduar me fatalitet.

Ndërtimi.info ka komunikuar me policinë për detaje më të hollësishme, por të njëjtit kanë konfirmuar rastin duke thënë se ende janë duke i marrë informacionet e plota.

E Jusuf Azemi, kryetar i Sindikatës së Sektorit Privat, për Ndërtimi.info ka thënë se rasti është i vërtetë dhe punëtori në fjalë ka rënë nga një lartësi relativisht e lartë.

“Ai ka rënë nga një lartësi 2-3 metra përderisa ka qenë duke i montuar shkallët në skele. Kjo ndodh kur punohet në temperatura të larta dhe pronarët nuk kanë marrë parasysh apelin tonë që të ketë pushime dhe të punohet në kohë tjetër”, ka thënë Azemi. Ai ka shtuar se menaxheri i kompanisë është arrestuar dhe është në mbajtje.

Gjendja e viktimës, që thuhet të jetë nga 35-40 vjeç, është e rëndë shëndetësore, sipas Azemit.

“Unë nuk i di termet mjekësore, por gjendja është e rëndë”, shtoi ai.

Ndërtimi.info do të ju mbaj të informuar në lidhje me rastin edhe më pas.

 

PËRGJIGJU

Please enter your comment!
Please enter your name here